"ကမ္ဘာကြီးကပြောင်းနေတာနဲ့အမျှ လိုအပ်ချက်တွေလည်းပြောင်းလာပါတယ်။ အဲဒီလိုအပ်ချက်တွေနဲ့ ကိုက်ညီအောင်လို့ ကျွန်မတို့ကပညာရေးစနစ်ကိုထူထောင်ရမယ်။ ကျွန်မတို့နှစ်ပေါင်းများစွာ အမှတ်ပေး စနစ်ကိုသိပ်အားကိုးခဲ့တဲ့အခါကျတော့ မိဘတွေရောကလေးတွေရောအမှတ်ဘယ်လောက်ရလဲဆိုတာ ကိုအဓိကထားပြီးတော့ ပညာရေးကိုချဉ်းကပ်ကြတယ်။ ပညာရေးဆိုတာဘာအတွက်လဲဆိုတာကိုမစဉ်းစားတော့ပဲ အမှတ်များများရဖို့၊ အမှတ်များများရလို့ရှိရင် စာမေးပွဲအောင်မယ်၊ စာမေးပွဲအောင်ပြီးလို့ရှိရင် ကိုယ်တက်ချင် တဲ့သင်တန်းတက်နိုင်မယ်။ တစ်ချိန်တစ်ခါကဆိုရင် လူတိုင်းက ဆရာဝန်လုပ်ချင်ကြတယ်။
ဘာဖြစ်လို့လဲဆိုရင် ဆရာဝန် ကဂုဏ်ရှိတယ်လို့သတ်မှတ်တယ် ပိုက်ဆံကောင်းကောင်းရှာနိုင်တယ်လို့ထင်ကြတယ်။ ဒီလိုအယူအဆတွေနဲ့ဆရာဝန် သိပ်ဖြစ်ချင်ကြတယ်။ ဒါပေမယ့် ဒီနိုင်ငံမှာ ဆရာဝန်ချည်းပဲရှိလို့မကောင်းသေးဘူးအမျိုးမျိုးလိုတယ်။ အင်ဂျင်နီယာ၊ အထူးသဖြင့် ကျောင်းဆရာဆရာမကောင်းလိုမယ်။ ၀န်ထမ်းကောင်းတွေလိုမယ်။ အဲဒါကြောင့် ကျွန်မတို့ရဲ့ လူငယ်များကနေပြီးတော့ သဘောထားကြီးကြီးမျက်လုံးပွင့်ပွင့် အမျိုးမျိုးလုပ်စရာရှိတာတွေကို လုပ်နိုင်တဲ့ အရည်အချင်းတွေ ရိ်ှနိုင်အောင် လူကြီးတွေကအားပေးရပါမယ်"
#ဒေါ်အောင်ဆန်းစုကြည်
ကလေးမြို့ လူထုတွေ့ဆုံပွဲ (၂၂.၀၁.၂၀၁၉)
No comments:
Post a Comment