Latest News

Tuesday, September 11, 2018

ချူဆီ' ရုပ်ရှင်ဇာတ်ကား စက်တင်ဘာ ၁၄ ရက်မှစတင်၍ မြန်မာတစ်နိုင်ငံလုံးရှိ အဆင့်မြင့်ရုပ်ရှင်ရုံကြီးများတွင် ပြသသွားမည်

'ချူဆီ' ရုပ်ရှင်ဇာတ်ကား စက်တင်ဘာ ၁၄ ရက်မှစတင်၍ မြန်မာတစ်နိုင်ငံလုံးရှိ အဆင့်မြင့်ရုပ်ရှင်ရုံကြီးများတွင် ပြသသွားမည်

အောင်ခေတ်မင်းရုပ်ရှင်ထုတ်လုပ်ရေးမှ ထုတ်လုပ်ပြီး ဒါရိုက်တာ အကယ်ဒမီမင်းဦး ရိုက်ကူးသည့် ''ချူဆီ''ရုပ်ရှင်ဇာတ်ကား စာနယ်ဇင်းအကြိုမိတ်ဆက်ပွဲအခမ်းအနားကို စက်တင်ဘာ ၅ ရက် ညပိုင်းက ရန်ကုန်မြို့ သမ္မတရုပ်ရှင်ရုံ၌ ပြသခဲ့ပြီး စက်တင်ဘာ ၁၄ ရက်မှစတင်ကာ မြန်မာတစ်နိုင်ငံလုံးရှိ အဆင့်မြင့်ရုပ်ရှင်ရုံကြီးများတွင် ပြသသွားမည်ဖြစ်ကြောင်း သိရသည်။ ''ချူဆီ'' ရုပ်ရှင်ဇာတ်ကားတွင် ကျော်ထက်အောင်၊ အကယ်ဒမီ မယ်လိုဒီ၊ အေးမြတ်သူ၊ အိချောပို၊ မေ၊ နန်းဆုဦးနှင့် အနုပညာရှင်များစွာ ပါဝင်သရုပ်ဆောင်ထားပြီး နန်းတော် အမည်ရှိ လူကုံထံသူဌေးများ၊ လုပ်ငန်းရှင်၊ စီးပွားရေးသမား၊ ယောက်ျားများ အရွယ်ရွယ်အစားစား ကျင်လည်ကျက်စားတတ်သည့် ကာရာအိုကေဆိုင်တစ်ခုသို့ ''မြကလေး''အမည်ရှိ ကျေးတောသူလေးတစ်ဦး အလုပ်လုပ်ရန် စတင်ရောက်ရှိလာချိန်မှစပြီး ဇာတ်လမ်းကိုဖွင့်ထားသည်။

ဒါရိုက်တာ အကယ်ဒမီမင်းဦး က ''ပထမဆုံးဒါရိုက်တာလုပ်ပြီး ရိုက်တဲ့ ကားဆိုတော့ နည်းနည်းတော့ရင်တုန် တာပေါ့။   အခက်အခဲတွေကတော့ အများကြီးပါပဲ။ မင်းသမီးငါးယောက် မင်းသားတစ်ယောက်ဆိုတော့   ရက် နည်းနည်းညှိရတာကလွဲလို့  ကျန်တာ အဆင်ပြေပါတယ်။ ဒီဇာတ်ကားက မိန်းကလေးတွေဘက်က ရိုက်ထားတာ ပါ။ လူတစ်ယောက်ကို  သူ့ရဲ့အလုပ် အပေါ်မှာ ကြည့်ပြီးတော့ ဆုံးဖြတ်လို့ မရဘူးဆိုတာ  မက်ဆေ့စ်ပေးချင်တာ ပါ''ဟု ပြောသည်။

သရုပ်ဆောင် ကျော်ထက်အောင် က  ''ဒီဇာတ်ကားမှာ ကေတီဗွီက ဂျာကြီးအဖြစ်  သရုပ်ဆောင်ထားပါ တယ်။ ကောင်မလေးတွေနဲ့ အရှုပ် အယှက်လေးတွေပါမယ်။  ပြဿနာ ဖြေရှင်းပေးတာတွေပါမယ်။ အဲဒီလို ကာရိုက်တာလေးပါ။ ဒီဇာတ်ကားက မင်းသမီးတွေလည်း    အများကြီးပါ တယ်။ ကျွန်တော်တစ်ယောက်တည်း  ဦးဆောင်ရတဲ့ကားလည်းဖြစ်တယ်။  ဒီကားမှာ ဇာတ်ကဦးဆောင်သွားပါ တယ်။  အစုအဖွဲ့ပုံစံနဲ့  လုပ်ခဲ့တာပါ။ ကိုမင်းဦးရဲ့   ပထမဆုံးကားဖြစ်တာ လည်းပါတယ်။ ကိုမင်းဦး ကြိုးစားထား တာလည်း အရာထင်မှာပါ။ အမှတ် တရတွေက အများကြီးပါပဲ''ဟု  ပြော သည်။

သရုပ်ဆောင် အကယ်ဒမီမယ်လိုဒီ က ''ဒီဇာတ်ကားမှာ ကေတီဗွီမှာ လုပ် သက်ကြာတဲ့ အမျိုးသမီးတစ်ယောက် အနေနဲ့ သရုပ်ဆောင်ထားပါတယ်။ ဒီဇာတ်ကားကို   ပရိသတ်ကြည့်ရင် တော့ အချိန်ကုန် ငွေကုန်ရကျိုးနပ်မှာ ပါ။ ဒီဇာတ်ကားမှာ ရယ်စရာလေးတွေ လည်းပါတယ်။ ငိုစရာလေးတွေလည်း ပါတယ်''ဟု ပြောသည်။

သရုပ်ဆောင်အေးမြတ်သူက ''ဇာတ် ကားသစ်ရိုက်တိုင်း   ရင်ခုန်တယ်။ စိတ်လှုပ်ရှားတယ်။  ဒီဇာတ်ကားမှာ သရုပ်ဆောင်ပိုင်း အများကြီးလုပ်ခွင့် ရတယ်။ ဒီဇာတ်ကားထဲက  မထက် ကာရိုက်တာ   မလွတ်သွားအောင် ကြိုးစားထားပါတယ်။  ဦးမင်းဦးက ဒါရိုက်တာအသစ်ဆိုပေမယ့် သရုပ် ဆောင်တွေပေါ် နားလည်ပေးနိုင်တယ်။ သရုပ်ဆောင်တစ်ယောက်ရဲ့ စိတ်ကို နားလည်တယ်။   ဘယ်လိုဖြစ်ရမယ် ဆိုတာသိတယ်။ ဒါရိုက်တာတစ်ယောက် အနေနဲ့ သင်ပေးတာမဟုတ်ဘဲ သရုပ် ဆောင်အချင်းချင်း သင်ပေးသလိုဖြစ် တဲ့အခါကျတော့  သဘောကျတယ်။ ပိုပြီးထိုးထွင်းပေါက်မြင်တယ်။ ပျော်ရွှင် စွာနဲ့ပဲ တက်ညီလက်ညီလုပ်နိုင်ခဲ့ကြ တယ်''ဟု ပြောသည်။

သရုပ်ဆောင်အိချောပိုက ''ဒီဇာတ် ကားမှာ ကေတီဗွီမှာ အလုပ်လုပ်တဲ့ မိန်းကလေးတစ်ယောက်  ပုံစံမျိုးပါ။ ရွာကတက်လာတဲ့မိန်းကလေး၊ မိသားစု အခြေအနေမကောင်းလို့ အလုပ်တက် လုပ်တာ။  ဒါပေမယ့် ရိုးသားတယ်။ ကြောက်လည်းကြောက်တတ်တယ်။ အားလုံးထဲမှာ  ထစ်ခနဲရှိ ငိုမယ်ဆိုတဲ့ ပုံစံလေးပါ။ ဇာတ်လမ်းလေးကလည်း ဆန်းပါတယ်။ ဇာတ်ကားက ပညာပေး ပုံစံပါတယ်။ မိန်းကလေးတွေရဲ့ ဘဝ တွေ တချို့လည်း   ဘဝမပျက်ချင်ဘဲ ပျက်ခဲ့ရတယ်။ တချို့လည်း ကိုယ့်ဘဝ ကို  ရပ်တည်နိုင်အောင်   ကြိုးစား တယ်။  အဲဒီလို ပုံစံလေးပြထားတဲ့ အတွက်    မိန်းကလေးတွေလည်း ခွန်အားဖြစ်စေတယ်''ဟု ပြောသည်။

မင်းသစ်(MNA)၊ဓာတ်ပုံ-သန့်စင်မင်း(ကြေးမှုံ)

No comments:

Post a Comment