ရေဖြူ သြဂုတ် ၂၄
တနင်္သာရီတိုင်းဒေသကြီး ထားဝယ်ခရိုင် ရေဖြူမြို့နယ် ဖောင်းတောကျေးရွာအုပ်စု ဖောင်းတောကျေးရွာ အမှတ်(၂)ရပ်ကွက်ရှိ ကလေး(၅)နှစ်ပြည့်မွေးနေ့အလှူပွဲတွင် သြဂုတ် ၂၃ရက်မွန်းလွဲပိုင်းက အစာအဆိပ်သင့်သူ( ၅၈)ဦးခန့်ဖြစ်ပွားခဲ့ကြောင်းသိရသည်။
ဖြစ်စဉ်မှာ ရေဖြူမြို့နယ် ဖောင်းတောကျေးရွာ အမှတ်(၂)ရပ်ကွက်နေ ဦးဖစုသည် မြေးဖြစ်သူ မဖူးသီရိမင်း၏ အသက်(၅)နှစ်ပြည့် မွေးနေ့တွင် သံဃာတော်(၇)ပါးအား ဝါဆိုသင်္ကန်းဆက်ကပ်လှူဒါန်းပြီး သံဃာတော်များအား နေ့ဆွမ်းကိုကြက်သားဟင်း ဝက်သားဟင်း ကြက်ကလီဇာ ကြက်အသည်းအမြစ်|ဝက်ကလီစာ| ဝက်အူသုပ်| မှိုဟင်း| ရွှေရင်အေးတို့ဖြင့် ဆွမ်းဆက်ကပ်လှူဒါန်းခဲ့သည်။
ပြီးနောက် တက်ရောက်လာကြသော ဧည့်သည်တော်များအား ကြက်သား| ဂေါ်ဖီထုပ်| မုန်လာဥနီ| မှို (စိုက်ပျိုးရေးမှိုနှင့်တော ထဲမှရရှိသောဒေသ အခေါ်ဝေါ် ဝါဆိုမှို)တို့ဖြင့် ရောနှောကြော်ထားသော ခေါက်ဆွဲကြော်နှင့်ကြက်သား| ဂေါ်ဖီထုပ်| မုန်လာဥနီ|မှို(စိုက်ပျိုးရေး မှိုနှင့်တောထဲမှရရှိသော ဒေသအခေါ်အဝေါ် ဝါဆိုမှို)တို့ဖြင့်ရောနှော ချက်ထားသောဟင်းချို နှင့် ရွှေရင်အေးတို့ဖြင့် ဆက်လက် ဧည့်ခံကျွေးမွေးနေစဉ် (၁၁း၃၀)နာရီခန့်တွင် ဧည့်သည်တော်များ အော့အန် အကြောတက် ဝမ်းလျှော မူးဝေခြင်းတို့ဖြစ်ပေါ်လာ၍ ကံပေါက်တိုက်နယ်ဆေးရုံသို့ ကားဖြင့်ပို့ဆောင် ဆေးကုသ လျှက်ရှိကြောင်း သိရသည်။
အဆိုပါ အစာအဆိပ်သင့်ဖြစ်၍ တက်ရောက်ဆေးကုသသော လူနာများမှာ ရေဖြူမြို့နယ် ဖောင်းတောကျေးရွာအုပ်စုမှ ကျား(၂၂)ဦး| မ(၃၆)ဦး စုစုပေါင်း (၅၈)ဦး တို့မှာ မူးဝေ အကြောတက် အော့အန် ဝမ်းလျှော (မစိုးရိမ်ရ)ဖြစ်ပြီး ည( ၈း၃၀)နာရီတွင် ရောဂါများသက်သာလျှက် လူနာ ကျား (၁၇)ဦး| မ(၂၂)ဦး စုစုပေါင်း (၃၉)ဦးတို့မှာ ဆေးရုံမှဆင်းခွင့်ပြုခဲ့ကြောင်းသိရသည်။
ဆက်လက်၍ ဆေးကုသခံမှု ခံယူကျန်ရှိနေသော လူနာ(၁၉)ဦးကို မနက်ဖြန်တွင် ဆေးရုံဆင်းခွင့်ပြုမည်ဖြစ်ကြောင်း ကံပေါက်တိုက်နယ်ဆေးရုံမှ ဒေါက်တာ ဇွန်ဖူးငုံ၏ ပြောပြချက်အရ သိရသည်။
( မြို့နယ် ပြန်/ဆက်)
No comments:
Post a Comment