Latest News

Thursday, August 16, 2018

ဇာတိမြေဇာတ်ကားတွင် ဂျပန်စကားပြောဆိုမှု အခက်အခဲကို ဝတ်မှုံရွှေရည် ရှင်းပြ

ဇာတိမြေဇာတ်ကားတွင် ဂျပန်စကားပြောဆိုမှု အခက်အခဲကို ဝတ်မှုံရွှေရည် ရှင်းပြ

ဂျပန်-မြန်မာချစ်ကြည်ရေးအဖြစ်  ရိုက်ကူးတင်ဆက်ထားသည့်  ဇာတိမြေ  ရုပ်ရှင်ဇာတ်ကားကြီး ရုံမတင်ခင်  လူမှုကွန်ရက်တွင် ပျံ့နှံ့သွားခဲ့သောကြောင့် ရိုက်ကူးထုတ်လုပ်သူများ  နစ်နာဆုံးရှုံးမှုများ  ကြုံတွေ့ခဲ့ရသည့်အပြင်  အဆိုပါရုပ်ရှင်တွင်  ပြင်ဆင်ချိန်နှစ်လသာ  အချိန်ရခဲ့ပြီး  တောင်ပေါ်သူရှမ်းမလေး  နန်းဟပ်ခေးစံအဖြစ်  သရုပ်ဆောင်ခဲ့သည့် ဝတ်မှုံရွှေရည်၏ ဂျပန်စကားပြောဆိုမှုအပေါ်လည်း ပရိသတ်များ၏ ဝေဖန်မှုများရှိခဲ့သည်။

ဇာတိမြေရုပ်ရှင်ဇာတ်ကားကြီးတွင် ပါဝင်သရုပ်ဆောင်ခဲ့မှုနှင့် ပတ်သက်၍ ထပ်ဆင့် အကယ်ဒမီ ဝတ်မှုံရွှေရည်က ''ဒီကားထဲမှာ ကစ်က နန်းဟပ်ခေးစံဆိုတဲ့ ရှမ်းမလေး နေရာက သရုပ်ဆောင်ထားပါတယ်၊ ဂျပန်မှာမွေးပြီး ဂျပန်မှာပဲ ကြီးပြင်းခဲ့ရတဲ့ မြန်မာ ပြည်က ကောင်မလေးပေါ့၊ ဒီဇာတ်ကားက အချစ်ကားလည်း မဟုတ်သလို သာမန် သမားရိုးကျဇာတ်လမ်းလည်း  မဟုတ်ပါဘူး၊ နိုင်ငံရေးနဲ့လည်းဆက်စပ်တဲ့ နှစ်နိုင်ငံ ချစ်ကြည်ရေးကားပါ၊ မျိုးချစ်စိတ်ဓာတ်ကို ဖော်ကျူးတဲ့ကားလည်း ဖြစ်တဲ့အတွက် ကြောင့် နည်းနည်းတော့ တာဝန်ကြီးပါတယ်၊ ပြီးတော့လည်း ဒီကားရိုက်ခါနီး သုံးလ လောက်အလိုမှ ကစ်ကို လာပြီးပြောတာ၊ ဇာတ်ရုပ်က ကစ်က ဂျပန်မှာမွေးပြီး ဂျပန်မှာပဲကြီးပြင်းလာတဲ့ ကောင်မလေးဆိုတော့ ဂျပန်လိုပြောရတယ်၊ အဲဒီအတွက် ဂျပန်စကားလေ့ကျင့်ဖို့ နှစ်လလောက်ပဲ အချိန်ရလိုက်တယ်။ နောက်တစ်ခါ ဂျပန်မှာ သွားရိုက်ပြန်တော့လည်း ကိုယ့်နိုင်ငံမဟုတ်တော့ မတူတာတွေ၊ အလုပ်လုပ်ရတဲ့စနစ် မတူတာတွေရယ်ကြောင့် ပြဿနာတွေ၊ အခက်အခဲတွေ၊ ဖိအားတွေ အများကြီး ရှိခဲ့ တယ်။ ဒါပေမယ့် အဲဒါတွေကိုမမှုဘဲ ကစ်တို့ ဒီဇာတိမြေတစ်ဖွဲ့လုံး ဂျပန်ရော မြန်မာပါ စုပေါင်းပြီးတော့ သေသေချာချာကို အားစိုက်ပြီး ဖန်တီးခဲ့ကြရတာပါ''ဟု ပြောသည်။

ဂျပန်စကားပြောဆိုမှုအပေါ်တွင် ပရိသတ်များ၏ ဝေဖန်မှုများနှင့် ပတ်သက်၍လည်း ဝတ်မှုံရွှေရည်က ''စကားပြောတာကျတော့ ကစ်က ဂျပန်စကားကို မွေးကတည်းကပြောလာခဲ့တဲ့သူမှမဟုတ်တာ၊   ပြီးတော့  ဒီကားကို   ရိုက်ခါနီး  သုံးလလောက် အလိုမှာမှ ကစ်ကိုလာကမ်းလှမ်းတာ၊ ပြီးတော့လည်း အမှန်အတိုင်းပြောရရင် သူတို့ ပြင်ဆင်တာ၊ ညှိနှိုင်းတာနဲ့ဆိုရင် ရိုက်မယ့်အချိန်နဲ့ စကားပြောသင်တဲ့အချိန်က နှစ်လ လောက်ပဲ ရလိုက်တာ၊ ဒါပေမယ့် အဲဒီ နှစ်လလောက်ကို နေ့တိုင်း အိမ်မှာသင်တယ်၊ ရှူတင်ချိန်ပြီးတာနဲ့ ညဘက်ဆို အိမ်မှာသင်တယ်၊ မနက်ဆို အိမ်မှာသင်တယ်၊ ပြီးရင် ဂျပန်ရောက်တာနဲ့လည်း ဂျပန်မှာ သင်ရတယ်ပေါ့နော်၊ တောက်လျှောက် ရှူတင်မှာ နားနေတဲ့အချိန်မှာတောင်   ဂျပန်ကလူတွေနဲ့   စကားပြောနေရတယ်၊  ဒါတောင် သူတို့လို မပြောနိုင်ဘူး၊ မွေးကတည်းကပြောလာတဲ့သူတွေနဲ့ ကိုယ်က နှစ်လလောက် သင်ခဲ့ရတာနဲ့တော့  နှိုင်းယှဉ်လို့ဘယ်ရမလဲ၊  ကိုယ့်ဘက်ကတော့  အတတ်နိုင်ဆုံး ကြိုးစားပြီးတော့ ပြောခဲ့ပါတယ်၊ အဲဒါလေးတော့ နားလည်ပေးစေချင်ပါတယ်''ဟု ဆိုသည်။

ကိုလင်း

No comments:

Post a Comment

Blog Archive

Tags

Accident Ad Agriculture Article Astrology Aung San Suu Kyi Bagan Beauty Bogale Book Car Cartoon celebs Crime Crony Daily Popular Danubyu Dedaye Dhamma Dr Hla Myat Thway Education ELection Entertainment Environment Foreign Affairs General General Aung San General Knowledge Gossip Gov Health Herbal Hinthada History Hluttaw Ingapu Interview Job Kangyidaunt kyaik Lat Kyangin Kyaunggon Kyonpyaw Latputta Laymyethna Lemyethna Letter Ma Shwe Moe Mahn Johnny Maubin Mawlamyinegyun Media MMP MMP 1 money Myan Aung Myanmar Idol Myaungmya Myo Min Paing News Ngapudaw Ngathaingchaung NLD Nyaung Tone Opinion Pagoda Pantanaw Party Pathein People Photo Places Poem Police Politic Political Prisoner Popular Project Pyapon Quote School Bus Song Speech Sport Sports Student SYW SYW 1 Technology Thabaung Time Ayeyar Tourism Trailer Travel U Ba Hein U Ko Ni U Kyaw Myint U Win Htay USDP Video Wakhama Weather World News Yekyi Zalun စိတ်အဟာရ ရသစာများ စိုက်ပျိုးရေး ထူးဆန်းထွေလာ ဒီရေတော နာရေး ဗဒေငျ မဘသ မုံရွာ လယ်သိမ်းမြေသိမ်း လူပုဂ္ဂိုလ်များ လူပျောက်ကြော်ငြာ အရှင်သုစိတ္တ (မော်ကျွန်း) အရှင်သုစိတ္တ (မော်ကျွန်း) ဆရာတော် အထွေထွေ ဝေဖန်ရေး ထွေအုပ် ​မော်​တင်​စွန်း နိုင်ငံရေးအကျဉ်းသား

Labels

Recent Post