Latest News

Thursday, July 5, 2018

လက်ပြင်ငုပ် လက်ပြင်အောင့်ခြင်း

လက်ပြင်ငုပ် လက်ပြင်အောင့်ခြင်း

လက်ပြင်ငုပ်ခြင်းသည်   နောက်ကျော အထက်နားတွင်ရှိသော  လက်ပြင်ရိုးတစ်ခု သို့မဟုတ်  လက်ပြင်ရိုးနှစ်ခုအကြား  ခံစားရသောနာကျင်မှု ဝေဒနာကို   ဆိုလိုပါသည်။

များသောအားဖြင့်   ကြွက်သားများကို ရုတ်ခြည်းရုန်းခြင်း၊  အလွန်အမင်း ဆွဲဆန့်ခြင်းနှင့် ကြွက်သားမျှင်အချို့ ပြဲခြင်းများဖြစ်စေသောကြောင့် ဖြစ်ရလေသည်။ တစ်နည်းဆိုရသော် ကြွက်သားများ ပင်ပန်းနေစဉ်၊ အင်အားတတ်နိုင်သည်ထက် ပိုသုံးစဉ်နှင့် နည်းစနစ် မမှန်မကန်ပြုလုပ်စဉ် တို့တွင်  ရုတ်တရက် ဖြစ်ပွားတတ်သည်။ ခန္ဓာကိုယ်ရှိ မည်သည့်ကြွက်သားမဆို ယင်းကဲ့သို့ဖြစ်နိုင်ကြသော်လည်း  လည်ပင်း၊  ခါး၊  ပခုံး၊  လက်ပြင်နှင့် ပေါင်အနောက်ဘက်ကြွက်သားတို့တွင် အဖြစ်များလေ့ရှိသည်။

လက်ပြင်ငုပ်ခြင်းသည်   ခါးနာခြင်းနှင့် လည်ပင်းနာခြင်းတို့လောက် အဖြစ်မများလှသော်လည်း လူအတော်များများ ကြုံတွေ့ခံစားနေကြရသည်ဖြစ်၏။ ကိုယ်ဝန်ဆောင်မိခင်လောင်း အချို့လည်း ခံစားရတတ်သည်။ အထူးသဖြင့်   ကိုယ်ဝန်အရင့်အမာ ရှိလာသော Third Trimester ကာလတွင် တစ်နေ့တခြား ဖောင်းလာသော ဝမ်းဗိုက်ကြောင့် ကျောဘက်ကြွက်သားများတွင်   ထိန်းကျောင်းရသည့် ဝန်ပိုများလာသဖြင့် ဖြစ်ရသည်။

အောက်ဖော်ပြပါအကြောင်းများကြောင့် လက်ပြင်ငုပ်ခြင်းဖြစ်စေနိုင်ကြောင်းကို  သတိပြုဆင်ခြင် သင့်ပါသည်။ တစ်နည်းအားဖြင့် ကြိုတင် ကာကွယ်ခြင်းပင်ဖြစ်သည်-

-တန်းကဲ့သို့ကိုင်စရာတစ်ခုခုကို   ကိုင်လျှောက်နေစဉ် ခြေချော်သွားခြင်း

-ပစ္စည်းကိုလွှဲ၍ ပစ်ပေါက်ခြင်း

-အလေးအပင်ကို    မနိုင်ရင်ကန်မခြင်း၊ဆွဲခြင်း၊ တွန်းခြင်း

-ကိုယ်နေကိုယ်ထားမမှန်ဘဲ ပစ္စည်းသယ်ယူခြင်း

-အားကစားလေ့ကျင့်မှုများကို  သွေးပူလေ့ကျင့်မှုမပြုဘဲ (ဝါ) နည်းစနစ်မမှန်ဘဲ ပြုလုပ်ခြင်း

လက်ပြင်ငုပ်သောအခါ ဝေဒနာပြင်းထန်မှုအဆင့်ကို လိုက်ပြီး အောက်ပါအတိုင်း ခံစားသိရှိ ရတတ်သည်-

- ကြွက်သားမျှင်များ ရောင်ရမ်းခြင်း၊ ပွန်းပဲ့ခြင်းနှင့် ထိုနေရာတစ်ဝိုက်မှာ နီရဲလာခြင်း

-လှုပ်ရှားမှု မပြုလုပ်သော်လည်း ကြွက်သား တင်းတောင့်ခြင်း၊ နာခြင်း

-လက်ပြင်ငုပ်နေသည့် ကြွက်သား  သို့မဟုတ် ယင်းကြွက်သားနှင့်  ဆက်သွယ်နေသော အဆစ်တို့ကို အသုံးပြုက နာခြင်း

-အကြောထုံးနေ(ဖုနေ)သကဲ့သို့ ခံစားရခြင်း

-အဆိုပါကြွက်သားနှင့် ကြွက်သားကြောများ အားနည်းခြင်း

-ကြွက်သားကို  လုံးဝအသုံးမပြုနိုင်ခြင်း

-အချို့သော လူနာများတွင်    လက်ပြင်မှ အခြားသောနေရာများသို့  ဝေဒနာပျံ့နှံ့ ခံစားရခြင်း(ဥပမာ - ရင်ဘတ်၊ လည်ပင်း၊ လက်မောင်း) စာရေးသူသည် အကြောအဆစ်ကုပညာရှင် တစ်ဦးအနေဖြင့်  လက်ပြင်ငုပ်၊ လက်ပြင်အောင့် လူနာများကို     ကုသပေးခဲ့ရသည်။ အစိုးရိမ်ကြီးသော လူနာအချို့က  အထက်ဖော်ပြပါ လက္ခဏာများကို  တာရှည်ခံစားနေရသောအခါ ''ကင်ဆာများလားဆရာ''ဟုပင် မေးတတ်ကြသည်။

သက်သာသွားလိုက်၊ ပြန်ဖြစ်လိုက် ပျောက်နိုးနိုးဖြင့် အချိန်ကြာကြာ ခံစားနေရပြီး    နိစ္စဓူဝ လှုပ်ရှားလုပ်ကိုင်မှုများတွင် အနှောင့်အယှက် ဖြစ်ပါများလာသောအခါ  နာတာရှည်လက်ပြင် ငုပ်ခြင်းကို  ရောဂါဆိုးကြီးတစ်ခုအဖြစ်  လူနာအချို့က ထင်မှတ်လာကြပါတော့သည်။  ထိုအခါ  သူတို့ခံစားနေရသော ဝေဒနာများနှင့်  ကင်ဆာရောဂါတို့၏ မတူညီသည့် သဘောသဘာဝ တို့ကို ရှင်းလင်းပြောပြလျက် အားပေးခဲ့ရသည်။ နာတာရှည် လက်ပြင်ငုပ်ခြင်းသည်  ဝေဒနာကို စနစ်တကျ မကုသခြင်းနှင့် စနစ်တကျ ကုသမှုခံယူသော်လည်း လူနာက တိတိကျကျ မလိုက်နာ၊ မပြုမူခြင်းတို့ကြောင့်   ဖြစ်နိုင်ပါသည်။   ထိုအခါ နာနေဒဏ်ဖြစ်နေသောကြွက်သားနှင့် ကြွက်သားကြောတို့အား အသစ်အသစ်သော အနာ တရဖြစ်မှုများ  ထပ်ခါထပ်ခါဖြစ်စေခြင်းဖြင့် အနာ(ဒဏ်)ကောင်းမွန်စွာ မကျက်နိုင်ဘဲ အနာသံသရာမဆုံးနိုင်ပါလေတော့။ ဥပမာ-

-နာနေပါသော်လည်း တင်းနစ်နှင့်ဂေါက်သီးရိုက်ခြင်း အစရှိသည်ဖြင့် ကစားခြင်း

-အလုပ်စားပွဲတွင်  လည်ပင်းနှင့်  နောက်ကျောတို့ကို  သဘာဝကျကျ မှန်ကန်စွာ မထားရှိခြင်း

-ခန္ဓာကိုယ်အနေအထား မှန်ကန်မှုမရှိခြင်း ပြုစုကုသခြင်း

-ဝေဒနာဖြစ်စ ပထမနှစ်ရက်တွင် ရေခဲအိတ်ကပ်ပေးပါ (၁၅-၂ဝ မိနစ် x ၂ ကြိမ်)

-တတိယရက်မှစပြီး  ရေနွေးခပ်နွေးနွေးလေး ပြောင်းကပ်ပေးပါ (၁၅ -၂ဝ မိနစ် x၂ ကြိမ်)

-အနားယူပါ။ တစ်ချိန်လုံး အိပ်ရာပေါ်တွင် လှဲနေရန်မဆိုလိုပေ။

-ဆရာဝန် ညွှန်ထားဖူးသော မိမိနှင့် သင့်လျော်သည့် အကိုက်အခဲပျောက်ဆေး တစ်မျိုးမျိုးကို လိုအပ်ပါက သောက်နိုင်သည်။

-လက်ပြင်ပိုင်းဆိုင်ရာ လေ့ကျင့်လှုပ်ရှားမှုများ ပြုလုပ်ပေးပါ။   သို့ရာတွင်   မိမိ၌ရောဂါ အထွေအထူးရှိက ဆရာဝန် သို့မဟုတ် အကြောအဆစ်ကု ပညာရှင်တို့နှင့် ပြသတိုင်ပင်ပါ။

(၁) ထိုင်ခုံတွင် ခါးဆန့်ထိုင်လျက်  လက်နှစ်ဖက်ကို နောက်စေ့မှာထားပါ။ ထို့နောက် ခါးနှင့်ကျောတို့ကို အပေါ်ဘက်သို့ ဆန့်ထုတ်ရင်း တံတောင်နှစ်ဖက်အား အနောက်ဘက်သို့ တဖြည်းဖြည်းဆွဲယူပါ။ ၅ စက္ကန့်မှ ၇ စက္ကန့်အထိထိန်းထားပြီး မူလအနေအထားသို့ ပြန်သွားပါ။ (၅ ကြိမ်စီ x ၃ ခါ)

(၂)  ကြမ်းပေါ်တွင် ခါးဆန့်လျက် ခြေဆင်းထိုင်ပါ။    ထို့နောက်   ခေါင်းနှင့်ခါးတို့ကို တစ်ပြိုင်နက် တဖြည်းဖြည်း ရှေ့ သို့ကုန်းချပေးပါ။ မိမိအရောက်နိုင်ဆုံးနေရာတွင် ၅ စက္ကန့်မှ ၇ စက္ကန့်အထိထိန်းထားပြီး မူလအနေအထားသို့ ပြန်သွားပါ။ (၅ ကြိမ်စီ x ၃ ခါ)

(၃) နံရံထောင့်ကိုမျက်နှာမူရပ်ပြီး လက်များ မြှောက်ကားထားပါ။ ထို့နောက် မြှောက်ထားသောလက်များကို  တံတောင်ဆစ်နေရာမှ ခါးအပေါ်နားအထိ တဖြည်းဖြည်းအောက်သို့လျှောချပေးပါ။   ၅ စက္ကန့်မှ  ၇ စက္ကန့်အထိ ရပ်ထားပြီး မူလအနေအထားသို့ ပြန်သွားပါ။ (၅ ကြိမ်စီ x ၃ ခါ)(၄) နံရံကိုကျောပေးလျက်   ကပ်ရပ်ပြီး လက်များမြှောက်ကားထားပါ။ မြှောက်ထားသော လက်များကို တံတောင်ဆစ်နေရာမှ ခါးအပေါ်နားအထိ တဖြည်းဖြည်းအောက်သို့ လျှောချပေးပါ။  ၅ စက္ကန့်မှ ၇ စက္ကန့်အထိ ရပ်ထားပြီး မူလအနေအထားသို့ ပြန်သွားပါ။

(၅ ကြိမ်စီ x ၃ ခါ)။    ။

မြ၀တီ

No comments:

Post a Comment

Blog Archive

Tags

Accident Ad Agriculture Article Astrology Aung San Suu Kyi Bagan Beauty Bogale Book Car Cartoon celebs Crime Crony Daily Popular Danubyu Dedaye Dhamma Dr Hla Myat Thway Education ELection Entertainment Environment Foreign Affairs General General Aung San General Knowledge Gossip Gov Health Herbal Hinthada History Hluttaw Ingapu Interview Job Kangyidaunt kyaik Lat Kyangin Kyaunggon Kyonpyaw Latputta Laymyethna Lemyethna Letter Ma Shwe Moe Mahn Johnny Maubin Mawlamyinegyun Media MMP MMP 1 money Myan Aung Myanmar Idol Myaungmya Myo Min Paing News Ngapudaw Ngathaingchaung NLD Nyaung Tone Opinion Pagoda Pantanaw Party Pathein People Photo Places Poem Police Politic Political Prisoner Popular Project Pyapon Quote School Bus Song Speech Sport Sports Student SYW SYW 1 Technology Thabaung Time Ayeyar Tourism Trailer Travel U Ba Hein U Ko Ni U Kyaw Myint U Win Htay USDP Video Wakhama Weather World News Yekyi Zalun စိတ်အဟာရ ရသစာများ စိုက်ပျိုးရေး ထူးဆန်းထွေလာ ဒီရေတော နာရေး ဗဒေငျ မဘသ မုံရွာ လယ်သိမ်းမြေသိမ်း လူပုဂ္ဂိုလ်များ လူပျောက်ကြော်ငြာ အရှင်သုစိတ္တ (မော်ကျွန်း) အရှင်သုစိတ္တ (မော်ကျွန်း) ဆရာတော် အထွေထွေ ဝေဖန်ရေး ထွေအုပ် ​မော်​တင်​စွန်း နိုင်ငံရေးအကျဉ်းသား

Labels

Recent Post