Latest News

Wednesday, July 11, 2018

အင်္ဂလိပ်စာတွင်လည်း ထူးချွန်သည့် အာဇာနည်ခေါင်းဆောင်ကြီး

အင်္ဂလိပ်စာတွင်လည်း ထူးချွန်သည့် အာဇာနည်ခေါင်းဆောင်ကြီး

ကျောင်းသားခေါင်းဆောင် ကိုအောင်ဆန်း၊ အမျိုးသားခေါင်းဆောင် သခင်အောင်ဆန်း၊ တပ်မတော်၏ဖခင် ဗိုလ်ချုပ်အောင်ဆန်း၊ လွတ်လပ်ရေးဗိသုကာ ဦးအောင်ဆန်းသည် တိုတောင်းလှသော လူ့ဘဝတွင် တိုင်းပြည်နှင့် လူမျိုးအတွက် မနားမနေကြိုးပမ်းအားထုတ်ခဲ့သည်။ အသက်ကိုပင် ပေးဆပ်စွန့်လွှတ်ခဲ့ရသည်။ ဗိုလ်ချုပ်သည် လွတ်လပ်ရေးကြိုးပမ်းစဉ် စာအုပ်စာပေများကို အပတ်တကုတ် ဖတ်မှတ်လေ့လာခဲ့သည်။ အင်္ဂလိပ်ဘာသာဖြင့် ရေးသားထားသော နိုင်ငံရေးစာပေများကို လေ့လာခဲ့သည်။ တက္ကသိုလ်ကျောင်းသားဘဝကတည်းက ဆောင်းပါးများ ရေးသားခဲ့သည်။ အင်္ဂလိပ်ဆောင်းပါးများကိုလည်း ရေးသားခဲ့သည်။ မိန့်ခွန်းများကိုလည်း အင်္ဂလိပ်စာဖြင့် ကိုယ်တိုင်ရေးသားခဲ့သည်။

ငယ်စဉ်ကတည်းက အင်္ဂလိပ်စာထူးချွန်

၁၉၂၉ ခုနှစ်  မတ်လတွင်ကျင်းပသည့်  သတ္တမတန်းစာမေးပွဲတွင် ရေနံချောင်းအမျိုးသားအထက်တန်းကျောင်းမှ   ဗိုလ်ချုပ်အောင်ဆန်း အပါအဝင် ကျောင်းသား သုံးဦးသည် ပညာသင်ဆုရရှိခဲ့ကြသည်။ ထိုစဉ်က ကျောင်းမှထုတ်ဝေခဲ့သော လက်ရေးမဂ္ဂဇင်းတစ်စောင်တွင် မောင်အောင်ဆန်း သည် အင်္ဂလိပ်စာကဏ္ဍ စာတည်းအဖြစ် ဆောင်ရွက်ခဲ့သည်။  ထိုစဉ်က ဗိုလ်ချုပ်အောင်ဆန်းသည် နဝမတန်းသာရှိသေးသော်လည်း အဆင့်မြင့် အင်္ဂလိပ်စာများကို ရေးသားတတ်နေပြီဖြစ်သည်။  ဗိုလ်ချုပ်  အင်္ဂလိပ်စာ ထူးချွန်ကြောင်းကို  ငယ်စဉ်က  သူ့ကို အင်္ဂလိပ်စာသင်ကြားပေးခဲ့သည့် ဆရာကြီး ဦးခင်သန်း ကိုယ်တိုင်ရေးသားခဲ့သည့်စာကို ဖတ်မှတ်ဖူးပါသည်။

တက္ကသိုလ်ကျောင်းသားဘဝ

၁၉၃၂ ခုနှစ်တွင် ၁ဝ တန်းအောင်၍ ရန်ကုန်တက္ကသိုလ်သို့ ရောက်ရှိ ခဲ့သည်။  ရည်မှန်းချက်ကြီးမားသူပီပီ  တက္ကသိုလ်ကျောင်းသားဘဝတွင် စာပေမှလွဲ၍ အခြားအရာများကို စိတ်မဝင်စားခဲ့ချေ။ တက္ကသိုလ်စကားရည်လုပွဲ များတွင် အင်္ဂလိပ်လို ဝင်ရောက်ဆွေးနွေးခဲ့သည်။ ထိုစဉ်က အသံနေအသံထား  နှင့် လေယူလေသိမ်း တိကျမှုမရှိသော်လည်း ဆိုလိုရင်းကို ရောက်အောင် ပြောခဲ့သည်။ အခြားကျောင်းသားများက ဗိုလ်ချုပ်၏ အင်္ဂလိပ်စာအသံထွက် နှင့်ပတ်သက်၍ ဝေဖန်မှုများရှိသော်လည်း ဂရုမစိုက်ခဲ့ပေ။ သူ၏ယုံကြည်ချက် အတိုင်းသာ ဆောင်ရွက်ခဲ့သည်။

တက္ကသိုလ်ကျောင်းသားဘဝတွင်    Burma and Buddhism ၊ Freedom of  Dress in Schools  ဆောင်းပါးများကို ရေးသားခဲ့သည်။  တက္ကသိုလ်ကျောင်းသားများ သမဂ္ဂအစည်းအဝေးများတွင် အင်္ဂလိပ်ဘာသာ စကားဖြင့် စကားပြောတတ်သည်။ အခြားသူများက ''ဗမာလိုပြောပါဗျ'' ဟု ဝိုင်းအော်နေသည်ကိုပင် အမှုမထားဘဲ ဆက်ပြောလေ့ရှိသည်။ သူ့ယုံကြည် ချက်အတိုင်း ဆက်လုပ်ခဲ့သည်။ အင်္ဂလိပ်စကား ကောင်းကောင်းပြောတတ် လျှင် အင်္ဂလိပ်စာကောင်းကောင်းရေးနိုင်မည်ဟု ယုံကြည်ထားသောကြောင့်  ဖြစ်သည်။

နိုင်ငံတကာနှင့်ဆက်ဆံရာတွင်လည်း အင်္ဂလိပ်ဘာသာသည် အရေးပါ သည်ဟူသောအမြင်ကို လက်ခံထားသူဖြစ်သည်။ အင်္ဂလိပ်စာတတ်ထားမည် ဆိုလျှင် မြန်မာနိုင်ငံလွတ်လပ်ရေးတိုက်ပွဲတွင်  များစွာအထောက်အကူပြုမည်ဆိုသည်ကိုလည်း သဘောပေါက်ထားသူဖြစ်သည်။ ယုံကြည်ချက်ခိုင်မာ သဖြင့်  ပြင်းပြင်းထန်ထန်   ကြိုးစားခဲ့သည်။   မျိုးဆက်သစ်လူငယ်များ အတုယူသင့်ပေသည်။

မိန့်ခွန်းများကို အင်္ဂလိပ်လိုရေး

ဗိုလ်ချုပ်အောင်ဆန်းသည် လွတ်လပ်ရေးတိုက်ပွဲကာလအတွင်း သူ၏ မိန့်ခွန်းများကို ကိုယ်တိုင် အင်္ဂလိပ်လိုရေးသားခဲ့သည်။ သာဓကအနေဖြင့်  တော်လှန်ရေး (The Resistance Movement)၊ ဗမာ့လွတ်လပ်ရေးပြဿနာ များ (Problems for Burma's Freedom)၊ ဗြိတိသျှနယ်ချဲ့စနစ်အား ဝေဖန်ရေး(Critiqueon British Imperialism)၊  အိန္ဒိယပြည်အား ကြိုဆိုပါ၏ (Welcome India)၊ အခြေအနေနှင့်  လုပ်ငန်းစဉ်(The Situation and Tasks)၊ အင်္ဂလိပ်-မြန်မာကပြားများသို့ (An  Address to the Anglo-Burmans) စသည့် မိန့်ခွန်းခြောက်ပုဒ်ကို စာပေဗိမာန်က ၁၉၇၁ ခုနှစ်တွင် ထုတ်ဝေသည့် ဗိုလ်ချုပ်အောင်ဆန်းမိန့်ခွန်းများစာအုပ်တွင် အပြည့်အစုံ ဖော်ပြထားပါသည်။ အင်္ဂလိပ်စာ စိတ်ပါဝင်စားသည့် မျိုးဆက်သစ်လူငယ် များအနေဖြင့်  လေ့လာနိုင်ပါသည်။   ထိုမိန့်ခွန်းများတွင်   အာဇာနည် ခေါင်းဆောင်ကြီး၏အတွေးအခေါ်နှင့်  စိတ်နေစိတ်ထားတို့ကို  လေ့လာ အတုယူနိုင်ပါသည်။

ဗိုလ်ချုပ်သည်   လွတ်လပ်ရေးကြိုးပမ်းစဉ်ကာလတစ်လျှောက်လုံး အင်္ဂလိပ် မျက်နှာဖြူများကို အင်္ဂလိပ်ဘာသာစကားဖြင့် သူတင်၊ ကိုယ်တင် ပြောဆိုဆွေးနွေးနိုင်ခဲ့သည်။    လွတ်လပ်ရေးအတွက်    အရေးပါသည့်  အောင်ဆန်း-အက်တလီစာချုပ်ကို လက်မှတ်ရေးထိုးနိုင်ခဲ့သည်။ တက္ကသိုလ် ကျောင်းသားဘဝမှသည် ကျဆုံးသွားချိန်အထိ တိုင်းပြည်အတွက် မမောမပန်း အလုပ်လုပ်သွားခဲ့သည်။

၁၉၄၇ ခုနှစ် ဇန်နဝါရီလ ၁၃ ရက်နေ့တွင်  လန်ဒန်မြို့  အမှတ်(၁ဝ)ဒေါင်းနင်းလမ်းရှိ ဗြိတိသျှ ဝန်ကြီးချုပ်ရုံး၌ အက်တလီနှင့်တွေ့ဆုံစဉ် ဗိုလ်ချုပ် ပြောဆိုခဲ့သည့်မိန့်ခွန်းမှ အချို့ကို မျိုးဆက်သစ်လူငယ်များ လေ့လာနိုင်ရန် အင်္ဂလိပ်-မြန်မာနှစ်ဘာသာဖြင့် ကောက်နုတ်ဖော်ပြရလျှင် ''I would like to say on behalf of  the delegation that whatever differences we may have in Burma, though indeed they are few and unimportant, we are one in  our demand for full and unfettered freedom. We want that freedom soon, and we want to have the opportunity to prepare for it now.'' ''ကိုယ်စားလှယ်အဖွဲ့ကိုယ်စားပြောလိုသည်မှာ ကျွန်ုပ်တို့ မြန်မာပြည်တွင် အရေးမကြီးလှသောကိစ္စတချို့၌ သဘောထားကွဲလွဲမှုများ ရှိနေပေမယ့် ကျွန်ုပ်တို့တိုင်းရင်းသားအားလုံးသည် အချုပ်အချယ် ကင်းမဲ့သော တင်းပြည့် ကျပ်ပြည့်လွတ်လပ်ရေးကိုတောင်းဆိုရာတွင် တစ်သံတည်းဖြစ်ပါ ကြောင်း၊ ကျွန်ုပ်တို့သည် ထိုလွတ်လပ်ရေးကို အလျင်အမြန် လိုချင်ကြသဖြင့် ယခုမှစတင်၍ ပြင်ဆင်လိုပါကြောင်း'' ပြောကြားသွားပါသည်။

အတုယူသင့်

ဗိုလ်ချုပ်သည် ထိုစဉ်က အသက် ၃၂ နှစ်သာရှိသေးသော်လည်း အတွေး အခေါ်သည် ထောင့်စုံနေသည်။ လက်ရှိအချိန်အထိ အသက်ဝင်နေလျက်ရှိသည်။လွတ်လပ်ရေး၏ဖခင် ဗိုလ်ချုပ်အောင်ဆန်းသည် ငယ်စဉ်ကတည်းက အများနှင့် မတူ တစ်မူထူးခြားစွာ နေထိုင်လေ့ရှိသည်။ မိဘများ၊ ဆရာသမားများအပေါ် တွင်   မုသားစကားပြောဆိုလေ့မရှိဘဲ  ကလေးသဘာဝ  မိမိ၏စိတ်ထဲတွင် ဖြစ်ချင်သောဆန္ဒအမှန်ကို   ထုတ်ဖော်ပြောကြားဝံ့သော   သတ္တိရှိခဲ့သည်။ ထို့အပြင် ကလေးဘဝတွင် ပြုမူခဲ့သည့်အမှားများကိုလည်း ရဲဝံ့စွာဝန်ခံရဲသော  ရိုးသားဖြောင့်မတ်သည့်စိတ်ထားကို   ပိုင်ဆိုင်ထားပြန်သည်။  ထိုစိတ်နေ စိတ်ထားများသည်   အနာဂတ်ကို   စီမံခန့်ခွဲမည့်မျိုးဆက်သစ်လူငယ်များ အတွက် အတုယူသင့်သော မွန်မြတ်တည်ကြည်သည့် စိတ်ဓာတ်ပင်ဖြစ်သည်။

အာဇာနည်သူရဲကောင်း   ဗိုလ်ချုပ်အောင်ဆန်းသည်   တက္ကသိုလ် ကျောင်းသားဘဝတွင်လည်း ကြွားဝါထောင်လွှားမှုမရှိဘဲ ကျောင်းစာကိုသာ အပတ်တကုတ်ကြိုးစားခဲ့သည်။ ထို့အပြင် သူတစ်ပါးအကြိုက် အားနာပြီး လိုက်ပါပြောဆိုပြုမူလေ့မရှိဘဲ အရှိကိုအရှိအတိုင်း ပြောဆိုဆက်ဆံပြုမူခဲ့သဖြင့်  ကျောင်းသားများအကြားတွင် ပေါင်းသင်းဆက်ဆံရခက်ခဲသည့် လူတစ်ဦးဟု ရှုမြင်ခံခဲ့ရသည်။  တခြားသူများ   မည်ကဲ့သို့ပင်   လက်ညှိုးထိုးနေစေကာမူ ဖြောင့်မတ်စွာ ရပ်တည်ကြိုးစားခဲ့သဖြင့် တက္ကသိုလ်ကျောင်းသားခေါင်းဆောင် အဖြစ် ရွေးချယ်ခံခဲ့ရသည်။

စွန့်လွှတ်အနစ်နာခံခဲ့

သူ့ကျွန်ဘဝကျရောက်နေသော တိုင်းပြည်ကို နယ်ချဲ့တို့၏ လက်အောက်မှ လွတ်မြောက်ရေးအတွက်    ကြိုးပမ်းမည်ဆိုသော   ခိုင်မာပြတ်သားသည့် သန္နိဋ္ဌာန်ဖြင့် တက္ကသိုလ်မှထွက်ကာ လွတ်လပ်ရေးကြိုးပမ်းမှုများကို ဦးဆောင် ခဲ့သည်။ ထိုသို့ ကိုယ်ကျိုးမဖက်သည့် စိတ်ဓာတ်ဖြင့် ဆောင်ရွက်ခဲ့မှုများသည် သာမန်လူတို့   ဆောင်ရွက်နိုင်ခဲသော  စွန့်လွှတ်အနစ်နာခံမှုပင်ဖြစ်သည်။ လွတ်လပ်ရေးအတွက် နယ်ချဲ့အားတိုက်ထုတ်ရန်သည် ခိုင်မာတောင့်တင်းပြီး စနစ်တကျဖွဲ့စည်းထားသည့်   လက်နက်ကိုင်အဖွဲ့အစည်းတစ်ရပ်ရှိရမည် ဆိုသော   တွေးခေါ်မြော်မြင်ဆုံးဖြတ်ဆောင်ရွက်နိုင်စွမ်းကလည်း  အသက် အရွယ်နှင့်မလိုက်သောရင့်ကျက်မှုကို ပြသခဲ့ခြင်းပင် ဖြစ်သည်။

တပ်မတော်ဖွဲ့စည်းရေးအတွက်    လိုအပ်လျက်ရှိသည့်   နိုင်ငံခြား အကူအညီရရှိရေး ပြည်ပသို့ တိတ်တဆိတ်ထွက်ခွာခဲ့ရာတွင်လည်း အခက် အခဲပေါင်းစုံ ကြုံတွေ့ခဲ့ရပြန်သည်။ သို့သော် ခိုင်မာပြတ်သားသည့် သန္နိဋ္ဌာန် ကြောင့် ရည်မှန်းချက်ပြီးမြောက်အောင် ဆောင်ရွက်နိုင်သဖြင့် ရဲဘော် သုံးကျိပ်နှင့်အတူ    စစ်ပညာသင်ယူဆည်းပူးနိုင်ခဲ့သည်။   ထို့နောက် လွတ်လပ်ရေးအတွက် အသက်ပေးသွားမည်ဟုသစ္စာဆိုကာ လက်မောင်းသွေး ဖောက်သောက်ပြီး ဗမာ့လွတ်လပ်ရေးတပ်မတော်ကြီးကို ဖွဲ့စည်းနိုင်ခဲ့သည်။

ဗိုလ်ချုပ်အောင်ဆန်းသည်   ဘီအိုင်အေ၊  ဘီဒီအေ၊ ပီဘီအက်(ဖ်) တပ်မတော်များနှင့်အတူ နယ်ချဲ့နှင့် ဖက်ဆစ်ဂျပန်တို့ကို မြန်မာ့မြေပေါ်မှ အမြစ်ပြတ်ချေမှုန်းတိုက်ထုတ်နိုင်ခဲ့သည်။ ထို့အပြင် မြန်မာ့လွတ်လပ်ရေး အတွက်လည်း  နယ်ချဲ့တို့ထံ  တည်တံ့စွာပြောဆိုတောင်းဆိုနိုင်ခဲ့သည်။ နယ်ချဲ့တို့ထံ လွတ်လပ်ရေးတောင်းဆိုရေးအတွက် တိုင်းပြည်အတွင်း တရား မျှတသော ရွေးကောက်ပွဲကြီးကျင်းပကာ တိုင်းပြုပြည်ပြုလွှတ်တော်ကြီး ကျင်းပနိုင်ခဲ့သည်။ ထိုလွှတ်တော်ကြီးမှ တိုင်းပြည်အတွက် အရေးပါသော  ဆုံးဖြတ်ချက်များချမှတ်နိုင်ခဲ့သည်။ ထို့နောက် လွတ်လပ်သောအချုပ်အခြာ အာဏာပိုင် သမ္မတနိုင်ငံ ဖွဲ့စည်းထူထောင်ရန် အရေးကြီးအဆိုကို တင်သွင်း နိုင်ခဲ့သည်။ ဗိုလ်ချုပ်၏အမြော်အမြင်ကြီးမားမှုကြောင့် တစ်နှစ်အကြာတွင် ကျွန်တော်တို့နိုင်ငံနှင့်   လူမျိုးအတွက်       အသက်တမျှအရေးပါသော လွတ်လပ်ရေးကြီးကို ၁၉၄၈ ခုနှစ် ဇန်နဝါရီလ ၄ ရက်နေ့တွင် လက်ဝယ် ပိုင်ပိုင် ရယူနိုင်ခဲ့ပါသည်။

ခြုံ၍တင်ပြရလျှင် အာဇာနည်ခေါင်းဆောင်ကြီးသည် လူ့ဘဝတွင် နေထိုင်ခဲ့သည့် သက်တမ်း ၃၃ နှစ် ကာလအတွင်း တိုင်းပြည်နှင့်လူမျိုးအတွက် အသက်ကိုပင်စွန့်လျက် မနားမနေကြိုးစားခဲ့သည်မှာ နိုင်ငံသားအားလုံး အတုယူဖွယ်ရာဖြစ်သည်။ ဗိုလ်ချုပ်သည် အန္တိမရည်မှန်းချက်ဖြစ်သည့် လွတ်လပ်ရေးကို ရအောင်ယူနိုင်ခဲ့သည်။ ထိုသို့လွတ်လပ်ရေးတိုက်ပွဲအတွက် လိုအပ်သည့်အရာမှန်သမျှကို ဖြည့်ဆည်းခဲ့သည်။ အထူးသဖြင့် ကိုလိုနီများနှင့် ဆက်ဆံရမည်ကို သဘောပေါက်ခဲ့သည်။ ထို့ကြောင့် ငယ်စဉ်ကတည်းက အင်္ဂလိပ်စာကိုêကြိုးစားခဲ့သည်။ တက္ကသိုလ်ကျောင်းသားဘဝတွင် အင်္ဂလိပ်လို ပြောဆိုရေးသားခဲ့သည်။ အင်္ဂလိပ်စာ အသံနေ အသံထားနှင့်ပတ်သက်၍ဝေဖန်မှုများရှိသော်လည်း ဂရုမစိုက်ခဲ့ပေ။ သူ့ယုံကြည်ချက်အတိုင်း တစိုက် မတ်မတ်êကြိုးပမ်းခဲ့သည်။ အင်္ဂလိပ်စာအုပ်များကို  ဖတ်မှတ်လေ့လာခဲ့သည်။ ထို့ကြောင့် အင်္ဂလိပ်စာထူးချွန်လာခဲ့သည်။ ဗြိတိသျှတို့နှင့် သူတင်ကိုယ်တင် ဆွေးနွေးနိုင်ခဲ့သည်။ ဆိုရလျှင် တိုင်းပြည်လွတ်လပ်ရေး ပြန်လည်ရရှိအောင် ဆောင်ကြဉ်းပေးနိုင်ခဲ့သည်။ ထို့ကြောင့် လွတ်လပ်ရေးဗိသုကာ ဗိုလ်ချုပ် အောင်ဆန်းကို အင်္ဂလိပ်စာတွင်လည်း ထူးချွန်သည့် အာဇာနည်ခေါင်းဆောင် ကြီးအဖြစ် တင်စားရေးသားပါရစေ။  ။

မောင်စိန်အိ(နဘဲမြေ)

No comments:

Post a Comment

Blog Archive

Tags

Accident Ad Agriculture Article Astrology Aung San Suu Kyi Bagan Beauty Bogale Book Car Cartoon celebs Crime Crony Daily Popular Danubyu Dedaye Dhamma Dr Hla Myat Thway Education ELection Entertainment Environment Foreign Affairs General General Aung San General Knowledge Gossip Gov Health Herbal Hinthada History Hluttaw Ingapu Interview Job Kangyidaunt kyaik Lat Kyangin Kyaunggon Kyonpyaw Latputta Laymyethna Lemyethna Letter Ma Shwe Moe Mahn Johnny Maubin Mawlamyinegyun Media MMP MMP 1 money Myan Aung Myanmar Idol Myaungmya Myo Min Paing News Ngapudaw Ngathaingchaung NLD Nyaung Tone Opinion Pagoda Pantanaw Party Pathein People Photo Places Poem Police Politic Political Prisoner Popular Project Pyapon Quote School Bus Song Speech Sport Sports Student SYW SYW 1 Technology Thabaung Time Ayeyar Tourism Trailer Travel U Ba Hein U Ko Ni U Kyaw Myint U Win Htay USDP Video Wakhama Weather World News Yekyi Zalun စိတ်အဟာရ ရသစာများ စိုက်ပျိုးရေး ထူးဆန်းထွေလာ ဒီရေတော နာရေး ဗဒေငျ မဘသ မုံရွာ လယ်သိမ်းမြေသိမ်း လူပုဂ္ဂိုလ်များ လူပျောက်ကြော်ငြာ အရှင်သုစိတ္တ (မော်ကျွန်း) အရှင်သုစိတ္တ (မော်ကျွန်း) ဆရာတော် အထွေထွေ ဝေဖန်ရေး ထွေအုပ် ​မော်​တင်​စွန်း နိုင်ငံရေးအကျဉ်းသား

Labels

Recent Post