မိတ္ထီလာမေ ၉
မိတ္ထီလာမြောက်ကန်အတွင်း ကြာပန်းများ ပြန်လည်ဖူးဖွင့်ချိန် ရောက်ရှိပြီးနေ့စဉ် ကြာပန်းတောများထဲတွင်အပျော်တမ်း
လှေစီးသူများကြောင့် လှေသမားများ နေ့စဉ်ဝင်ငွေရရှိလျက် ရှိကြောင်းသိရသည်။
ဝန်ဇင်းရပ်ကွက်မြောက်ဘက် မိတ္ထီလာမြောက်ကန်အတွင်းက ကြာပန်းတွေပွင့်တဲ့နေရာမှာ မနှစ်ကစတင်ပြီးအပျော်တမ်းလှေ လာစီးသူတွေရောက်လာကြတယ်။ မိတ္ထီလာဒေသခံတွေပါ သလို နယ်ဝေးဒေသတွေကနေ လာရောက်လှေစီးသူတွေလည်း
ပါပြီးအများစုကလူငယ်လေးတွေဖြစ်ပါတယ်။ တစ်ချို့ က မိသားစုအလိုက် လာလည်ပြီး ကြာပန်းတောထဲလှေစီးကြတာလည်းရှိတယ်။ လှေစီးခအနေနဲ့  တစ်ဦးကိုတစ်ထောင်ကျပ်ယူပြီးအနည်းဆုံးကန်ထဲ ကြာပန်းတောထဲမှာမိနစ်သုံးဆယ်လောက်တော့လှေကိုလှည့်လည်
လှော်ခတ်ပေးပါတယ်။ကန်ထဲမှာအပျော်တမ်းလှော်စီးရင် ကြာပန်းခူးလို့ လည်းရတာမို့  အခုရက်ပိုင်းလှေစီးလာကြသူတွေ နေ့စဉ်ရှိတာမို့  လှေသမားတွေလည်းနေ့စဉ် ၀င်ငွေရရှိပါတယ်ဟု မိတ္ထီလာမြောက်ကန်၏ မြောက်ဘက်တွင်ကပ်လျက်ရှိတည်ရှိသည့် အင်းပက်လက်ကျေးရွာမှ လှေသမားတစ်ဦးကပြောသည်။
မိတ္ထီလာမြောက်ကန်အတွင်း ကြာပွင့်သည့် ကန်ဧရိယာနေရာမှာ ဧကတစ်ရာနီးပါးရှိပြီးအုတ်နှဲဘုတ်ကျေးရွာ၊ကုလားမကျွန်း နှင့် အင်းပက်လက်ကျေးရွာများမှ လှေသမားများမှာကန်ထဲတွင် အပျော်တမ်းလှေစီးလာရောက်သူများကိုနေ့စဉ်နံနက်အစောပိုင်းနှင့် ညနေပိုင်းအချိန်များတွင် ပို့ဆောင်ပေးလျက်ရှိသည်။
မိတ္ထီလာမြောက်ကန်အတွင်း ကြာပန်းများဖူးပွင့်နေသည့်နေရာ
မှာအလွန်သာယာလှပသဖြင့် အပျော်တမ်းလှေစီးလာကြသူများ ၊ လှေစီးရင် ကြာပန်းခူးကြသူများ ၊ ကြာပန်းတောထဲတွင် လှေစီးရင်းအလှဓာတ်ပုံ ရိုက်သူများဖြင့် နေ့စဉ် စည်ကားလျက်ရှိကြောင်းသိရသည်။
ချမ်းသာ ( မိတ္ထီလာ)
No comments:
Post a Comment