တနင်္သာရီတိုင်းဒေသကြီး၊ ပလောက်မြို့၊ ပြင်ဘုကြီးကျေးရွာအုပ်စု ၊ သင်္ကန်းကျဲကျေးရွာတွင် ဖခင်ဖြစ်သူမှ သမီးအရင်းဖြစ်သူအား သားမယားအဖြစ် အကြိမ်ကြိမ် ပြုကျင့်မှု ဖြစ်ပွားခဲ့ကြောင်း သိရပါတယ် ။
ပြင်ဘုကြီးကျေးရွာအုပ်စု၊ သင်္ကန်းကျဲ ကျေးရွာတွင်နေထိုင်သည့် ဖိုးကရင်(ခ)ရဲထွန်း (၅၉) နှစ်၊ သည် ၎င်း၏ ဇနီး မအင်မိုး (၃၉)နှစ် ၊လွန်ခဲ့သော ၁၀ ရက်ခန့်က လင်မယားစကားများရန်ဖြစ်ပြီး မအင်မိုးမှ နေအိမ်မှဆင်းသွားကြောင်း သိရပါတယ်။
အဆိုပါနေအိမ်တွင် ခင်ပွန်းဖြစ်သူ ဖိုးကရင်(ခ)ရဲထွန်း နှင့် သမီးဖြစ်သူ မ … …(၁၂)နှစ်၊ တို့ သားအဖနှစ်ဦးကျန်ရှိနေစဉ် မေလ ၂၆ ရက်၊ ညပိုင်းတွင်းတွင် ဖခင်ဖြစ်သူ ဖိုးကရင်မှ သမီးအရင်းဖြစ်သူအား သားမယားအဖြစ် ၂ ကြိမ်၊ ၂၇ ရက်၊ ညပိုင်းတွင် ၁ ကြိမ်၊ ၂၈ ရက်၊ ညပိုင်းတွင် ၁ ကြိမ် သားမယားအဖြစ်ပြုကျင့်ခဲ့ကြောင်း မိခင်ဖြစ်သူ ဒေါ်အင်မိုး နေအိမ်သို့ပြန်လာစဉ် သမီးဖြစ်သူမှပြောပြတာကြောင့် သိရပါတယ်။
သမီးအရင်းအား သားမယားအဖြစ် အကြိမ်ကြိမ်ပြုကျင့်သူ ဖိုးကရင်(ခ)ရဲထွန်းအား ပလောက်နယ်မြေရဲစခန်းမှ (ပ) ၇ /၂၀၁၈ ၊ ရာဇသတ်ကြီးပုဒ်မ ၃၇၆ ဖြင့် အမှုဖွင့် အရေးယူထားကြောင်းသိရပါတယ်။
မြတ်ထွဋ် (မြိတ်)
Myat Htut - Myeik (facebook)
No comments:
Post a Comment