မန္တလေး မေ ၃၁
မြန်မာ့မီးရထားမှ ဖြတ်သန်းခကောက်ခံလျက်ရှိသော မ္တလေးမြို့ ၇၈ လမ်းနှင့် ၇၉ လမ်းကို ဖြတ်သန်းဖောက် လုပ်ထားသည့် ဘူတာကြီးခုံးကျော်တံတားကို ဇွန်လ ၁ ရက်နေ့မှစ၍ အခမဲ့ ဖြတ်သန်းသွားလာခွင့်ပြုတော့မည် ဖြစ်ကြောင်း မြန်မာ့မီးရထားအထွေထွေမန်နေဂျာ (အထက်မြန်မာပြည်) ဦးမျိုးဝင်းက ပြောသည်။
အဆိုပါ ခုံးကျော်တံတားဖြတ်သန်းခွင့်ကို မြန်မာ့ မီးရထားဌာနမှ ကောက်ခံလျက်ရှိရာမှ ယခုအခါ မန္တလေးမြို့ ယာဉ်ကြော$ကျပ်တည်းမှုကို ဖြေလျှော့ နိုင်ရေးအတွက် ပူးပေါင်းပါဝင်သောအားဖြင့် ဖြတ်သန်း ခွင့်ကောက်ခံမှုကို ရပ်ဆိုင်းခြင်းဖြစ်ကြောင်း သိရ သည်။
''အရင်က ဖြတ်သန်းမယ်ဆိုရင် ကားတွေ ဆိုင်ကယ် တွေကို သတ်မှတ်နှုန်းနဲ့ ဖြတ်သန်းခကောက်ခဲ့တယ်၊ ကျွန်တော်တို့ ပြည်ထောင်စုဝန်ကြီးက မန္တလေးမြို့ ယာဉ်ကြော$ကျပ်တည်းမှုကို လျော့နည်းသွားစေဖို့ ရည်ရွယ်ချက်နဲ့ ကောက်ခံမှုမပြုတော့ပါဘူး''ဟု ¤င်းက ပြောသည်။
ပို့ဆောင်ရေးဝန်ကြီးဌာန မြန်မာ့မီးရထားမှ မန္တလေး မြို့ ယာဉ်ကြောကျပ်တည်းမှု ဖြေလျှော့နိုင်ရေးအတွက် ပူးပေါင်းပါဝင်ခြင်းအားဖြင့် ၇၈ လမ်းမှ ၇၉ လမ်းသို့ မြန်မာ့မီးရထားခုံးကျော်တံတားမှ ဖြတ်သန်းခွင့် ကောက်ခံမှုကို ရပ်ဆိုင်းခဲ့ခြင်းဖြစ်သည်။
ဘူတာကြီးသည် ၇၈ လမ်းနှင့် ၇၉လမ်းကြား၊၂၇ လမ်းမှ ၃၄ လမ်းထိ တောင်မြောက် အလျားလိုက်တည်ရှိ နေပြီး အနောက်ဘက်နှင့် အရှေ့ဘက်သို့ ဖြတ်သန်း နိုင်ရန် လမ်း ၃ဝ တွင် ဘူတာကြီးကိုဖြတ်လျက် ယာဉ် များသွားလာနိုင်ရန် ခုံးကျော်တံတားကို မြန်မာ့ မီးရထားမှ ၂ဝဝဝ ပြည့်နှစ်က စတင်တည်ဆောက်ခဲ့ပြီး ယာဉ်ဖြတ်သန်းခကောက်ခံခဲ့ကြောင်း သိရသည်။
ခုံးကျော်တံတားဖြတ်သန်းခကို နံနက် ၆ နာရီမှ ည ၉ နာရီထိ ကောက်ခံခဲ့ပြီး ဆိုင်ကယ်တစ်စီးလျှင် ငွေကျပ် ၅ဝ$၊ မော်တော်ယာဉ်တစ်စီးလျှင် ငွေကျပ် ၁ဝဝ $သတ်မှတ်၍ တင်ဒါလုပ်ကိုင်ခွင့်ချထားပေးခဲ့ရာမှ ၂ဝ၁၈ ခုနှစ် ဇွန်လ ၁ ရက်နေ့မှစတင်၍ ကောက်ခံခြင်း မပြုတော့ဘဲ အခမဲ့ ဖြတ်သန်းသွားလာနိုင်မည်ဖြစ် ကြောင်း သိရသည်။
မြန်မာ့အလင်း၊မင်းထက်အောင်(မန်းကိုယ်ပွား)
No comments:
Post a Comment