Latest News

Tuesday, May 8, 2018

ခြေလေးချောင်းတော်လှန်ရေး (၂၄)


ယခင်အပတ်မှ အဆက်
နှစ်ပေါင်းများစွာကြာ၍ နွေ မိုး ဆောင်းတို့လည်း အလှည့်ကျကုန်လတ် သော် သက်တမ်းတိုသော တိရစ္ဆာန်တို့ လည်း ပျောက်၍ကုန်ခဲ့ပြီ။ နောင်လာ နောက်သား တိရစ္ဆာန်တို့အနက် တော် လှန်ရေးမပေါ်မီက အဖြစ်အပျက်များကို မှီလိုက်ကြသူတို့လည်း မရှိကြတော့။ ခွါ ဖြူတို့ မဟော်တို့ ငအောတို့ ဝက်များထဲ က တချို့တို့ကလွဲ၍ တော်လှန်ရေး မပေါ် မီက အဖြစ်အပျက်များကို မှတ်မိသူမ ရှိကြတော့။

မုတ်ဆိတ်လည်း သေပြီ။ ဝါမတို့ နီပါးတို့လည်း မရှိကြတော့ပြီ။ ဦးသာ ခေါင်ကြီးပင် ယစ်ထုပ်ကြီးဘ၀နှင့် တရပ် တကျေးသို့ရောက်၍ အနိစ္စရောက်ခဲ့ပြီ။ ဘော်ဖြူအကြောင်းကိုလည်း မေ့ကြပြီ။ ဂျိုကားကိုလည်း တကောင်တလေက လွဲ၍ အားလုံးမေ့ကြပြီ။ ခွါဖြူလည်း အသက်ကြီး၍ အရေတွေတွန့်ပြီး မျက်ခမ်း စပ်နှင့် ဖြစ်နေပြီ။ ခွါဖြူမှာ ပင်စင်ယူဖို့ အတွက် နှစ်နှစ်တောင် အချိန်လွန်နေပြီ။ သို့ရာတွင် အသက်ကြီးသော တိရစ္ဆာန် များအနက် ဘယ်တိရစ္ဆာန်မျှ ပင်စင်မရ ကြ။ တိရစ္ဆာန်အိုများအတွက် မြက်ခင်းတ ခုလုပ်ပေးဖို့ စီမံကိန်းကိုလည်း ဖျက် သိမ်းပစ်လိုက်ပြီ။ ဗန္ဓုလမှာ အရွယ် ကောင်း၍ ဆူဖြိုးတုန်းရှိသေးသည်။ သံ ကြောင်မှာဝလွန်းနေသဖြင့် မျက်စိ ပေါက်များပင် ပိတ်၍နေမလောက်ဖြစ် နေပြီ။ မဟော်ကြီးမှာ နှုတ်သီးနားတွင် အမွေးဖြူများ အနည်းငယ်ပေါက်ခြင်း မှတပါး ပြောင်းလဲခြင်းများစွာမရှိ။ မဟော်သည် ဂျိုကားသေသည့် အချိန် ကစ၍ ပျော်ပါးရွှင်ပျခြင်းမရှိ။ စကား လည်း အလျင်ကထက်နည်းသွားသည်။

ခြေလေးချောင်းကွင်းတွင် ယခင်က ထက် တိရစ္ဆာန်အရေအတွက် တိုး၍လာ သည်။ သို့ရာတွင် အားလုံးက မြှော်လင့် ခဲ့ကြသလောက် တိုးခြင်းမရှိ။ နောက် ပေါက်တိရစ္ဆာန်များမှာ ခြေလေးချောင်းတော်လှန်ရေးအကြောင်းကို တဆင့် စကားဖြင့် နားစွန်နားဖျားသာ ကြားဘူး ကြသည်။ အခြားမှ နောက်ထပ်ရောက် လာကြသော တိရစ္ဆာန်များကမူ တော်လှန် ရေးအကြောင်း အရိပ်အမြွက်မျှပင် မကြား ဘူးကြ။ ခွါဖြူမှတပါး နောက်ထပ်နွား သုံးကောင်လည်း တိုးလာသည်။ ထိုနွား သုံးကောင်မှာ အားအင်သန်စွမ်း၍ အလုပ် ကောင်းစွာ လုပ်ကြသော်လည်းအသိ ဥာဏ်အင်မတန်ခေါင်းပါးကြသည်။ စာသင်ရာ၌လည်း ကကြီးနှင့်ခကွေး နှစ် လုံးသာ မှတ်မိကြသည်။ ကျန်ဗျည်း ၃၁ လုံးကို ပုတ်လောက်ရေးပြသော်လည်း နားမလည်ကြ။ တော်လှန်ရေးအကြောင်း နှင့် တိရစ္ဆာန်ဝါဒအကြောင်းကိုလည်း ခွါဖြူပြောသမျှကို အမှန်ဟုယူကြသည်။ အဓိပ္ပါယ်ကိုမူကား ကောင်းစွာ သိဟန်မ ရ။ နွားသုံးကောင်သည် ခွါဖြူကို ဆွေ ရင်းမျိုးချာကဲ့သို့ပင် ချစ်ခင်ကြသည်။

ခြေလေးချောင်းကွင်းသည် ယခင် ကထက်တိုးတက်၍လာပြီးလျှင် စီမံ အုပ်ချုပ်ပုံလည်း ကောင်း၍လာသည်။ ဦးပေါက်ကျော်ထံမှ လယ်နှစ်ပွဲဝယ်လိုက် သဖြင့် ယခင်ကထက်လည်း ကျယ်၍လာ သည်။ ဓါတ်မီးစက်လည်း တည်၍ပြီးပြီ။ကောက်ရိတ်စက်များလည်း ဆင်၍ထား သည်။ အဆောက်အဦသစ်အမျိုးမျိုး လည်း ထပ်၍တိုးလာသည်။ သံကြောင်က လည်း ကိုယ်ပိုင်ရထားနှင့်ဖြစ်၍နေပြီ။ ဓါတ်မီးစက်ကို လက်ဦးရည်မှန်းသလို ဓါတ်အားရဖို့ အသုံးမပြုဘဲ စပါးကြိတ်ဖို့ အသုံးပြုသည်။ အမြတ်ငွေလည်း အ မြောက်အမြားရသည်။ နောက်ထပ် ဓါတ် မီးစက်တခုတည်ပြန်သဖြင့် တိရစ္ဆာန်တို့ မှာ ပို၍အလုပ်လုပ်ကြရသည်။ ထိုစက် တည်ပြီးသောအခါ ဓါတ်အားပေးဖို့စက် များ ဆင်မည်ဟုပြောသည်။ သို့ရာတွင် ဓါတ်မီးစက်ပြီးသောအခါ ဘော်ဖြူရှိစဉ် က ပြောသလို နွားခြံ ဆိတ်ခြံ ကြက်ခြံ စသည်တို့တွင် ဓါတ်မီးများ ထွန်းပေး မည်။ ရေပူ ရေအေး ပြွန်များသွယ်ပေးမည်။ တနင်္ဂနွေတပတ်လျှင် သုံးရက်သာ အ လုပ်လုပ်ရမည်စသော စကားများကို မ ကြားရတော။့ ဓါတ်မီးစက်နှင့် နေခြင်း ရေပူရေအေးပြွန်များတပ်ဆင်ခြင်း တနင်္ဂနွေတပတ်လျှင် သုံးရက်သာ အ လုပ်လုပ်ခြင်း စသည်တို့မှာ တိရစ္ဆာန်ဝါဒ နှင့်ဆန့်ကျင်သော သဘောတရားများ ဖြစ်သည်ဟု ဗန္ဓုလက ပြောသည်။ ဗန္ဓုလ အလိုအားဖြင့် အလုပ်ကို မနေမနားလုပ်၍ အစာကိုခြိုးခြံစွာ စားခြင်းသာလျှင် ချမ်း သာသုခအစစ်အမှန်ဖြစ်ပေသည်။

ခြေလေးချောင်းကွင်းမှာ ချမ်းသာ ကြွယ်ဝ၍လာသော်လည်း တိရစ္ဆာန်တို့အ နက် ဝက်များနှင့်ခွေးများမှတပါး ဘယ် တိရစ္ဆာန်မျှ ချမ်းသာကြွယ်ဝ၍ လာပုံမရ။ ထိုသို့ဖြစ်ရခြင်းမှာ တစိတ်တဒေသ အားဖြင့် ဝက်များခွေးများဦးရေ တိုးလာ ခြင်းကြောင့် ဖြစ်ဟန်တူသည်။ ဝက်များ နှင့် ခွေးများမှာ အလုပ်မလုပ်ဘဲ နေကြ သည်မဟုတ်။ သူတို့ဆိုင်ရာ အလုပ်ကို သူတို့လုပ်ကြသည်။ သံကြောင်က မမော မပန်းပြောလေ့ရှိသည့်အတိုင်း ဝက်များ ခွေးများမှာ စီမံအုပ်ချုပ်သည့်ဘက်က အတောမသတ် မမြဲလုပ်၍ နေကြသည်။။ ဝက်နှင့် ခွေးတို့လုပ်သောအလုပ်ကို အ ခြားတိရစ္ဆာန်တို့ လုပ်တတ်ကြသည်မ ဟုတ်။ ဥပမာဆိုသော် ဝက်များနေ့တိုင်း နေ့တိုင်း ပင်ပန်းကြီးစွာ လုပ်ရသော ” အစီရင်ခံစာရေးခြင်း မှတ်တမ်းရေးခြင်း မှတ်ချက်ရေးခြင်း အမိန့်ချခြင်း” စသော သိရန်ခက်သောအလုပ်များကို အခြား တိရစ္ဆာန်ထဲမှ မည်သူလုပ်နိုင်ပါမည် နည်း။ အစီရင်ခံစာများ မှတ်တမ်းများ မှတ်ချက်များ အမိန့်များ ဆိုသည်မှာ စာရွက်ကြီးကြီးများပေါ်တွင် စာအပြည့် ရေးထားပြီးနောက်ပြီးသည်နှင့်တပြိုင် နက်မီးရှို့၍ ပစ်ရသော အရာများဖြစ်၍ ခြေလေးချောင်းကွင်းအတွက် အင်မတိ အင်မတန်အရေးကြီးသော အရာများဖြစ် သည်ဟု သံကြောင်က ပြောသည်။ ဝက် တို့ ခွေးတို့သည် အခြားတိရစ္ဆာန်တို့နည်း တူ အလုပ်လုပ်ကြသည်ကား မှန်သည်။ သို့ရာတွင် သူတို့လုပ်ကြသော အလုပ် များမှာ အစားအစာထွက်သောအလုပ်များ မဟုတ်ချေ။ ထို့ပြင် ဝက်နှင့်ခွေးတို့မှာ ခံတွင်းအမြဲကောင်း၍ အကောင်ရေက လည်း အင်မတန်များပြားကြသည်။

အခြားတိရစ္ဆာန်တို့၏ဘ၀မှာမူ ကမ္ဘာတည်ဦးက အတိုင်းပင်ဖြစ်သည်။ ဘာမျှတိုးတက်ခြင်းမရှိ။ အမြဲမွတ်သိပ် ၍သာ နေကြရသည်။အိပ်တော့လည်း မြေကြီးပေါ်မှာ အိပ်ကြရသည်။ ရေ သောက်တော့လည်း ရွှံ့အိုင်ထဲမှာ သောက်ကြရသည်။ အလုပ်ကိုလည်း လယ်ထဲယာထဲ၌ မပြတ်အောင်လုပ်ကြရ သည်။ ဆောင်းတွင်း၌ အအေး၏ အနှိပ် စက်ခံကြရသည်။ နွေ၌လည်း အပူဓာဏ် ညှင်းပမ်းခြင်းခံကြရသည်။ မိုးတွင်း၌ လည်း မိုးခို စရာမရှိကြ။ အသက်အရွယ် ကြီးသော တိရစ္ဆာန်အချို့က ယခု မိမိ တို့၏ဘ၀နှင့် ဦးသာခေါင်ကို တော်လှန် ပြီးကာစ က ဘ၀သည် ဘယ်ဘ၀ကပို၍ ဆိုးသည်ကို ပြန်၍ တွေးကြည့်ကြသည်။ သို့ရာတွင် တွေး၍မရ။ ယခင်ကဘ၀နှင့် ယခုဘ၀ကို နှိုင်းယှဉ်ကြည့်စရာ အမှတ်အသားလည်း ဘာမျှမရှိ။ သူတို့အားလုံးမှာ သံကြောင် တွက်ချက်ပြ သည့်အတိုင်း ဆိုလျှင် သူတို့၏ လက်ရှိ ဘ၀မှာ ယခင်ကဘ၀ထက် တနေ့တခြား တိုး၍ ကောင်းလျက်ရှိသည်။ သို့ဖြစ်ရာ တိရစ္ဆာန်တို့မှာ ထိုပြဿနာကို မဖြေတတ် အောင် ရှိသည်။ အယုတ်သဖြင့်ဆိုသော် ဖြေဖို့အချိန်လည်း မရကြ။ မဟော်တ ကောင်သာ အသက်အရှည်ဆုံး ဖြစ်သဖြင့် ယခင်က အဖြစ်အပျက်များကို အကျယ် တဝင့် သတိရဟန်တူသည်။ သူသတိရ သည့်အတိုင်းဆိုလျှင် ငတ်မွတ်ခြင်း ဆင်း ရဲခြင်း မြှော်လင့်ချက် မကိုက်ခြင်းတို့မှာ လောကကြီး၏ဓမ္မတာသာဖြစ်သည်။ တိရစ္ဆာန်တို့သည် လောကကြီး၏ ဓမ္မတာကို မလွန်ဆန်နိုင်ကြသဖြင့် တိရစ္ဆာန် တို့အဖို့ ယခင်ဘ၀သည်လည်း ထူး၍ မဆိုး။ ယခုဘ၀သည်လည်း ထူး၍ မကောင်း ဖြစ်သည်။

သို့နှင့်လည်း တိရစ္ဆာန်တို့သည် နောက်ကို ကောင်းလိမ့်မည်ဆိုသော မြှော် လင့်ချက်ကို မစွန့်ပစ်ကြ။ မစွန့်ပစ်ကြရုံမျှ မက ခြေလေးချောင်းကွင်းသားဖြစ်ရခြင်း ၏ ထူးမြတ်သောမဖြစ်နှင့် ဆင်းရဲခြင်းကို ရွှင်ပျစွာ ခံယူတတ်သော စိတ်ဓါတ်ကို လည်း တခဏသော်မျှ မေ့လျော့ခြင်းမရှိ ကြ။ နိုင်ငံတော်တဝန်လုံးတွင် တိရစ္ဆာန် တို့ကိုယ်တိုင်ပိုင်၍ တိရစ္ဆာန်တို့ ကိုယ် တိုင်အုပ်ချုပ်သောကွင်းဟူ၍ ခြေလေး ချောင်းကွင်းမှတပါး အခြားကွင်းမည်သည် မရှိ။ တိရစ္ဆာန် အားလုံးအနက် အသက် အငယ်ဆုံးနှင့်တကွ နောက်မှအဝေးက ရောက်လာကြသော တိရစ္ဆာန်များ ပါမကျန် မိမိတို့ ခြေလေးချောင်းကွင်းကို အော်အံ့ဖွယ်ရှိစွ။ အော်အံ့ဖွယ်ရှိစွဟုသာ အောက်မေ့ကြသည်။ ထို့အပြင် ချိုနှင့် ခွါအလံစိမ်းကိုတင်၍ သေနတ်သံပေး လိုက်သောအခါ အားလုံးသော တိရစ္ဆာန် တို့သည် ဇာတိမာန်တက်ကြွ၍လာပြီးလျှင် ယခင်က လူသား ဦးသာခေါင်ကို တော် လှန်လိုက်ခဲ့ကြစဉ်က ရဲဝံ့စွန့်စားခဲ့ကြခြင်း များအကြောင်းကို သူ့ထက်ငါ စကား ဖေါင်လောက်အောင်ပြော၍ အချိန်ကုန် လွန်စေကြသည်။ ယခင်က သူတို့ထားခဲ့ ကြသော မြှော်လင့်ချက်များကိုလည်း ထားမြဲဆက်၍ထားကြသည်။ ဗိုလ်ကြီး ဗျာဒိတ်ပေးခဲ့သော တိရစ္ဆာန်သမထနိုင် ငံကြီး ပေါ်ထွန်းလာသည့်အခါ တနိုင်ငံ လုံးရှိ လယ်တွေယာတွေလည်း လူသား တို့မရောက်ပေါက်ရာ ဖြစ်ရလိမ့်မည်ဟု ဆက်လက်ယုံကြည်လျက်ရှိကြသည်။ တချို့က တိရစ္ဆာန်သမတနိုင်ငံတော်ကြီး ပေါ်ထွန်းလာဖို့ မကြာတော့ဟု ပြောကြ သည်။ တချို့ကလည်း ယခုရှိနေကြသော တိရစ္ဆာန်တို့တသက်တွင် ပေါ်လာဦးမည် မဟုတ်ဟု ပြောကြသည်။ သို့သော် တနေ့နေ့တွင် ပေါ်လာလိမ့်မည်ဟု သေ ချာသည်။

ဒို့တိရစ္ဆာန်သီချင်း၏အသွားကို မမေ့ ကြဘဲ တိုးတိုးဆို၍နေကြသော တိစ္ဆာန် များလည်း ရှိသေးသည်။ ဒို့တိရစ္ဆာန် သီချင်းကို ပါးစပ်ကဖွင့်၍ မဆိုရဲကြ သည်တိုင်အောင် အားလုံးသော တိရစ္ဆာန် တို့သည် မမေ့ကြသေး။ သူတို့ ၏ဘ၀မှာ ဆင်းရဲ၍ သူတို့၏မြှော်လင့်ချက်များ လည်း အကုန်မပြည့်ဝသေးသည် မှာမှန် သည်။ သို့ရာတွင် သူတို့၏ဘ၀မှာ အခြားသော တိရစ္ဆာန်တို့၏ဘ၀ထက် အဆပေါင်းများစွာ သာသည်မဟုတ်ပါ လော။ အကယ်၍ သူတို့မှာ အစာကို ၀လင်အောင် မစားရသည် ဖြစ်မူလည်း ထိုသို့ဝလင်အောင်မစားရခြင်းမှာ လူသား ငယုတ်မာများကို မကျွေးမွေးရခြင်း ကြောင့် မဟုတ်သဖြင့် ကျေနပ်ကြသည်။ အကယ်၍ အလုပ်ပင်ပန်းစွာလုပ်ရ လျှင်လည်း သူတို့အတွက် သူတို့လုပ်ရ ခြင်းသာဖြစ်သဖြင့် ဝမ်းနည်းစရာ မဟုတ်။ သူတို့ထဲတွင် မင်းမူမည့်ခြေ နှစ်ချောင်းသတ္တဝါလည်း တဦးမျှမရှိ။ ဘယ်အကောင်က ဘယ်အကောင်ကိုမျှ” သခင်” ဟုခေါ်ဖို့လည်း မလို။ အားလုံး သောတိရစ္ဆာန်တို့သည် တန်းတူဖြစ် သည်။

နွေဦးပေါက်စနေ့တနေ့တွင် သံ ကြောင် သိုးများကို မိုးနံပင်များပေါက် လျက်ရှိသော ကွင်းတခုသို့ ခေါ်သွား သည်။ သိုးများသည် တနေ့လုံးပြန်မလာ ကြ။ ညနေကျ၍ သံကြောင်ပြန်လာသော အခါလည်း သိုးများပါမလာ ။ စင်စစ်ဆို သော် သိုးများသည် တနင်္ဂနွေတပတ်လုံး လုံး မိုးနံတော၌ပင် နေကြသည်။ သံ ကြောင်သည် တနေ့တနေ့တွင် သိုးများ ရှိရာသို့လာ၍ ညနေညနေကျမှ ပြန် သည်။ သံကြောင်၏အပြောမှာ သူသည် သိုးများကို သီချင်းအသစ်တပုဒ် သင်ပေး နေသည်။ ထိုသီချင်းကို အခြားတိရစ္ဆာန် များအား အသိမပေးအပ်ပါသေးသဖြင့် သိုးများကို မိုးနံတော၌ အခိုက်အတန့် အား ဖြင့်သာ ပို့ထားခြင်းဖြစ်သည်။

တနေ့သ၌ သာယာသော ညနေ ခင်း တိရစ္ဆာန်များ အလုပ်ပြီးချိန်တွင် သိုးများ မိုးနံတောမှ ပြန်လာကြသည်။ ထိုအခိုက်တွင် ဝမ်းဘဲ ဝမ်းဘဲဟု နွားတကောင်လန့်၍ အော်သံကြား ရသည်။ တိရစ္ဆာန်များလည်း နွားအော် သံကြားသဖြင့် လန့်ပြီး နားရွက်စွေ၍ ကြည့်နေကြသည်။ လန့်၍ အော်သော နွားမှာ ခွါဖြူဖြစ်သည်။ ခွါဖြူသည် ဆက်၍အော်ပြန်သည်။ တိရစ္ဆာန် များလည်း လန့်၍ဟိုပြေးသည်ပြေး ပြေး ကြသည်။ ထိုနောက် ခွါဖြူလန့်၍အော် သော အခြင်းအရာကို အခြားကိစ္စများ လည်း မြင်ကြရသည်။

ခွါဖြူလန့်၍အော်သောအခြင်းအ ရာမှာ အခြားမဟုတ်။ ဝက်တကောင်သည် လူသားများကဲ့သို့ နောက်ခြေနှစ်ချောင်း ပေါ်တွင် မတ်တတ်ထပြီး လမ်းလျှောက် ၍နေသည်ကို မြင်ရခြင်းပင်ဖြစ်သည်။
ခြေနှစ်ချောင်းနှင့် မတ်တတ်ထ၍ လမ်းသလားနေသောဝက်မှာ အခြားမ ဟုတ်သံကြောင်ပင်ဖြစ်သည်။ သံကြောင် သည် ၀လည်းဝ ခြေနှစ်ချောင်းနှင့်လည်း လမ်းလျှောက်လေ့မရှိသဖြင့် ယိုင်တီး ယိုင်ဖယ် အနည်းငယ်ဖြစ်သေးသော် လည်း လဲကျခြင်းမရှိ။ ထိုနောက် တခ ဏမျှကြာသောအခါ အခြားသောဝက် များလည်း ခြေနှစ်ချောင်းဖြင့် မတ်တတ် ထ၍ တစီတန်းကြီး လျှောက်၍လာကြ သည် ။ အချို့ဝက်များမှာ ခြေနှစ်ချောင်း နှင့်အလျှောက် ကျင်လည်ကြ၍ အချို့မှာ များစွာကျင့်သားရဟန် မတူသေးချေ။ အချို့လည်း လဲမကျစေရန် တောင်ဝှေး ထောက်ချင်ကြဟန်ပင်တူသည်။ သို့ရာ တွင် အားလုံးပင် စည်းရိုးတွင်း၌ တပတ် ပြည့်အောင် လျှောက်နိုင်ကြသည်။ ထို့ နောက် ခဏကြသောအခါ ဆူညံစွာ ခွေးများ အူသံကြားရသည်။ ကြက်ဖ နက်လည်း ကျယ်လောင်စွာတွန်သည်။ ခွေး များအူခြင်းနှင့် ကြက်ဖနက်တွန်ခြင်း မှာ ဗန္ဓုလထွက်ရန် စည်တော်သံ တီးခြင်းဖြစ်သည်။ ဗန္ဓုလရာဇဣနြေ္ဒဖြင့် ခြေနှစ်ချောင်းပေါ်တွင် မတ်တတ်ထကာ ခံ့ညားစွာလျှောက်၍လာသည်။ နောက် တော်ပါ ခွေးတို့လည်းဝန်းရံ၍ ခုန်ပေါက် မြူတူးကာ ပါလာသည်။ ဗန္ဓုလ၏ လက်တွင် ရာဇနှင်တံကို ကိုင်၍လာသည်။

ဗန္ဓုလခြေနှစ်ချောင်းဖြင့် လျှောက် ၍လာသောအခါ တိရစ္ဆာန်ထုကြီးသည် အားလုံးငြိမ်၍ နေကြသည်။ ထိုနောက် ခြေနှစ်ချောင်းဖြင့် စီတန်း၍ လျှောက်လာ ကြသော ဝက်တို့ကို ထိတ်လန့်ကြောက် ရွံ့သောမျက်နှာထားနှင့် တကောင့်တ ကောင်တိုးဝှေ့ပူးကပ်၍ နေကြသော တိရစ္ဆာန်တို့က ကြည့်၍နေကြသည်။ တိရစ္ဆာန်တို့အထင်တွင် ကောင်းကင်မှာ ရေစီး၍ မြေကြီးက မိုးရွာလျက်ရှိလေ သည်။ တခဏကြာသောအခါ တိရစ္ဆာန် များမှာ အကြောက်အနည်းငယ်ပြေကြ ပြီးလျှင် ယခင်ကဝက်များ လုပ်သမျှကို ဘာမျှပြောရကောင်းဆိုရကောင်း မှန်းမ သိဘဲ ခေါင်းငုံ့၍ ခံနေခဲ့ကြသော်လည်း ဝက်များသည် ယုတ်မာသော လူသားတို့ ၏အတုကိုလိုက်၍ ခြေနှစ်ချောင်းနှင့် သွားကြသည်ကို မြင်ရသောအခါ မသင့် လျော်သည့်အကြောင်းကို ပြောလိုက်ကြ တော့မည်ဟု ကြံမိကြသည်။

သို့ရာတွင် မပြောလိုက်မိကြ။ အဘယ်ကြောင့် ဆိုသော် ထိုအခိုက်တွင် သိုးများက ” ခြေ လေးချောင်း ကောင်းတယ်။ ခြေနှစ် ချောင်းက ပိုကောင်းတယ်။ ခြေလေး ချောင်းကောင်းတယ် ။ခြေနှစ်ချောင်းက ပိုကောင်းတယ်” ဟု နားကွဲမတတ် သံ ပြိုင်အော်ကြသောကြောင့်တည်း။
သခင်ဘသောင်း

No comments:

Post a Comment

Blog Archive

Tags

Accident Ad Agriculture Article Astrology Aung San Suu Kyi Bagan Beauty Bogale Book Car Cartoon celebs Crime Crony Daily Popular Danubyu Dedaye Dhamma Dr Hla Myat Thway Education ELection Entertainment Environment Foreign Affairs General General Aung San General Knowledge Gossip Gov Health Herbal Hinthada History Hluttaw Ingapu Interview Job Kangyidaunt kyaik Lat Kyangin Kyaunggon Kyonpyaw Latputta Laymyethna Lemyethna Letter Ma Shwe Moe Mahn Johnny Maubin Mawlamyinegyun Media MMP MMP 1 money Myan Aung Myanmar Idol Myaungmya Myo Min Paing News Ngapudaw Ngathaingchaung NLD Nyaung Tone Opinion Pagoda Pantanaw Party Pathein People Photo Places Poem Police Politic Political Prisoner Popular Project Pyapon Quote School Bus Song Speech Sport Sports Student SYW SYW 1 Technology Thabaung Time Ayeyar Tourism Travel U Ba Hein U Ko Ni U Kyaw Myint U Win Htay USDP Video Wakhama Weather World News Yekyi Zalun စိတ်အဟာရ ရသစာများ စိုက်ပျိုးရေး ထူးဆန်းထွေလာ ဒီရေတော နာရေး ဗဒေငျ မဘသ မုံရွာ လယ်သိမ်းမြေသိမ်း လူပုဂ္ဂိုလ်များ လူပျောက်ကြော်ငြာ အရှင်သုစိတ္တ (မော်ကျွန်း) အရှင်သုစိတ္တ (မော်ကျွန်း) ဆရာတော် အထွေထွေ ဝေဖန်ရေး ထွေအုပ် ​မော်​တင်​စွန်း နိုင်ငံရေးအကျဉ်းသား

Labels

Recent Post