ဝမ်းတွင်း မေ ၃၁
ဝမ်းတွင်းမြို့နယ်တွင် တာဝန်ဆောင်ရွက်နေသည့် စည်ပင်ဝန်ထမ်းအား ဆဲဆို ထိုးကြိတ်သူ ပုဒ်မ နှစ်ခုဖြင့် အရေးယူထားကြောင်း သိရသည်။
ဖြစ်စဉ်မှာ ဝမ်းတွင်းမြို့ မြို့နယ်စည်ပင်သာရေးအဖွဲ့ စည်းကမ်းထိမ်းသိမ်းရေး(၃) ဦးစံဦး ၂၀၁၈ မေ ၃၀ နံနက် ၄နာရီ အချိန်ခန့်တွင် မြို့နယ်စည်ပင်သာယာရုံး၌ တာဝန်ထမ်းဆောင်နေစဉ် မြို့နယ်ဒုဦးစီးမှူး ဦးဆန်းဝင်း ၏ ညွှန်ကြားချက်အရ ဝမ်းတွင်း မြို့နယ်အတွင်းသို့ နယ်ကျော် ဝက်သားများသယ်ဆောင်နေမှုအား စီစစ်ဖမ်းဆီးရန် ကိုင်းကျေးရွာအုပ်စု အုပ်ချုပ်ရေးမှူး ရွှေတောင်နယ်မြေရဲစခန်းမှ တပ်ကြပ်ကြီးထွန်းနိုင် လိုင်စင်ရယူထားသူ ဒေါ်စန်းမွှေး ကိုကျော်စိုး ကိုဝင်းအောင်ကိုစည်သူလွင် တို့နှင့်အတူ မိုးကောင်းကျေးရွာအနီးတွင် စောင့်ဆိုင်းနေစဉ် ကူမဲမြို့ဘက်မှ ဝမ်းတွင်းမြို့ဘက်သို့ ဆင်ချီတိုင် ကျေးရွာ နေသူ ဦးအုန်းမောင် ၄၈ နှစ် မှ သုံးဘီးဆိုင်ကယ်ဖြင့် ဝက်သားများအား သယ်ဆောင်လာစဉ် ဖမ်းဆီးရမိသဖြင့် ဦးစံဦးမှ မြို့နယ်ဒုတိယ ဦးစီးမှူး ဦးဆန်းဝင်း ထံသို့ ဖုန်းဖြင့် သတင်းပို့ခဲ့ရာ ဦးဆန်းဝင်းရောက်ရှိလာပြီး ကူမဲမြို့ဘက်မှ သားသတ်လိုင်စင်ရရှိသူ ကိုဖိုးသားနှင့် ဝမ်းတွင်းမြို့မှ သားသတ်လိုင်စင်ရရှိသူ ဒေါ်စန်းမွှေး တို့ နှစ်ဦးဆန္ဓ္ဒအရ ညှို့နှိုင်းဆောင်ရွက်ရန် ပြောကြာခဲ့ပြီး ၄င်းတို့မှ မြောက်ကိုင်ကျေးရွာ စာသင်ကျောင်းသို့ ထွက်ခွာသွားရာ ဦးစံဦးနှင့်အတူ ကိုစည်သူလွင် ကိုဝင်းအောင်တို့မှ ဝက်သားများ ဖမ်းစီးသည့်နေရာတွင် ကျန်ရစ်ခဲ့စဉ် ကျော်သက် ၃၄နှစ် ဆင်ချီတိုင်ကျေးရွာ ဝမ်းတွင်မြို့နေသူရောက်ရှိလာပြီး ဦးစံဦးအား ညစ်ညမ်းစွာ ဆဲဆို၍ လက်သီးဖြင့် ထိုးခဲ့ရာ ဦးစံဦးတွင် ဝဲဘက်မျက်ခုံး ဖူးရောင်ဒဏ်ရာတစ်ချက်ရရှိခဲ့သဖြင့် ပြည်သူ့ဝန်ထမ်းအား တာဝန်ဝတ္တရားဆောင်ရွက်ခြင်းမှ ဟန့်တားရန် အလိုအလျောက်နာကျင်စေမှု ဖြစ်စေခဲ့သူ ကျော်သက်အား ဥပဒေအရ အရေးယူပေးပါရန် ဦးစံဦး မှတရားလိုပြုလုပ်တိုင်တိုင်းခဲ့ကြောင်း ရဲမှတ်တမ်းအရ သိရသည်။
ပြည်သူ့ဝန်ထမ်းအား တာဝန်ဝတ္တရားဆောင်ရွက်ခြင်းမှ ဟန့်တားရန် အလိုအလျောက်နာကျင်စေမှု ဖြစ်စေခဲ့သူ ကျော်သက်အား ရွှေတောင် နယ်မြေရဲစခန်းမှ အမှုဖွင့်အရေးယူ ဆောင်ရွက်လျက်ရှိကြောင်း သိရသည်။
မြန်မာ့အလင်း၊ဘိုဘို(မလှိုင်)
No comments:
Post a Comment