တွံတေး ဧပြီ ၂၉
Water Bus အပျော်စီးရေယာဉ်သည် ယမန်နေ့ နံနက် ၁ဝ နာရီခွဲက ရန်ကုန်တိုင်းဒေသကြီး တွံတေးမြို့နယ် ပြည်တွင်းရေကြောင်း ပို့ဆောင်ရေးဌာန တွံတေးဆိပ်ခံတွဲသို့ ဆိုက်ကပ်ရောက်ရှိကြောင်း သိရသည်။
အဆိုပါ အပျော်စီးရေယာဉ်မှာ ဗိုလ်တထောင်ဆိပ်ကမ်းမှ တွံတေးသို့ စနေ၊ တနင်္ဂနွေရုံးပိတ်ရက်တို့တွင် လေ့လာရေးခရီးစဉ်ကို ပြေးဆွဲလျက်ရှိရာ Water Bus အပျော်စီးရေ ယာဉ်အား တွံတေးမြို့မရဲစခန်းမှူး၊ မြို့နယ်ဒုတိယပညာရေးမှူးနှင့် ဌာနဆိုင်ရာ တာဝန်ရှိသူများ၊ ဒေသခံများက ခရီးသွားပြည်သူတို့ကို ရှမ်းအိုး စည်အကများဖြင့် ဆိပ်ကမ်း၌ ကြိုဆိုကြသည်။
ထို့နောက် ရှေးဟောင်းသမိုင်းဝင် ဆံတော်ခြောက်ဆူကိန်းဝပ်တော်မူသော ဆကေသာ ဓာတုရွှေဆံတော် စေတီအားဖူးမြော်ကြပြီး ရွှေမန်းဓမ္မာရုံ၌ ပြည်သူ့လွှတ်တော် ကိုယ်စားလှယ်က ကြိုဆိုနှုတ်ဆက်စကား ပြောကြားသည်။ ထို့နောက် ခလုပ်အခြေခံပညာ အထက်တန်းကျောင်းခွဲမှ ကျောင်းသူလေးများက မင်္ဂလာပါ မြန်မာအက၊ ဆရာ မလေးများ၏ အကပဒေသာ၊ ရွှေဆံတော် အခြေခံပညာ မူလတန်းလွန်ကျောင်းမှ ကျောင်း သား၊ကျောင်းသူများက မနောမြေမှတေးသံသာ၊ အိုးဖိုအရှေ့ရပ်ကွက် သင်္ကြန်ယိမ်း အဖွဲ့က သင်္ကြန်သီချင်း တို့ဖြင့် ကပြဖျော်ဖြေကြပြီး တင့်တင့်မြန်မာကုမ္ပဏီ ဥက္ကဋ္ဌနှင့် တာဝန်ရှိသူတို့က ဂုဏ်ပြုလက်ဆောင်နှင့် ဆုငွေများပေးအပ်ကြကြောင်း သိရသည်။
'' Water Bus ကပြည်သူတွေကို သက်သောင့်သက်သာနဲ့ ပျော်ပျော်ရွှင်ရွှင် ဖြစ်စေမယ့်ခရီးစဉ်ကို သတ်မှတ် ပြီး သန်လျင်၊ ကျောက်တန်းခရီးစဉ်ကို စတင်ဆောင်ရွက်ခဲ့တာ အောင်မြင်ပါတယ်။ ယခုတွံတေး ခရီးစဉ်ကိုပြေးဆွဲတာ အောင်မြင်တယ်။ တွံတေးမှာ Water Bus ဆိုက်ကပ်ဖို့ဆိပ်ကမ်းကို သက်ဆိုင်ရာနဲ့ ပူးပေါင်းပြုပြင်ပြီးတော့ ပန်းခြံတွေ လုပ်ပေးပါမယ်။ ဧပြီမှ အောက်တိုဘာအထိ နိုင်ငံခြားသားခရီးစဉ်များရှိတဲ့ အတွက် တိုးချဲ့ပြေးဆွဲသွားပါမယ်။ ဒေသခံကလည်း ရိုးရာပစ္စည်း အရောင်းဆိုင်တွေ၊ အမှတ်တရ ပစ္စည်း အရောင်းဆိုင်တွေ ရှိသင့်ပါတယ်။ တွံတေးခရီးစဉ်ကို စနေ၊ တနင်္ဂနွေတို့မှာ ပုံမှန်ပြေးဆွဲသွားမှာ ဖြစ်ပါတယ်'' ဟု တင့်တင့်မြန်မာ ကုမ္ပဏီဥက္ကဋ္ဌက ပြောသည်။
မြ၀တီ
No comments:
Post a Comment