Latest News

Tuesday, April 10, 2018

ချင်းတွင်းမြစ်ရေနည်း၍ ရေစကြိုမြို့အဝင်တွင် မော်တော်များသွားလာရခက်နေ

ချင်းတွင်းမြစ်ရေနည်း၍ ရေစကြိုမြို့အဝင်တွင် မော်တော်များသွားလာရခက်နေ

ရေစကြို ဧပြီ ၁ဝ

ပခုက္ကူခရိုင် ရေစကြိုမြို့သည် ချင်းတွင်း မြစ်၏အနောက်ဘက်တွင် ကပ်လျက် တည်ရှိကာ  ရေစကြိုမြို့၏  မြစ်တစ်ဖက် ကမ်းရှိ ကျေးရွာများမှ ပြည်သူများသည် နေ့စဉ် မော်တော်များဖြင့် ရေစကြိုမြို့ရှိ မြို့မဈေးကြီးနှင့် ပွဲရုံများသို့ လာရောက် လျက်ရှိရာ ယခုလများအတွင်း ရေစကြို မြို့အဝင် မြစ်ကြောင်းမှာ ရေနည်းပါးပြီး သောင်ခုံများဖြစ်ထွန်းနေသဖြင့်  မော် တော်များ  သွားလာရေးခက်ခဲလျက်ရှိ ကြောင်း  သိရသည်။

''ရေစကြိုမြို့အဝင် မြစ်ကြောင်းက  ရေနည်းနေတာ၊ သောင်လည်းထွန်းနေ ပြီး မြို့အဝင် အမှတ်(၁)ရပ်ကွက် ထင်း ထန်းရေကာတာ အောက်ဘက်နားမှာ မြစ်ကြောင်းကျဉ်းနေတော့ မော်တော် ဝင်ရတာခက်နေတယ်၊  ကျွန်တော်တို့ မော်တော်က ရေစကြိုမြို့ကို နေ့တိုင်းလာ တာ၊  နေ့တိုင်းပဲ  အဲဒီနေရာရောက်ရင် တစ်နာရီလောက်ကြာအောင် မောင်း နေရတယ်၊ လူလည်းဆင်းတွန်းရတယ်၊ စက်အားနဲ့လည်း  မောင်းရတယ်၊ ရေက ဒူးလောက် ပေါင်လယ်လောက်ပဲရှိတာ၊ ရေကြောင်းကျဉ်းတဲ့နေရာက ကိုက် ၁၅ဝ လောက်ရှည်တယ်၊  အခုတောင်မှ မော် တော်ပေါ်ပါလာတဲ့ ပြောင်းအိတ် ၁၅ဝ ကို လှေအသေးလေးနဲ့ ခွဲသယ်ယူရတယ် ရေကနည်းတော့ မော်တော်က ပြောင်း အိတ်အလေးချိန်နဲ့   မောင်းမရဖြစ်လို့ မော်တော်ဝန်ပေါ့အောင် ပြောင်းအိတ် တွေကို လှေအသေးနဲ့ ကဲ့သယ်ရတာ၊ ရေ ကြောင်းကောင်းရင်တော့ ဆိပ်ကမ်း တန်းမောင်းရုံပဲပေါ့၊    အခုရေနည်းနေ တော့  မော်တော်ဝန်ပေါ့အောင်  လှေ လေးတွေကို သယ်ခပေးပြီး ကဲ့ခိုင်းရတာ ပေါ့၊ အရင်နှစ်တွေကတော့ အခုလို မဖြစ် ဖူးဘူး၊ ဒီနှစ်မှ အခုလို မော်တော်ဝင်မရ ဖြစ်နေတာ တစ်လကျော်ပြီ''ဟု မိဖုရား ကျေးရွာမှ မော်တော်မောင်းသူတစ်ဦးက ပြောသည်။

ရေစကြိုမြို့သို့ ချင်းတွင်းမြစ်၏တစ် ဖက်ကမ်းရှိ ကျေးရွာများဖြစ်သော ချင်း ယား၊ မီးလောင်ကျွန်း၊ မိဖုရား၊ ပေါက် တောကျွန်း၊ ဖြုံဖူး၊ ကျောက်ဖူး၊ ကျွဲကုန်း စသည့် ကျေးရွာများမှ ဈေးမော်တော် များ နေ့စဉ်လာရောက်ကြလျက်ရှိသည်။ အဆိုပါကျေးရွာများမှ မော်တော်ပိုင်ရှင် များ၏ စုပေါင်းငွေဖြင့် ရေကြောင်းကျဉ်း သည့်နေရာများတွင်   ကျောက်စုပ်စက် များဖြင့်   စုပ်ထုတ်ကြသော်လည်း  ရေ နည်းပါးကာ  ရေကျများနေပြီး  သဲများ ပြန်ဖို့သွားခြင်းကြောင့် သွားလာရခက်ခဲ နေဆဲဖြစ်နေသည်ဟု သိရသည်။

အိမွန်ဆွေ(ရေစကြို)

No comments:

Post a Comment

Blog Archive

Tags

Accident Ad Agriculture Article Astrology Aung San Suu Kyi Bagan Beauty Bogale Book Car Cartoon celebs Crime Crony Daily Popular Danubyu Dedaye Dhamma Dr Hla Myat Thway Education ELection Entertainment Environment Foreign Affairs General General Aung San General Knowledge Gossip Gov Health Herbal Hinthada History Hluttaw Ingapu Interview Job Kangyidaunt kyaik Lat Kyangin Kyaunggon Kyonpyaw Latputta Laymyethna Lemyethna Letter Ma Shwe Moe Mahn Johnny Maubin Mawlamyinegyun Media MMP MMP 1 money Myan Aung Myanmar Idol Myaungmya Myo Min Paing News Ngapudaw Ngathaingchaung NLD Nyaung Tone Opinion Pagoda Pantanaw Party Pathein People Photo Places Poem Police Politic Political Prisoner Popular Project Pyapon Quote School Bus Song Speech Sport Sports Student SYW SYW 1 Technology Thabaung Time Ayeyar Tourism Travel U Ba Hein U Ko Ni U Kyaw Myint U Win Htay USDP Video Wakhama Weather World News Yekyi Zalun စိတ်အဟာရ ရသစာများ စိုက်ပျိုးရေး ထူးဆန်းထွေလာ ဒီရေတော နာရေး ဗဒေငျ မဘသ လယ်သိမ်းမြေသိမ်း လူပုဂ္ဂိုလ်များ လူပျောက်ကြော်ငြာ အရှင်သုစိတ္တ (မော်ကျွန်း) အရှင်သုစိတ္တ (မော်ကျွန်း) ဆရာတော် အထွေထွေ ဝေဖန်ရေး ထွေအုပ် ​မော်​တင်​စွန်း နိုင်ငံရေးအကျဉ်းသား

Labels

Recent Post