ဝန်ကြီးဦးဘဟိန်း
ဝန်ကြီးဦးဘဟိန်းလက်ထက်က မြေစစ်နဲ့ပတ်သက်ပြီး
မြို့နယ်တွေ ခရိုင်တွေက စိစစ်မှုတွေနှောင့်နှေးကြန့်ကြာ
လို့ တိုင်းမြေစစ်အနေနဲ့ညွှန်ကြားချက်ထွက်ခဲ့ပါတယ်။
လုပ်ငန်းစီမံချက်ရေးပါ။၁ လကို ၁၀ မှုပြီးအောင်စစ်ပါလို့
ညွှန်ကြားပါတယ်။၂၀၁၇ နှစ်လယ်လောက်ကဖြစ်ပါတယ်။ဒီလိုနဲ့ မြို့နယ်တွေ ခရိုင်တွေက အမှုတွေစစ်၊အစီရင်ခံစာတွေတင်လုပ်ခဲ့ကြပါတယ်။ဝန်ကြီးချုပ်က တော့ အဲ့ဒီ့အချိန်က ဒီလိုတွေညွှန်ကြားချက်တွေထွက်ဖို့ကို ၀န်ကြီးကအကြိမ်ကြိ်ိမ်ပြော၊ကျနော်တို့ကိုစည်သူ တို့ဝိုင်းပြောမှ သဘောတူဖြစ်ပါတယ်။
ဝန်ကြီးဦးဘဟိန်းရဲ့စီမံမှုကြောင့် အမှုတွေအများကြီး တိုင်းမှာဖြတ်ဖို့ဖြစ်လာပါတယ်။သို့ပေမယ့် ၀ကခကမြေ စစ်တစ်ခါထိုင်ရင် တစ်မနက်ကများပါတယ်။
ခု ၀ကခက တိုင်းမှာဖြတ်ဖို့အမှုတွေများနေပါတော့တယ်။ဒီလိုနဲ့ ၂၀၁၈ ၃ လပိုင်းမှာ ၂ ကြိမ်ထိုင်လိုက်တော့ အမှု ဟာ ၁၂၁ မှုပြီးပါတော့တယ်။တကယ်တော့ မြို့နယ်တွေ ခရိုင်တွေ မြေစစ်အမှုတွေများများစစ်လာ၊တင်လာတာ ဟာ ၀န်ကြီးဦးဘဟိန်းရဲ့ကြိုးစားမှုတွေဖြစ်ပါတယ်။
ပြီးတော့ ၀န်ကြီးဦးဘဟိန်းဟာ မြေသိမ်းမှုတွေကိုတရား မျှတမှုရှိအောင် ကြိုးစားလေ့ရှိပါတယ်။ဗဟိုမြေစစ်ကို မူဝါဒရေးရာသဘောထားခံယူမှုတွေကို ကိုယ်တိုင်လက်မှတ်ရေးထိုးပြီးတင်ပါတယ်။ဗဟိုက ခု ပြန်ကျပါတယ်။
ကျပုံက တိုင်းကညှိပါတဲ့။ပြတ်ပြတ်သားသားမူတွေမချ နိုင်ပါဘူး။ဥပမာ ၁၉၈၈ ခုနှစ်ဒီမှာဘက်ရှိ တာဝန်မကျေလို့ဆိုပြီး ရ၀တ ရယက တွေမြေသိမ်းတာ၂၀၀၄ ထိ ရှိကြောင်း၊၁၉၇၇ ပုဂ္ဂလိကလုပ်ငန်းလုပ်ကိုင်ခွင့်ဥပဒေ၊ကို ၁၉၈၈ ခုနှစ်မှာပြည်သူ့လွှတ်တော်အမှတ် ၅ နဲ့ပယ်ပြီး
သည့်နောက်ပိုင်းတွင် ၃/၇၈ ၊၄/၇၈ တွေပျက်ပြယ်သွား ပြီး တာဝန်မကျေလို့မြေသိမ်းသည့်ကိစ္စများဟာ ဥပဒေအရ မလုပ်သင့်မလုပ်အပ်သည့်ကိစ္စများဖြစ်ကြောင်း၊
ဒီလိုကိစ္စမျိုးကို လွှတ်တော်ကိုယ်စားလှယ်တွေ ၊လယ်သမားကိုယ်စားလှယ်တွေက တရားမျှတမှုရှိအောင်ဆုံး ဖြတ်တာကို ဗဟိုရဲ့အစည်းဝေးဆုံးဖြတ်ချက်အရဥပဒေအရသာ ဖြေရှင်းရမည်ဖြစ်ကြောင်းညွှန်ကြားလို့ လယ်မြေဆို ၂၀၁၂ လယ်ယာမြေဥပဒေအရ၊မူလမှုခင်းဖွင့်၍ စစ်ဆေးကြကြောင်း၊ထိုအခါ မြေသိမ်းခံမြေမဲ့ယာမဲ့သမား တွေဟာ ဗဟိုလယ်စီရဲ့ညွှန်ကြားချက်များအရရှုံးပြီးရင်း ရှုံးမှာဖြစ်ကြောင်း တင်ပြပေးခဲ့တာတွေရှိပါတယ်။
ဗဟိုမြေစစ်ကတော့ ပြတ်ပြတ်သားသားဘာမှလမ်းညွှန် တာမရှိခဲ့ပါ။ကျနော်တို့ မြေစစ်အစည်းဝေးတိုင်း၊ရေချိုငါး လုပ်ငန်းဥပဒေထဲမှာ CF အတွက်ပြောကြတိုင်း ဆရာ့ကိုသာပိုပို သတိရနေကြပါတယ်။ကျနော်တစ်ယောက်တည်းမဟုတ်ပါ။ကိုစည်သူတို့ ကိုမျုိးသန့်တို့ပါ သတိတရရှိကြပါတယ်။ခုတော့ ဆရာဖြစ်စေချင်တဲ့အလုပ်ပြီးမြောက်မှုတွေရှိလာကြတာတွေ့ရပါတယ်။
တကယ်တော့ ဆရာဦးဘဟိန်းဟာမြေစစ်အလုပ်လယ်စီအလုပ်တွေကိုဥပဒေကန့်သတ်မှုတွေ၊မူကန့်သတ်မှုတွေ ကြားကနေ ရသ၍တရားမျှတမှုကိုရှာဖွေခဲ့တဲ့သူ ဖြစ်ပါတယ်။ဒါကို ကျနော်တို့ကဆက်လက်အကောင်အထည်ဖော်ချင်နေမိပါတယ်။ဒါ့ကြောင့် တိုင်ပင်ထားကြတယ်။ဗဟိုမြေစစ်ဆီကို တိုက်ရိုက်တစ်သွယ်၊သွယ်ဝိုက်ပြီး လွှတ်တော်ကအဆိုတွေမေးခွန်းးတွေမေးပြီးတရားမျှတမှု အမြန်ရှာဖို့ ဆုံးဖြတ်ထားကြပါတယ်။
ဝန်ကြီးဦးဘဟိန်း
Reviewed by
timeayeyar
on
5:27 PM
Rating:
5
No comments:
Post a Comment