Latest News

Sunday, February 4, 2018

တပ်မတော်(ကြည်း၊ ရေ၊ လေ)ပူးပေါင်းစစ်ဆင်ရေးလေ့ကျင့်ခန်း(ဆင်ဖြူရှင်) ဒုတိယပိုင်း လေ့ကျင့်ဆောင်ရွက်

တပ်မတော်(ကြည်း၊ ရေ၊ လေ)ပူးပေါင်းစစ်ဆင်ရေးလေ့ကျင့်ခန်း(ဆင်ဖြူရှင်) ဒုတိယပိုင်း လေ့ကျင့်ဆောင်ရွက်

နိုင်ငံတော်လုံခြုံရေးနှင့် ကာကွယ်ရေးအတွက်ရည်မှန်း၍ သမားရိုးကျစစ်ပွဲများ ဆင်နွှဲနိုင်သည့် စွမ်းရည်မြင့်မားလာစေရန်အတွက် အနောက်တောင်တိုင်း စစ်ဌာနချုပ် ပုသိမ်တပ်နယ်တွင် လေ့ကျင့်ဆောင်ရွက်လျက်ရှိသည့် တပ်မတော် (ကြည်း၊ ရေ၊ လေ)ပူးပေါင်းစစ်ဆင်ရေးလေ့ကျင့်ခန်း(ဆင်ဖြူရှင်) ဒုတိယပိုင်း လေ့ကျင့်ဆောင်ရွက်နေမှုများကို ယနေ့နံနက်ပိုင်းတွင် တပ်မတော်ကာကွယ် ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် တက်ရောက်ကြည့်ရှု စစ်ဆေး သည်။

တပ်မတော်ကာကွယ်ရေးဦးစီးချုပ်နှင့်အဖွဲ့ဝင်များသည်(ကြည်း၊ရေ၊လေ) ကမ်းတက်စစ်ဆင်ရေးပြုလုပ်မည့် ရှုရပ်သို့ရောက်ရှိကြပြီး လေ့ကျင့်ခန်းအား အစီအစဉ်အတိုင်း ပြုလုပ်ကြရာ မြစ်ကူးစစ်ဆင်ရေးအဖွဲ့၊ ရေတပ်အထူး စစ်ဆင်ရေးတပ်ဖွဲ့များ၊ ခြေလျင်တပ်ဖွဲ့နှင့် သံချပ်ကာတပ်ဖွဲ့များ  မြစ်ကူး  စစ်ဆင်ရေးလေ့ကျင့်မှုများ ဆောင်ရွက်ကြသည်။  တစ်ချိန်တည်းတွင် တပ်မတော် (လေ)မှ တိုက်ပွဲနယ်မြေအတွင်း ရှာဖွေကယ်ဆယ်ရေး ဆောင်ရွက်ခြင်းများ ဆောင်ရွက်ကြသည်။

ထိုသို့ဆောင်ရွက်နေစဉ်အတွင်း ရဟတ်ယာဉ်ချီအထူးတပ်ဖွဲ့များက ရန်သူ့စခန်းများအား  အလစ်အငိုက်ဝင်ရောက်စီးနင်းတိုက်ခိုက်ခြင်း၊ လေကြောင်းချီ တပ်ဖွဲ့များက  လေထီးဖြင့် မြေပြင်သို့ဆင်းသက်ကာ ရန်သူ့ အုပ်ချုပ်ထောက်ပံ့ရေးစခန်းများအား စီးနင်းတိုက်ခိုက်ခြင်းများ ဆောင်ရွက် ကြသည်။ တစ်ချိန်တည်းတွင် တပ်မတော်(လေ)မှ တိုက်လေယာဉ်များ၊ ရဟတ် ယာဉ်များက ရန်သူ့ပစ်မှတ် အသီးသီးအားတိုက်ခိုက်ခြင်း၊ အမြောက်ကြီးများက ပစ်ခတ်ချေမှုန်းခြင်း၊ ခြေလျင်နှင့်သံချပ်ကာ ကမ်းတက်တပ်ဖွဲ့များ ကမ်းတက် ခြင်း၊ ထပ်မံစစ်ကူရောက်ရှိလာသည့် ရန်သူ့စစ်ရေယာဉ်များအား တပ်မတော် (ရေ)မှ စစ်ရေယာဉ်များက ပင်လယ်ရေပြင်တွင် တိုက်ခိုက်ချေမှုန်းခြင်း၊ ကမ်းတက် တပ်ဖွဲ့များက ရန်သူ့စခန်းအား စီးနင်းတိုက်ခိုက်ခြင်းများ ဆောင်ရွက်ကြပြီး ရည်မှန်းချက်အသီးသီးသို့ တိုက်ပွဲလုပ်ငန်း အဆင့်အလိုက်အတိုင်း ထိုးဖောက် ဝင်ရောက်၍ ရန်သူကိုချေမှုန်း တိုက်ခိုက်ပြီး ရည်မှန်းချက်အသီးသီးကို သိမ်းပိုက်ကြသည်။

ယင်းနောက် မိမိတပ်များအတွက် လေကြောင်းမှ ခဲယမ်းနှင့်ရိက္ခာများ ချပေးခြင်း၊ တိုက်ပွဲတွင်ထိခိုက်ဒဏ်ရာရရှိသူများကို အရေးပေါ်လူနာတင်ယာဉ် များဖြင့် သယ်ဆောင်ခြင်း၊ အရေးကြီးလူနာများကို ရဟတ်ယာဉ်ဖြင့် သယ်ဆောင် ခြင်းများအား လေ့ကျင့်ဆောင်ရွက်ကြပြီး လေ့ကျင့်ခန်းပြီးဆုံးရပ်နားခဲ့သည်။

ထို့နောက် လေ့ကျင့်ခန်းတွင်ပါဝင်ခဲ့ကြသည့် အရာရှိ၊ စစ်သည်များအား တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က အမှာ စကားပြောကြားရာတွင်  ယခုကျင်းပပြုလုပ်သည့် လေ့ကျင့်ခန်းအား တပ်မတော် (ကြည်း၊ရေ၊လေ)တပ်ဖွဲ့ဝင်များ အားလုံးပူးပေါင်း၍အောင်မြင်စွာ ဆောင်ရွက် နိုင်ခဲ့သဖြင့် ချီးကျူးပါကြောင်း၊ ယခုလေ့ကျင့်ခန်းမှ တွေ့ကြုံရသည့် အတွေ့ အကြုံများကို ပြန်လည်သုံးသပ်၍ အားနည်းချက်များကို သင်ခန်းစာဖော်ထုတ် ပြုပြင်ဆောင်ရွက်ရန်လိုကြောင်း၊ ယခုကဲ့သို့ တပ်မတော် (ကြည်း၊ရေ၊လေ)    ပူးပေါင်းစစ်ဆင်ရေး လေ့ကျင့်ခန်းများကို လွန်ခဲ့သည့် နှစ် ၂ဝ က နှစ်ကြိမ် ပြုလုပ်လေ့ကျင့်ခဲ့ကြောင်း၊ ယခုကဲ့သို့ လေ့ကျင့်ဆောင်ရွက်နိုင်ရန်အတွက် ကြိုတင်ပြင်ဆင်လေ့ကျင့်ခြင်းများ ဆောင်ရွက်ခဲ့ပြီး လေ့ကျင့်ခန်းများမှရရှိလာ သည့် အတွေ့အကြုံများဖြင့် တပ်မတော်(ကြည်း၊ရေ၊လေ) တပ်ဖွဲ့များအား ပေါင်းစပ်လေ့ကျင့်နိုင်ခဲ့ခြင်းဖြစ်ကြောင်း၊  တိုင်းပြည်ကာကွယ်ရေးဆိုသည်မှာ ချက်ချင်းဆောင်ရွက်၍မရဘဲ  စနစ်တကျ ပြင်ဆင်ဖွဲ့စည်းလေ့ကျင့်ခြင်းများ  ပြုလုပ်ခြင်းဖြင့်သာ ဆောင်ရွက်နိုင်ကြောင်း၊ မိမိတို့တစ်ဦးချင်းအလိုက်၊ တပ်ဖွဲ့ အလိုက်၊ တပ်ရင်းအလိုက် လေ့ကျင့်ဆောင်ရွက်၍ နောက်ဆုံး (ကြည်း၊
ရေ၊လေ) တပ်များအားလုံး အဆင့်ဆင့် ပြန်လည်ပေါင်းစပ်လေ့ကျင့်ရခြင်းဖြစ်ကြောင်း ရှင်းလင်းပြောကြားသည်။

ယင်းနောက်  တပ်မတော်ကာကွယ်ရေးဦးစီးချုပ်ထံ  တပ်မတော် လေ့ကျင့်ရေး အရာရှိချုပ် ဒုတိယဗိုလ်ချုပ်ကြီး မောင်မောင်အေးက တပ်မတော် (ကြည်း၊ရေ၊လေ) ပူးပေါင်းစစ်ဆင်ရေးလေ့ကျင့်ခန်း(ဆင်ဖြူရှင်) အထိမ်းအမှတ် တံဆိပ်အား လက်ဆောင်ပေးအပ်သည်။   ထို့နောက်တပ်မတော်ကာကွယ်ရေး ဦးစီးချုပ်သည်  သတင်းမီဒီယာအဖွဲ့များအား   ရင်းရင်းနှီးနှီးနှုတ်ဆက်ပြီး သိရှိလိုသည်များမေးမြန်းမှုအပေါ် ပြန်လည်ဖြေကြားခဲ့သည်။

ယနေ့တွင် လေ့ကျင့်ခန်း ဒုတိယပိုင်းအဖြစ် (ကြည်း၊ရေ၊လေ)ပူးပေါင်း၍ ကမ်းတက်စစ်ဆင်ရေးလေ့ကျင့်မှုများကို လက်တွေ့လေ့ကျင့်ဆောင်ရွက်ကြ ခြင်းဖြစ်ကြောင်း သိရသည်။                                
သတင်းစဉ်

No comments:

Post a Comment

Blog Archive

Tags

Accident Ad Agriculture Article Astrology Aung San Suu Kyi Bagan Beauty Bogale Book Car Cartoon celebs Crime Crony Daily Popular Danubyu Dedaye Dhamma Dr Hla Myat Thway Education ELection Entertainment Environment Foreign Affairs General General Aung San General Knowledge Gossip Gov Health Herbal Hinthada History Hluttaw Ingapu Interview Job Kangyidaunt kyaik Lat Kyangin Kyaunggon Kyonpyaw Latputta Laymyethna Lemyethna Letter Ma Shwe Moe Mahn Johnny Maubin Mawlamyinegyun Media MMP MMP 1 money Myan Aung Myanmar Idol Myaungmya Myo Min Paing News Ngapudaw Ngathaingchaung NLD Nyaung Tone Opinion Pagoda Pantanaw Party Pathein People Photo Places Poem Police Politic Political Prisoner Popular Project Pyapon Quote School Bus Song Speech Sport Sports Student SYW SYW 1 Technology Thabaung Time Ayeyar Tourism Travel U Ba Hein U Ko Ni U Kyaw Myint U Win Htay USDP Video Wakhama Weather World News Yekyi Zalun စိတ်အဟာရ ရသစာများ စိုက်ပျိုးရေး ထူးဆန်းထွေလာ ဒီရေတော နာရေး ဗဒေငျ မဘသ မုံရွာ လယ်သိမ်းမြေသိမ်း လူပုဂ္ဂိုလ်များ လူပျောက်ကြော်ငြာ အရှင်သုစိတ္တ (မော်ကျွန်း) အရှင်သုစိတ္တ (မော်ကျွန်း) ဆရာတော် အထွေထွေ ဝေဖန်ရေး ထွေအုပ် ​မော်​တင်​စွန်း နိုင်ငံရေးအကျဉ်းသား

Labels

Recent Post