ကလေး ဖေဖော်ဝါရီ ၈
စစ်ကိုင်းတိုင်းဒေသကြီး ကလေးခရိုင်၊ ကလေးမြို့နယ်၏ အနောက်ဘက်မှစ၍မြို့လယ် အတွင်း အရှေ့ဘက်၌စီးဆင်းကာ မြစ်သာမြစ်ထဲသို့စီးဝင်သွားသောဥပုသ်ချောင်းသည် အမှိုက်သရိုက် ကင်း ရှင်းပြီးရေစီးရေလာကောင်းမွန်နေမည်ဆိုပါက မြို့ပေါ်နေပြည်သူများအတွက်အကျိုးသက်ရောက်မှု ရှိ မည်ဖြစ်ရာ အမှိုက်စွန့်ပစ်သောနေရာဖြစ်သွားပါကအဆိုပါချောင်းရေသည် ပြည်သူကိုအကျိုးမပေးဘဲ ဒုက္ခမျိုးစုံပေးနိုင်သည့်အပြင် လူတို့၏အသက်၊ အိုးအိမ်၊ စည်းစိမ်များကိုပါဆုံးရှုံးနိုင်သည်အထိ ဆိုးကျိုးပေးနိုင်သော ချောင်းအဖြစ်သို့ရောက်ရှိနိုင်ပါသည်။
ကလေးမြို့နေပြည်သူများအနေဖြင့် ၂၀၁၃ ခုနှစ်မိုးတွင်းကာလနှောင်းပိုင်းတွင် ကလေးဒေသ နှင့် ချင်းပြည်နယ်မြောက်ပိုင်း၌
မိုးသည်းထန်စွာရွာသွန်းမှုကြောင့် ဥပုသ်ချောင်းမှာ မယုံကြည်နိုင်လောက်အောင်ရေကြီးပြီး ဆိပ်ကမ်းသာတံတားနှင့် လူနေအိမ်များပျက်စီးခြင်း၊ရေမျှောပါသွားခြင်းကို မြင်ယောင်မိ နေကြဦးမည်ဖြစ်ပေသည်။
ယခုခေတ်ကာလတွင် သဘာဝပတ်ဝန်းကျင်ယိုယွင်းပျက်စီးမှုကြောင့်ကမ္ဘာနှင့်အ၀န်း ရာသီ ဥတုမှာ အပူအအေးလွန်ကဲမှု၊ ရေကြီးရေလျှံမှု၊မြေပြိုမှု၊ မုန်တိုင်းများတိုက်ခတ်မှုတို့ကြောင့် လူများသေဆုံးမှု၊အိုးမဲ့အိမ်မဲ့ဖြစ်ပွားမှု သတင်းများကို မကြာခဏကြားသိရပါသည်။
သဘာဝပတ်ဝန်းကျင်ကို လူတို့၏ ပယောဂ ကြောင့်ပျက်စီးကာ အကျိုးရလဒ်အဖြစ်လူအများသာဒုက္ခပင်လယ်ဝေကြရမည်ကို သတိထားကြစေလိုပါ သည်။ အကယ်၍ယင်းဖြစ်စဉ်ကြောင့် ဥပုသ်ချောင်းရေကြီးရေလျှံပါကမြို့ပေါ်နေပြည်သူများအတွက် ရင်လေး စရာပင်ဖြစ်ပေသည်။
ကလေးမြို့၏ ဥပုသ်ချောင်းရေကြီးမှုကြောင့် ကလေးမြို့နေပြည်သူများဘေးဒုက္ခမရောက်စေ ရေးအတွက် ယခင်နှစ် မေလနှောင်းပိုင်းကာလတွင်ခရိုင်/မြို့နယ်စီမံခန့်ခွဲမှုကော်မတီ၏ ဦးဆောင်မှု၊ အနီးကပ်ကြီးကြပ်မှုနှင့် ဌာနဆိုင်ရာများ၊လူမှုရေးအသင်းအဖွဲ့များ၏ပူးပေါင်းပါဝင်ဆောင်ရွက်မှုတို့ဖြင့်ဥပုသ်ချောင်း ရေစီးရေလာကောင်းမွန်ရေးကိုအဓိကထားကာစက်ယန္တယားများကိုပါအသုံးပြု၍ ပြုလုပ်ဆောင်ရွက်မှုတို့ ကြောင့်မိုးရာသီကာလအတွင်း ဥပုသ်ချောင်းနံဘေးရှိပြည်သူများစိုးရိမ်ပူပန်မှုမရှိဘဲ နေ့ခင်းတွင်စိတ်ချစွာမိမိတို့၏လုပ်ငန်းဆောင်တာများလုပ်ကိုင်နိုင်ပြီး ညဘက်တွင်လည်းကောင်းမွန်နှစ်ခြိုက်စွာအိပ်ပျော်ခွင့်ရရှိခဲ့ သည်ဟုယုံကြည်မိပါသည်။
လက်ရှိအခြေအနေတွင် ကလေးမြို့၏ ခရိုင်/မြို့နယ်အဆင့်အုပ်ချုပ်သူများ၏သဘော ဆန္ဒ အရ ဥပုသ်ချောင်းရေကြီးမှုကြောင့်
ပြည်သူများအတိဒုက္ခမခံစားရလေအောင် အမိန့်ထုတ်ပြန်ပြီး စည်းကမ်းမဲ့စွာအမှိုက်စွန့်ပစ်သောအပြစ်ကျူးလွန်သူအား
အရေးယူအပြစ်ပေးခြင်းကိုဆောင်ရွက်သည်ထက် ပြည်သူတို့ ၏အသိတရားဖြင့်လိုက်နာဆောင်ရွက်နိုင်အောင် မီဒီယာနည်းဖြင့် အသိပေးခြင်းသာပို၍ကောင်းမွန်သည်ဟု နူး ညံ့သိမ်မွေ့သည့်စိတ်ရင်းနှင့်ပြည်သူများကိုဆွဲခေါ်လိုသည့်သဘောဆန္ဒအပေါ် ပြည်သူများမှလေးစား လိုက်နာ
သင့်ပေသည်။
ယခုနှစ်တွင်လည်း ခရိုင်/မြို့နယ်စီမံခန့်ခွဲမှုကော်မတီသည် ၂၀၁၈ ခုနှစ်မိုးတွင်းကာလတွင် ဥပုသ်ချောင်းရေကြီးရေလျှံမှုအန္တရာယ်မှကင်းစေရေး၊ရေစီးရေလာကောင်းမွန်ရေးအတွက် ဇန်န၀ါရီလ ၂၄ ရက် နေ့မှစတင်၍ စက်ယန္တယားဖြင့်ပြည်သူတို့၏အကျိုးငှာ ငွေကုန်ကြေးကျခံကာ ရေလမ်းကြောင်း ဖြောင့်ခြင်း၊အမှိုက်များရှင်းထုတ်ခြင်းလုပ်ငန်းများ စတင်ဆောင်ရွက်နေသည်ကိုသိရှိကြမည်ဖြစ်ပါသည်။
သို့ပါ၍ကလေးမြို့သူမြို့သားများဥပုသ်ချောင်းသာယာလှပရေးနှင့်ရေစီးရေလာထာဝရကောင်းမွန်ရေးအတွက် အောက်ပါအတိုင်း ပူးပေါင်းပါဝင်ဆောင်ရွက်ပေးကြပါရန်တိုက်တွန်းနှိုးဆော်အပ်ပါသည်-
(က) ယခုဥပုသ်ချောင်းရေစီးရေလာကောင်းမွန်ရေးအတွက် ဆောင်ရွက်နေချိန်၌
ပြည်သူ များတာဝန်အသိစိတ်ဓာတ်ဖြင့် တတ်နိုင်သည့်ဘက်မှပူးပေါင်းပါဝင်ပေးရန်၊
(ခ ) စည်းကမ်းမဲ့စွာအမှိုက်စွန့်ပစ်မှုရပ်တန့်စေရေးအတွက် မိသားစုတိုင်း၊လူတိုင်းမှာ ကိုယ်စီတာဝန်ရှိသည်ဟုခံယူကာ
အမှိုက်စွန့်ပစ်ခြင်းကိုတွေ့ရှိပါက နောက်နောင် မစွန့်ပစ်ရေးပညာပေးစည်းရုံးကြရန်၊
( ဂ) စည်းရုံးဆွဲခေါ်၍မရ အမှိုက်စွန့်ပစ်ခြင်းကိုတွေ့ရှိပါကသက်ဆိုင်ရာသို့ တာဝန်သိပြည် သူမှ သတင်းအတိအကျပေးရန်၊
(ဃ) သက်ဆိုင်ရာအုပ်ချုပ်ရေးအဖွဲ့အစည်းအဆင့်ဆင့်၏ပြည်သူ့အကျိုးကိုရှေ့တန်းတင်ပြီး စေတနာထားရှိမှုကိုအသိအမှတ်ပြုအားပေးရန်၊
( င) အမိန့်ထုတ်ပြန်ပြီး အရေးယူသည့်နည်းလမ်းကိုမသုံးဘဲ သိမ်မွေ့ညင်သာသည့်စည်းရုံး ရေး၊ ပညာပေးရေးနည်းလမ်းကိုရွေးချယ်ကျင့်သုံးသည့်ခရိုင်/မြို့နယ်စီမံခန့် ခွဲမှု ကော်မတီ၏ သဘောထားဆန္ဒများကိုနားလည်သဘောပေါက်ရန်၊( စ) နောင်တွင် စည်းရုံးဆွဲဆောင်၍မရနိုင်ပါက အမိန့်ထုတ်ပြန်ပြီးကျူးလွန်သူအား အရေး ယူဆောင်ရွက်သည့်နည်းလမ်းကို သက်ဆိုင်ရာမှမဖြစ်မနေကျင့်သုံးမည်ဖြစ်ကြောင်း ကြိုတင်သိရှိထားရန်တို့ဖြစ်သည်။
အချုပ်အားဖြင့်ဆိုသော် ပူးပေါင်းဆောင်ရွက်မှုဆိုရာ၌ဥပုသ်ချောင်းရေကြီးမှုကြောင့် ပြည်သူများဘေးဒုက္ခ မရောက် စေရေးအတွက်
ချောင်းအတွင်း အမှိုက်သရိုက်စွန့်ပစ်ခြင်းကိုအဓိကရှောင်ကြဉ်ရမည်ဖြစ်ပါသည်။ ရှေ့က ကောင်းမွန်အောင်ဆောင်ရွက်ပေးသော်လည်း
နောက်မှစည်းကမ်းမဲ့စွာအမှိုက်များ ဆက်လက်စွန့်ပစ်နေ မည်ဆို ပါကအိတ်ပေါက်နှင့်ဖားကောက်သလို ဖြစ်သွားမည့်အပြင်
စည်းကမ်းမဲ့စွာအမှိုက်စွန့်ပစ်ခြင်းအားဖြင့် ရရှိလာ မည့်ဆိုးကျိုးများကိုပြည်သူများကိုယ်တိုင်ခံစားရမည်မှာ အမှန်ပင်ဖြစ်ပေသည်။
ချင်းတွင်းသား(မြန်မာ့အလင်း)
No comments:
Post a Comment