ဖားကန့် ဖေဖော်ဝါရီ
ကချင်ပြည်နယ် မိုးညှင်းခရိုင် ဖားကန့်မြို့နယ် လုံးခင်းကျေးရွာအုပ်စု လယ်ပြင်ကျေးရွာအနီး လွှစင်တောင်ကုန်းအဆင်းတွင် ဖေဖော်ဝါရီ၂၁ရက် မွန်းလွဲ၂နာရီခန့်က ဒီဇယ်ပေပါတင်ဆောင်လာသည့် ၁၂ဘီးမော်တော်ယာဉ်တစ်စီး တိမ်းမှောက်မှုဖြစ်ပွားခဲ့ကြောင်း သိရသည်။
ဖြစ်စဉ်မှာ ကသာမြို့နယ် အောင်ချမ်းသာကျေးရွာ အောင်မြသန်းကုမ္ပဏီမှ ဖားကန့်မြို့နယ် ဆိပ်မူကျေးရွာအုပ်စု ယူမာကျေးရွာရှိ အောင်မြသန်းကုမ္ပဏီသို့ ဒီဇယ်ပေပါ ၈၅ လုံးပို့ဆောင်ရန် ပခုက္ကူမြို့ ၁၁ ရပ်ကွက် ၆ လမ်းနေ ကျော်စိုးလင်း(ခ)မျိုးမင်းနောင် မောင်းနှင်လာသည့် ၁၂ဘီးမော်တော်ယဉ်သည် ဖားကန့်မြို့နယ် လုံးခင်းကျေးရွာအုပ်စု လယ်ပြင်ကျေးရွာအနီး လွှစင်တောင်ကုန်းအဆင်းတွင် ဘရိတ်ပေါက်ကာ လမ်း၏ဝဲဘက်သို့ တိမ်းမှောက်ခဲ့ကြောင်း သိရသည်။
ဖြစ်စဉ်နှင့်ပတ်သက်၍ ယာဉ်မဆင်မခြင်မောင်းနှင်သူ ယာဉ်မောင်း ကျော်စိုးလင်း(ခ)မျိုးမင်းနောင်အား လုံးခင်းနယ်မြေရဲစခန်းတွင် အရေးယူထားကြောင်း သိရသည်။
ဝင်းနိုင် ကချင်မြေ(မြန်မာ့အလင်း)
No comments:
Post a Comment