Latest News

Tuesday, January 9, 2018

အသည်းမာတဲ့ နိုင်ငံရေးအကျဉ်းသားတွေ


ညီငယ်ကို သွားအားပေးရင်း အသည်းမာချင်ယောင်ဆောင်နေရတာ
ရင်ထဲမှာမကောင်းဘူး ။ မနှစ်က ဘောင်းဘောင်းခွဲစိတ်ကုသခံစဉ်
ရေးခဲ့တဲ့စာလေးပြန်တင်လိုက်တာပါ ။

" အသည်းမာတဲ့ နိုင်ငံရေးအကျဉ်းသားတွေ "

နိုင်ငံရေးအကျဉ်းသား မရှိပါဘူး လို့ ဘူးခါ ခဲ့တဲ့ အရင်အုပ်စိုးသူတွေလဲ
အကျဉ်းထောင်ထဲရောက် ၊ အဖမ်းခံကြရ ၊ နေအိမ်အကျယ်ချုပ်ဖြစ်သူဖြစ် ။
သူတို့ကို နိုင်ငံရေးအကျဉ်းသားအဖြစ် သတ်မှတ်မလား ၊ မသတ်မှတ်ဘူးလား ။
ဘာဘဲဖြစ်ဖြစ် ဘဝတူလာတော့လဲ စာနာရတာပါဘဲ ။

အသည်းမာတယ်လို့ပြောရင် စိတ်ဓါတ်မာကျောတယ် ၊ ခံနိုင်ရည်ရှိတဲ့အဓိပ္ပာယ် ။
ဟုတ်ပါတယ် ။ ဝမ်းနည်းကြေကွဲစရာတွေ ခံစားရတာတောင် ဒီလူတွေရှေ့မှာတော့
မေးကြောကြီးတွေထောင်နေအောင် ကြိတ်ပြီးတင်းခံမယ် ၊ အသည်းမာတယ်ပေါ့ ။

အခုပြောချင်တာက တကယ့်ကို အသည်းမာတဲ့ နိုင်ငံရေးအကျဉ်းသားတွေအကြောင်း ။
ခန္ဓာကိုယ်အစိတ်အပိုင်းတွေ အားလုံးထဲမှာ အသည်းရဲ့ လုပ်ငန်းတာဝန်တွေဟာ
အင်မတန်ထူးခြား ရှုတ်ထွေးပါတယ် ။ အဆိပ်အတောက်တွေအကုန်လုံးကို
ခြေဖျက်စစ်ထုတ်ရတယ် လို့ဆိုပါတယ် ။ အထူးသဖြင့် စားသောက်လိုက်တဲ့
အစားအစာတွေထဲမှာ ပါလာတဲ့ ခန္ဓာကိုယ်အတွက် အန္တရာယ်ဖြစ်စေမယ့်
ဓါတ်ပစ္စည်းတွေကို ဖျက်ဆီးပေးရပါတယ် ။ အသည်းကို ဒုက္ခအပေးဆုံးက
အဆီ ၊ အငံ ၊ အစပ် တွေပါတဲ့ ။ ပြီးတော့ အရောင်ဆိုးဆေး နဲ့ မှိုတက်အစာတွေပါ ။
ထောင်ကျနိုင်ငံရေးအကျဉ်းသားတွေအတွက် အိမ်ကတတ်နိုင်လို့ ပုံမှန်လာနိုင်ရင်တောင်
၁၄ ရက်တစ်ကြိမ်ဘဲ လာခွင့်ရှိပါတယ် ။ မိသားစုလုံးဝလာမတွေ့နိုင်တဲ့ သူတွေအများကြီးပါ ။
နယ်စွန်နယ်ဖျားထောင်တွေ ပို့လိုက်လို့ကတော့ အိမ်ကတတ်နိုင်ရင်တောင်
လာမတွေ့နိုင်တော့ပါဘူး ။ ၁၄ ရက်တစ်ခါ လာနိုင်တဲ့သူတောင် ထောင်ဝင်စာကို
၁၄ ရက်ခံအောင် ပြင်ဆင်ရပါတယ် ။ ငါးခြောက်ကြော် ၊ ငါးပိကြော် ၊ ဘာလချောင်ကြော် ၊
အမဲကြော် ၊ ကြက်ကြော် ၊ ဝက်သားကြော် ၊ သရက်သီးသနပ် ၊ လက်ဖက်သုတ် ၊
ဒါပုံမှန်ပါလေ့ရှိတဲ့ ပစ္စည်းတွေပါဘဲ ။ အတောင့်တဆုံးကတော့ ချက်ဟင်းဘဲ ။
စိုစိုဖတ်ဖတ်လေး စားချင်တာကိုး ။ မတတ်နိုင်ဘူးလေ ။
တတ်နိုင်တဲ့သူက အသားကြော်လေးဘာလေးပါမယ် ။
အများစုကတော့ ငါးပိ ၊ ငါးခြောက်ပေါ့ ။ ဒါတောင် ၂ မျိုးဘဲခွင့်ပြုတယ် ။ ၃ မျိုးဘဲခွင့်ပြုတယ် ။
တစ်မျိုး ငါးဆယ်သားဆိုတာမျိုး ကန့်သတ်ပါသေးတယ် ။ အဆီ ၊ အငံ ၊ အစပ် ၊ ဒါပါဘဲ ။
ထောင်ဝင်စာလာတဲ့သူက မလာနိုင်တဲ့သူတွေကိုကူညီကြရပါတယ် ။
ရှားရှားပါးပါးမို့ ဘာလေးဘဲဖြစ်ဖြစ် တန်ဘိုးရှိနေတော့တာပါဘဲ ။ အသည်းရဲ့လုပ်ငန်းတာဝန်
တွေလဲ စဉ်းစားမနေနိုင်ပါဘူး ။ အဆီ ၊အငံ ၊ အစပ်တွေနဲ့ဘဲ အသက်ဆက်နေရတာမလား ။
အစပ်ကလေးပါမှလဲ လျှာရင်းလေးမျက်တာမို့ အိမ်ကမလာနိုင်တဲ့သူတွေအတွက်တော့
ထောင်ကပေးတဲ့ ဖလံဖြူငြုတ်သီးမှိုတက်လေးဟာ စားမြိန်စရာပေါ့ ။
လာနိုင်တဲ့သူတွေအတွက်မလဲ မှိုတက်သွားတဲ့ အမဲကြော် ၊ ဝက်သားကြော်တုံးလေး
ဘယ်ပစ်ရက်ပါ့မလဲ ၊ အသာအယာလေးပွတ်သတ်ပြီး မှိုနံ့သင်းသင်းလေးလွေးပစ် ။
တစ်ရက်လဲမဟုတ် ၊ တစ်လလဲမဟုတ် ၊ ဒီကြားထဲတစ်ချို့ဆို ထောင်ဝင်စာပြတ်သွားမှာစိုးလို့
ခြွေတာပြီး အကြာကြီးသိမ်းထား မှိုတက်စားနေတာတွေတောင်ရှိရဲ့ ။
ဝမ်းကိုက်တာကနေ အသက်ပါ သွားတာလဲ ထောင်ထဲမှာ ကြုံခဲ့ရ ။
ဝမ်းကိုက်ပိုး အသည်းထဲ ရောက်သွားလို့ တဲ့ ။ ဖြစ်မှဖြစ်ရလေတယ် ။
အဆီ ၊ အငံ ၊ အစပ် ၊ အစားအသောက်မှိုတက် ၊ အဆိုးဆုံးက ငြုတ်သီးမှိုတက် ။
ရလာဒ်ကတော့ အသည်းနဲ့ပတ်သက်တဲ့ ရောဂါ ဝေဒနာများ ။
အသည်းခြောက်သတဲ့ ။ အသည်း ကြွတ်သတဲ့ ။
ထောင်တွေကပြန်လွတ်တော့လဲ ဆေးစစ်ကြည့်မိတဲ့သူတွေ
B ပိုး C ပိုး ရှိနေတာတွေ တော်တော်များပါလား ။
မစစ်လို့ မသိတဲ့သူတွေ ဘယ်လောက်ရှိသလဲမသိ ။
အသည်းတွေမာလှချည့်လား နိုင်ငံရေးအကျဉ်းသားများရယ် ။
အသည်းတွေ ကြွေပါပေါ့ ၊ တစ်ယောက်ပြီးတစ်ယောက် ။
အသည်းမှာ ဒဏ်ရာတွေ နဲ့ လွတ်လာပြန်တော့ အသည်းနာစရာတွေ နဲ့
ထပ်ကြုံရတဲ့ သူတွေကျတော့လဲ ယမကာလေး နဲ့ ဒဏ်ရာတွေဆေးသတဲ့ ။
စိတ်ဒဏ်ရာတွေ အသည်းအနာပေါ် ထပ်ထပ်ဆင့် ။

လှမျိုးနောင် ၊ ကိုသန်းတင် ( ကြီးသန်း ) ၊ ကိုကျော်ဇော ၊ .......
ကျနော့်အရင်းဆုံးတွေ တစ်ယောက်ပြီးတစ်ယောက် ........
မသောက်တတ်တဲ့သူတွေ ဘာကြောင့်များ အသည်းကြွေရတာလဲ ။

၈၈ နိုင်ငံရေးစလုပ်ကြတော့
နိုင်ငံရေးလုပ်ရင် ဖမ်းခံရမယ် ။ ဘဝပျက်သွားနိုင်တယ် ဆိုတာတော့
ကြိုတွက်ထားလို့ ရပါတယ် ။ အဲဒီတုန်းက ဘယ်မှာမှန်းမသိတဲ့
" ရေကြည်အိုင် " ဆိုတာကြီးဟာ ခြောက်ခြားစရာကြီးမဟုတ်လား ။
တစ်ခြားဘာမှမျှော်လင့်စရာမရှိ ။ နတ္ထိ ။ ဘာမှလဲ မမျှော်လင့်ခဲ့ကြ ။
အသည်းမာမာ နဲ့ လုပ်ခဲ့ကြတဲ့ ကျနော်တို့ တစ်တွေ
ထောင်ထဲမှာ အသည်းတွေခြောက် ၊ မာ ၊ ကြွတ်ဆတ် သွားနိုင်တဲ့
နေထိုင်စားသောက်မှုပုံစံကိုလဲ ကြိုတင် မမျှော်လင့်ခဲ့ကြ ။
အခုတော့ ရောဂါသည်းမှ ဆေးရုံသွားပြ ကြရ ။
ဆေးဘိုးကုန်ကျငွေကိုလဲ ကြားလိုက်ရော.....
" အသေဘဲခံလိုက်တော့မယ် ။ ဘယ်တတ်နိုင်မလဲ ။ " ဆိုတဲ့
ရင်နင့်စရာ အသံတွေ ...... ။

" အသည်းမာတဲ့ နိုင်ငံရေးအကျဉ်းသားတွေ "
" အသည်းမာတဲ့ နိုင်ငံရေးအကျဉ်းသားတွေ "
" အသည်းမာတဲ့ နိုင်ငံရေးအကျဉ်းသားတွေ "

[ အသည်းကင်ဆာ ခွဲစိတ်ကုသမှု ခံယူနေရသော ညီငယ် ဇော်မင်း
(ဘောင်းဘောင်း) အတွက်ခံစား ရေးဖွဲ့ပါသည် ။ ]
ကိုကိုကြီး
( ၂-၁-၂၀၁၆ )ု

No comments:

Post a Comment

Blog Archive

Tags

Accident Ad Agriculture Article Astrology Aung San Suu Kyi Bagan Beauty Bogale Book Car Cartoon celebs Crime Crony Daily Popular Danubyu Dedaye Dhamma Dr Hla Myat Thway Education ELection Entertainment Environment Foreign Affairs General General Aung San General Knowledge Gossip Gov Health Herbal Hinthada History Hluttaw Ingapu Interview Job Kangyidaunt kyaik Lat Kyangin Kyaunggon Kyonpyaw Latputta Laymyethna Lemyethna Letter Ma Shwe Moe Mahn Johnny Maubin Mawlamyinegyun Media MMP MMP 1 money Myan Aung Myanmar Idol Myaungmya Myo Min Paing News Ngapudaw Ngathaingchaung NLD Nyaung Tone Opinion Pagoda Pantanaw Party Pathein People Photo Places Poem Police Politic Political Prisoner Popular Project Pyapon Quote School Bus Song Speech Sport Sports Student SYW SYW 1 Technology Thabaung Time Ayeyar Tourism Trailer Travel U Ba Hein U Ko Ni U Kyaw Myint U Win Htay USDP Video Wakhama Weather World News Yekyi Zalun စိတ်အဟာရ ရသစာများ စိုက်ပျိုးရေး ထူးဆန်းထွေလာ ဒီရေတော နာရေး ဗဒေငျ မဘသ မုံရွာ လယ်သိမ်းမြေသိမ်း လူပုဂ္ဂိုလ်များ လူပျောက်ကြော်ငြာ အရှင်သုစိတ္တ (မော်ကျွန်း) အရှင်သုစိတ္တ (မော်ကျွန်း) ဆရာတော် အထွေထွေ ဝေဖန်ရေး ထွေအုပ် ​မော်​တင်​စွန်း နိုင်ငံရေးအကျဉ်းသား

Labels

Recent Post