စစ်ကိုင်းတိုင်းဒေသကြီး၊ကသာခရိုင်၊ဗန်းမောက်မြို့နယ်မံနားကျေးရွာအနီးနန်းကတက်ကြိုးဝိုင်းနှင့်နန့်ကဆာကြိုးဝိုင်းအတွင်းမှတရားမဝင်သစ်စက်နှင့်ကျွန်းခွဲသားများအားပိုင်ရှင်သုံးဦးနှင့်အတူဖမ်းမိခဲ့ကြောင်းသိရပါသည်။
ဖြစ်ဉ်မှာ ၈၊၁၊၁၈ ရက်နေ့၁၃၁၅အချိန်ခန့်တွင်ကသာမြို့နယ်သစ်တောဦးစီးအရာရှိဦးတင်ထွဏ်းခေါင်းဆောင်သောသစ်တောဝန်ထမ်းများသည်သက်သေများနှင့်အတူကသာခရိုင်၊ဗန်းမောက်မြို့နယ်၊မံနားကျေးရွာအနီးရှိနန်းကတက်ကြိုးဝိုင်းအတွင်းသတင်းအရဝင်ရောက်ရှာဖွေရာတရားမဝင်ကျွန်းခွဲသား ၄၃၄ ချောင်းနှင့်သစ်ခွဲအင်ဂျင်တစ်လုံး၊လွှဝိုင်းအပါအဝင်ဆက်စပ်ပစ္စည်းများ၊သရီးကရောင်း(၆)ဘီးယာဉ်တစ်စီးနှင့်သစ်ပိုင်ရှင်ကိုသိန်းဝင်း၊ပါပျဉ်းခန်းကျေးရွာ၊ဗန်းမောက်မြို့နယ်၊ကိုမြင့်ဆွေ၊မံလူကျေးရွာ၊ဗန်းမောက်မြို့နယ်နေသူနှင့်ကိုမင်းအောင်၊ပါပျဉ်းခန်းကျေးရွာဗန်းမောက်မြို့နယ်နေသူတို့သုံးဦးအားဖမ်းမိခဲ့ကြောင်းသိရပါသည်။
ဆက်လက်၍သစ်တောဦးစီးအရာရှိဦးတင်ထွဏ်းနှင့်သစ်တောဝန်ထမ်းများသည်၎င်းနေ့၁၅၃၀အချိန်ခန့်တွင်နန့်ကဆာကြိုးဝိုင်းအတွင်းသို့သတင်းအရဝင်ရောက်ရှာဖွေရာ၎င်းကြိုးဝိုင်းအတွင်းမှတရားမဝင်ကျွန်းခွဲသား ၉၀၅ချောင်းနှင့်သစ်စက်တစ်လုံးထပ်မံဖမ်းဆီးရမိသဖြင့်ဗန်းမောက်မြို့မရဲစခန်းသို့ဥပဒေအရအရေးယူနှိုင်ရန်တိုင်ကြားဆောင်ရွက်ထားကြောင်းသိရှိရပါသည်။လူအောင်(ကသာ)မြန်မာ့အလင်း
No comments:
Post a Comment