စစ်တွေ ဇန်နဝါရီ ၁၈
စစ်တွေမြို့၌ ပြန်လည်စိစစ်လက်ခံရေးဆိုင်ရာ လုပ်ငန်းညှိနှိုင်း အစည်းအဝေးကို ယနေ့ ညနေပိုင်းတွင် ရခိုင်ပြည်နယ်အစိုးရအဖွဲ့ ဧည့်ဂေယာ၌ ကျင်းပသည်။
အကောင်အထည်ဖော်
ရှေးဦးစွာ ရခိုင်ပြည်နယ်ဆိုင်ရာအကြံပြုချက်များအပေါ် အကောင်အထည်ဖော် ဆောင်ရွက်ရေးဆိုင်ရာ ကော်မတီပူးတွဲ ဥက္ကဋ္ဌ ရခိုင်ပြည်နယ်ဝန်ကြီးချုပ် ဦးညီပု၊ အထူးလုပ်ငန်းအဖွဲ့ ( Task Force) ဥက္ကဋ္ဌ နိုင်ငံတော်အတိုင်ပင်ခံရုံးဝန်ကြီးဌာန ဒုတိယဝန်ကြီး ဦးခင်မောင်တင်၊ လူမှုဝန်ထမ်း၊ ကယ်ဆယ်ရေး နှင့် ပြန်လည်နေရာချထားရေးဝန်ကြီးဌာန ဒုတိယဝန်ကြီး ဦးစိုးအောင်တို့ တက်ရောက်၍ အမှာစကား ပြောကြားကြ သည်။
ဆွေးနွေး
ဆက်လက်၍ တက်ရောက်လာကြသည့် ပြည်နယ်အဆင့် ဌာနဆိုင်ရာများက ပြန်လည်လက်ခံရေးစခန်းတွင် ဆောင်ရွက် နေမှုအခြေအနေများအား သက်ဆိုင်ရာဌာနအလိုက် ဆွေးနွေး တင်ပြကြရာ နေရပ်စွန့်ခွာသူများလက်ခံရေးအစီအစဉ်နှင့် ¤င်းတို့အတွက် လုံခြုံရေးနှင့်ပညာရေး၊ ကျန်းမာရေးစောင့် ရှောက်မှုလုပ်ငန်းကိစ္စရပ်များ၊ ပြန်လည်နေရာချထားရေး၊ လမ်းပန်းဆက်သွယ်ရေး ကောင်းမွန်လာစေရေး၊ ပြန်လည် ထူထောင်ရေး နှင့် အသက်မွေးဝမ်းကျောင်းလုပ်ငန်းများ၊ လုပ်ကိုင်နိုင်ရေး စီစဉ်ထားရှိမှုကိစ္စ၊ လွပ်လပ်လုံခြုံစွာသွား လာလုပ်ကိုင်ခြင်းအတွက် နိုင်ငံသားစိစစ်ရေး( NVC)ကတ်များ စိစစ်ထုတ်ပေးနေမှုကိစ္စများကို ဆွေးနွေးကြကြောင်း သိရသည်။ဝင်းမင်းစိုး(ပြန်/ဆက်)
No comments:
Post a Comment