(၁၂)စီး ဖမ်းဆီးထား
ဘားအံ ဇန်နဝါရီ ၁၄
ဘားအံမြို့နယ်အတွင်း ယာဉ်လမ်းအန္တရာယ်ကင်းရှင်းရေးနှင့် မူးယစ် ဆေးဝါး၊ လက်နက်ခဲယမ်း၊အကောက်အခွန်မဲ့ပစ္စည်းများ သယ်ဆောင်ခြင်း စသည့် ဆက်စပ်အမှုအခင်းများ မဖြစ်ပေါ်စေရေး ပူးပေါင်းအဖွဲ့များဖြင့် စစ်ဆေးအရေးယူခြင်းများဆောင်ရွက်လျက်ရှိရာ ဇန်နဝါရီလ ၁၂ ရက်နေ့က ရဲအရာရှိမောင်းနှင်လာသည့် လိုင်စင်မဲ့ယာဉ်တစ်စီး အပါအဝင် လိုင်စင်မဲ့ယာဉ်(၁၂)စီးသိမ်းဆည်းရမိခဲ့ပြီး စည်းကမ်းပျက် ယာဉ်(၁၄)စီးနှင့် ဆိုင်ကယ်(၅၀)စီးတို့ကို အရေးယူဆောင်ရွက်ခဲ့ကြောင်း သိရသည်။
``ဝစ်သောက်ကားတွေလဲ ဖမ်းမှာပါ၊ဝစ်သောက်ကားတွေဆိုတာ အစထဲကတရားဝင်ခွင့်ပြုထားတာ မဟုတ်ဘူးလေဒါတွေနဲ့ဆက်စပ်ပြီး မူးယစ်ဆေးဝါး၊ လက်နက်ခဲယမ်း၊အကောက်ခွန်မဲ့ ပစ္စည်း သယ် ဆောင်ခြင်းစတဲ့ ဆက်စပ်မှုခင်းတွေ ဖြစ်ပေါ်မလာအောင် ထိန်းသိမ်း ကြပ်မတ်အရေးယူဆောင်ရွက်သွားမှာပါ´´ဟု ဘားအံမြို့နယ်ရဲတပ်ဖွဲ့မှူး ရဲမှူး ကျော်သန်းကပြောသည်။
ဇန်နဝါရီလ ၁၁ ရက်နေ့က ဂျိုင်းဇာသပြင်တံတားတွင် ဒုတိယရဲမှူး ရဲထွန်းဦး ဦးစီးအဖွဲ့သည်လုံခြုံရေးနှင့်စစ်ဆေးရေးတာဝန်ဆောင်
ရွက်နေစဉ် ပေါင်မြို့နေ ရဲအုပ် သက်စိုးဦး မောင်းနှင်လာသော 4M------နံပါတ်တပ်ကရောင်းအမျိုးအစား ယာဉ်အား ရပ်တန့်စစ်ဆေးရာ ယာဉ်နှင့်ပတ်သက်သည့် အထောက်အထားတစ်စုံတစ်ရာ မပြသနိုင်သဖြင့် ဒုတိယရဲမှူးရဲထွန်းဦးမှတရားလိုပြုလုပ်ကာ ဘားအံမြို့မရဲစခန်းတွင် အရေးယူဆောင်ရွက်ခဲ့ခြင်းဖြစ်သည်။
ကရင်ပြည်နယ်အတွင်း တံတားစစ်ဆေးရေးဂိတ်တို့အပြင် မြို့နယ် အလိုက် ပူးပေါင်းအဖွဲ့များဖြင့် ယာဉ်လမ်းအန္တရာယ်ကင်းရှင်းရေးနှင့် မူးယစ်ဆေးဝါး၊ လက်နက်ခဲယမ်း၊အကောက်အခွန်မဲ့ပစ္စည်းများ သယ်ဆောင်ခြင်းစသည့် ဆက်စပ်အမှုအခင်းများ မဖြစ်ပေါ်စေရေး ပူးပေါင်းအဖွဲ့များဖြင့်စစ်ဆေးအရေးယူခြင်းများဆောင်ရွက်လျက်ရှိကြောင်းသိရသည်။မင်းသူ/ထွန်းထွန်းထွေး(ဘားအံ)မြန်မာ့အလင်း
No comments:
Post a Comment