ကျောက်သယ်ကားများသွားလာမှုကြောင့်တင်းမာမှုဖြစ်ပေါ်နေသည့်ကရင်ပြည်နယ် ဘားအံ့မြို့နယ်လွန်းညကျေးရွှာအနီးတောင်ခြေအထိဒေသခံများကိုယ်ထူကိုယ်ထဖောက်လုပ်းသည့်လမ်းအားလမ်းအဖြစ်ပြန်လည်အသုံးပြုလုပ်နိုင်ရေးအတွက်ပြုပြင်ပေးစေလိုကြောင်း ဘားအံ့မြို့နယ်အုပ်ချုပ်ရေးမှူးထံဇန်နဝါရီလအတွင်းကတင်ပြခဲ့ကြောင်းသိရသည်။
ပြီးခဲ့သည့်ဇန်နဝါရီ၃ရက်နေ့ကအဆိုပါလမ်းအားဒေသခံများကပိတ်ပင်တားဆီးလိုက်ပြီးနောက်ဖြစ်ပေါ်လာသည့်နောက်ဆက်တွဲကိစ္စရပ်များကြောင့်ဘားအံ့မြို့နယ်အထွေထွေအုပ်ချုပ်ရေးမှူးကိုယ်တိုင်ဒေသခံများနှင့်သွားရောက်တွေ့ဆုံခဲ့ရာတွင်ယခုလိုပြောဆိုခဲ့ခြင်းဖြစ်သည်ဟုဆိုသည်။
''အုပ်ချုပ်ရေးမှူးကတော့တစ်ပတ်အတွင်လာရှင်းပေးမယ်လို့တော့ပြောတယ်။အဓိကကတော့လယ်သမားတွေလယ်ထဲဆင်းလို့ရအောင်လမ်းကိုဖောက်ပေးပါ။ရေကြီးရေလျှံမှုတွေမဖြစ်အောင်ရေနှုတ်မြောင်းတွေလုပ်ပေးပါ။အဲဒီအပြင်ရွာထဲရေပြန်မဝင်နိုင်တဲ့အခြေအနေဖြစ်အောင်လုပ်ပေးစေချင်တယ်''ဟုလွန်းညကျေးရွှာဒေသခံလယ်သမားတစ်ဦးဖြစ်သူစောငြိမ်းဖြူကပြောကြားသည်။
ပြီးခဲ့သည်လမ်းမှာယခုကျောက်သယ်ကားများသွားလာမှု လယ်ယာသုံးလမ်းအဖြစ်အသုံးပြုရန်ခက်ခဲမှုအပြင်မိုးရာသီတွင်ရေလျှံဒေသခံများ၏ပြောပြချက်အရသိရသည်။
အဆိုပါအခြေအနေများကြောင့်ဒေသခံများမှလမ်းလယ်တွင်ကွန်ကရစ်တိုင်များစိုက်ထူကာလမ်းအသုံးပြုမှုအားပိတ်ပင်လိုက်ခြင်းဖြစ်ပြီးတွေ့ဆုံမှုတွင်လမ်းကိစ္စအပါအဝင်ဒေသခံများဘက်မှလွန်းညတောင်အနီးတဝိုက်ကျောက်ထုတ်လုပ်မှုများအားကန့်ကွက်ကြောင်းမြို့နယ်အုပ်ချုပ်ရေးမှူးထံပြောဆိုမှုများလည်းရှိခဲ့သည်။
ဘားအံ့မြို့နယ်အထွေထွေအုပ်ချုပ်ရေးမှူးဦးမျိုးမင်းထွန်းက''ကျောက်ထုတ်လုပ်တာနဲ့ပတ်သက်ပြီးကန့်ကွက်တာထောက်ခံတာကတော့သူတို့တစ်ဦးချင်းဆန္ဒပါပဲ။တခြားနည်းနဲ့ထုတ်ဖော်လို့ရတာပဲလေ။ ဒီလိုအများပိုင်လမ်းမှာလုပ်တာကဥပဒေနဲ့မညီတဲ့အတွက်ဆက်လုပ်ရင်ဥပဒေအရရင်ဆိုင်ရမှာပဲပေါ့။အဲဒါကိုကွန်တော်တို့ရှင်းပြတယ်။သူတို့တင်ပြထားတဲ့လမ်းကိစ္စကိုတော့သက်ဆိုင်ရာဌာနတွေဖြစ်တဲ့ရေအရင်းမြစ်တို့မြေစာရင်းတို့နဲ့သွားပြီးတစ်ပတ်အတွင်းစီစစ်ပေးရမှာပေါ့''ဟုတုန့် ပြန်သည်။
ဘားအံ့မြို့နယ်အုပ်ချုပ်ရေးအာဏာပိုင်များဘက်မှလမ်းပိတ်ထားမှုများအားမပြုလုပ်ရန်နှင့်ဆက်လက်ပြုလုပ်ပါကအရေးယူခံရနိုင်ကြောင်းပြောဆိုမှုများရှိခဲ့သည့်အတွက်တင်းမာမှူဆက်လက်ဖြစ်ပေါ်နေဆဲဖြစ်ပြီးအခြေအနေစောင့်ကြည့်နေသည့်အနေအထားတွင်ရှိနေကြောင်းလည်းဒေသခံများကပြောကြားသည်။
ထို့အပြင်ဇန်နဝါရီ၃ရက်နေ့မှစတင်ကာဒေသခံများစိုက်ထူထားသည့်ကွန်ကရစ်တိုင်များပထမတစ်ကြိမ်ဖယ်ရှားခံလိုက်ရပြီးမကြာမီကထပ်မံစိုက်ထူထားသည့်ကွန်ကရစ်တိုင်၂၀ကျော်မှာလည်းဇန်နဝါရီ၁၁ညတွင်ထပ်မံဖယ်ရှားခံလိုက်ရကြောင်းဒေသခံများကပြောသည်။
ကျော်လင်းနိုင်
No comments:
Post a Comment