Latest News

Monday, January 29, 2018

ဆရာထင်လင်းဦးထံမှ တော်ဝင်နှင်းဆီသို့..

ဆရာထင်လင်းဦးထံမှ တော်ဝင်နှင်းဆီသို့..

¬¬“တရားလွှတ်တော်ရှေ့နေကြီး  ဦးကိုနီ နှင့် တရားဥပဒေစိုးမိုးရေးအတွက် အသက်ကိုစွန့်လွှတ်ခဲ့သူ ကိုနေ၀င်းတို့ ကျဆုံးခြင်း နှစ်ပတ်လည်အခမ်းအနားသို့ ပေးပို့သော စာ”
ကြွရောက်လာကြတဲ့ မိတ်ဆွေများ နဲ့ တရားမျှတမှုကို လိုလားကြသော ၊ တရားဥပဒေစိုးမိုးမှုကို လိုလား ကြသော မိတ်ဆွေများခင်ဗျာ ။
ဒီနေ့အခမ်းအနားကို ကျနော်မပျက်မကွက်တက်ရောက်ချင်ပေမဲ့ တမူး ၊ကလေးကနေ ပြန်လာဖို့ လေယာဉ်ချိန်အခက်အခဲကြောင့် အချိန်မီပြန်မရောက်နိုင်ခဲ့တာကို ၀မ်းနည်းမိပါတယ် ။
 ကျနော်စကားကို လိုရင်းပဲ မဖွဲ့မနွဲ့လိုရင်းပဲ ပြောပါမယ် ။
ဒီနေ့ အခမ်းအနားဟာ ဦးကိုနီနဲ့ ကိုနေ၀င်းတို့ကွယ်လွန်ခြင်း တစ်နှစ်ပြည့်အခမ်းအနားတစ်ခု ဆိုတာ ထက် နိုင်ငံသားတိုင်းအတွက်ဥပဒေစိုးမိုးမှုနဲ့ တရားမျှတမှုကို တောင်းဆိုတဲ့ အခမ်းအနား လို့ ကျနော် ပြောချင်ပါတယ် ။
မြန်မာ့စွယ်စုံကျမ်း အတွဲ(၄) တရားစီရင်ရေးကဏ္ဍကို လှန်လှောဖတ်ကြည့်ပါ ။  “တရားစီရင်ရာတွင် အမြန်ဆုံးတရားစီရင်ရေးသည် အမှန်ဆုံးတရားစီရင်ရေးကို တိုက်ရိုက်အကျိုးပြုနိုင် သည် ။ ထို့ကြောင့် တော်လှန်ရေးအစိုးရ တရားရေးဌာနနှင့်နိုင်ငံတော် တရားရုံးချုပ်တို့က အမှုများကို အမြန်ဆုံး စစ်ဆေးရန် ညွှန်ကြားခဲ့သည် ။ နည်းလမ်းများလည်းရှာဖွေခဲ့သည်” လို့  ရေးသားထားတာကို တွေ့ရပါလိမ့်မယ် ။
လန်ဒန်က  (Barrister-At-Law) နှင့် L.L.D (Doctor of Law-Utrecht, Netherland) ဘွဲ့ရခဲ့သူ ၊  အပြည်ပြည်ဆိုင်ရာ ဥပဒေ ဒေါက်တာဘွဲ့ရခဲ့ပြီး ၊ မဆလခေတ်မှာ  တရားသူကြီးချုပ် ၊ ဥပဒေကော်မရှင် ဥက္ကဌ စသည်တာဝန်တို့ကို ထမ်းဆောင်ခဲ့သူဖြစ်ခဲ့တဲ့ ပုဂ္ဂိုလ် ၊  ၈၈ အရေးတော်ပုံကာလတွင် မြန်မာနိုင်ငံ၏ သတ္တမမြောက် သမ္မတ ဖြစ်ခဲ့ဘူးသူ ဒေါက်တာ မောင်မောင်က နိုင်ငံတော်လုပ်ကြံမှု ၊ ပြည်ထောင်စုနှင့် ဦးစော စာအုပ်မှာ  …. “အမှုကိုစစ်ဆေးရာတွင် မှန်ကန်မျှတသည့်အပြင် မြန်ဆန်ရသည် ။ နှေးကွေးကြန့်ကြာနေလျှင် တရားခံလည်း နစ်နာသည် ။ သက်သေ များလည်း မေ့တတ်ပျောက်တတ်သည် ။ မကြန့်မကြာစစ်ဆေး၍ ပြစ်မှုထင်ရှားလျှင် ထိုက်သင့်သော ပြစ်ဒဏ် ပေး ၊ မထင်ရှားလျှင် တရားခံကိုလွှတ်မှ တရားစီရင်ရေး၏ အာနိသင်ထက်မြက်သည်”.. ဟု ရေးသားခဲ့ပါတယ်   ။
၁၉၄၇ ခုနှစ် နိုင်ငံတော်လုပ်ကြံမှုကြီးကို စစ်ဆေးခဲ့ရာမှာ အထူးခုံရုံးကို ရန်ကုန်မြို့ လည် ဟိုက်ကုတ်တရားရုံးတွင် ဖွင့်လှစ်ခဲ့ပြီး  အမှုစစ်ဆေးခြင်းကိုတော့  လုံခြုံရေးအရ အင်းစိန်အ ကျဉ်းထောင်တွင်းရှိ အဆောက်အအုံတစ်ခုမှာ  ရုံးဖွင့်စစ်ဆေးခဲ့ပါတယ်  ။ ၁၉၄၇ ခုနှစ် စက်တင်ဘာလ (၂၀) ရက်နေ့ (လုပ်ကြံမှုကြီးဖြစ်ပျက်သည့်နေ့ကနေ ၂လ နှင့် ၁ ရက်)မှာ  အထူးခုံရုံးကိုဖွဲ့စည်းခဲ့ပြီး  အောက်တိုဘာလ (၈) ရက်နေ့တွင် အင်းစိန်အကျဉ်းထောင်၌ စတင်ရုံးထိုင်စစ်ဆေးခဲ့ပါတယ်  ။ ထိုလ ၁၅ ရက်နေ့တွင် သက်သေများ ကို စတင်စစ်ဆေးပါတယ် ။ အမှုစစ်ဆေးနေဆဲတွင် ဦးစောဘက်မှ လိုက်ပါမည့် လန်ဒန်မှ ရှေ့နေ မစ္စတာ ကာတစ်ဘစ်နက် မလာရောက်နိုင်သေးလို့  ရက်ချိန်းကို နှစ်ကြိမ်တိုင်တိုင်ရွှေ့ဆိုင်းပေးခဲ့ရပါတယ် ။ အဲဒီလို အခြေအနေမျိုးတွေရှိခဲ့တာတောင်မှ  ၁၉၄၇ ခုနှစ် ဒီဇင်ဘာလ (၃၀) ရက်နေ့မှာ အပြီးသတ်စီရင်ချမှတ်နိုင်ခဲ့ ပါတယ်  ။
စီရင်ချက်ချမှတ်ပြီးတဲ့နောက် တရားခံများကို အယူခံဝင်ခွင့်ပြုခဲ့ရာမှာ ၁၉၄၈ ခုနှစ် ဇန်န၀ါရီလ ၃ ရက်နေ့ တွင်  ဦးစောက အယူခံဝင်ခဲ့သည် (အဲဒီနေ့ကတော့ မြန်မာနိုင်ငံ၏ လွတ်လပ်ရေး မကြေညာမီ ရှေ့ တစ်ရက်ဖြစ်ပါသည် ။ )  အယူခံများကို ခုံရုံးဖွဲ့ကာ ဖေဖော်ဝါရီလ ၉ ရက်နေ့မှစတင်၍ နေ့စဉ်ကြားနာ စစ်ဆေးခဲ့ကြပြီး မတ်လ(၈) ရက်နေ့တွင် အယူခံများကို ခုံရုံးက ပယ်ချ ခဲ့ပါတယ် ။ သို့သော် ပြစ်ဒဏ်များ ကို နိုင်ငံတော် သမ္မတက  ကရုဏာဖြင့် လျှော့ပေါ့ပေးလိုက ပေးရန် လို့ မှတ်ချက်ပြုပေးခဲ့ကြပါတယ် ။ အဲဒီနောက်မှာ ဦးစော ၊ မောင်စိုး ၊သက်နှင်း ၊ ရန်ကြီးအောင်နှင့် မှုံကြီးတို့က အထူးအယူခံကို ထပ်မံလျှောက်ထားကြပြီး  ၁၉၄၈ ခုနှစ် ဧပြီလ ၂၇ ရက်နေ့တွင် တရားလွှတ်တော်ချုပ်က ထိုအယူခံတို့ကို ပယ်ချခဲ့သည် ။ မေလ (၅)ရက်နေ့တွင် သမ္မတက ခင်မောင်ရင်အား သေဒဏ်အစား တသက်တကျွန်း ပြစ်ဒဏ်ပြောင်းပေးခဲ့တယ် ။  ။နောက်တစ်နေ့မှ  သုခ နဲ့ မောင်နီတို့ကို သေဒဏ်မှ လွှတ်ပြီး  တသက်တကျွန်းပြစ်ဒဏ်သာ ကျခံစေရန် လျှော့ပေါ့ ပေးခဲ့တယ်  ။ နောက်နှစ်ရက် မေလ ၈ ရက်နေ့ အရုဏ်တက်ချိန်မှာ  ဦးစော ၊ မောင်စိုး ၊ သက်နှင့် နှင့် မှုံကြီးတို့ကို အင်းစိန်ထောင်မှာ  ၊ စိန်ကြီးနှင့်ရန်ကြီးအောင်တို့ကို ရန်ကုန်ဗဟို အကျဉ်းထောင်မှာ  ကြိုးပေး စီရင်ခဲ့သည် ။
အဲဒီလုပ်ကြံမှုကြီးကို စစ်ဆေးစီရင်ခဲ့ကြရာမှာ  ဆုံးဖြတ်ချက်ချသည့်နေ့အထိ  အချိန်အတိုင်းအတာမှာ  လုပ်ကြံမှုကြီးဖြစ်ပွားသည့်နေ့မှ စတင် ရေတွက်ရင် ၅လနှင့် ၁၁ ရက်မျှသာ ကြာမြင့်ခဲ့ပါသည် ။ အထူးခုံရုံး (တရားရုံး) ဖွင့်လှစ်စစ်ဆေးသည့်နေ့က စတင်ရေတွက်ရင် ၂လနှင့် ၂၂ ရက်မျှသာ ကြာမြင့်ခဲ့ပါတယ်  ။
၁၉၇၆ ခုနှစ် မတ်လ(၂၇) ရက်နေ့ ဖက်ဆစ်တော်လှန်ရေးနေ့ (သူတို့အခေါ်တပ်မတော်နေ့) နိုင်ငံ တော်သမ္မတ၏ ညစာစားပွဲမှာ နိုင်ငံတော်အကြီးအကဲတွေကို လုပ်ကြံဖို့ကြံစည်မှုနဲ့ ဗိုလ်ကြီး အုန်းကျော်မြင့် ၊ ဗိုလ်ကြီဝင်းးသိန်း တို့အား နိုင်ငံတော်သစ္စာဖောက်ဖျက်မှုပုဒ်မ  ၁၂၂(၁) ၊  မြန်မာ့ ဆိုရှယ်လစ်လမ်းစဉ်ပါတီကို ကာကွယ်သည့်ဥပဒေ ပုဒ်မ ၃/၄ တို့ဖြင့် တရားစွဲဆိုခဲ့ပြီး  အခြား တပ်မတော်အရာရှိ ၅ ဦးတို့အား ပုဒ်မ ၁၂၃ နှင့် ပုဒ်မ ၃/၄ တို့ဖြင့်အသီးသီး တရားစွဲဆိုခဲ့ပါတယ် ။ ထိုစဉ်က တပ်မတော်ကာကွယ်ရေးဦးစီးချုပ်(အငြိမ်းစား) ပူပူနွေးနွေးဗိုလ်ချုပ်ကြီးသူရ တင်ဦး  အား သိလျက်နှင့် ထိန်ချန်သည်ဟု ဆိုကာတရားစွဲဆိုခဲ့ပါတယ် ။
၉.၉.၇၆ နေ့ ရက်စွဲဖြင့် တရားစွဲဆိုရန်ခွင့်ပြုချက်ကို မဆလပါတီက ခွင့်ပြုပေးခဲ့ပြီး ၊ ၁၀.၉.၇၆ တွင် ရန်ကုန်တိုင်းရဲတပ်ဖွဲ့ သတင်းတပ်ဖွဲ့မှူး ဦးစိုးမြင့်က တရားစွဲဆိုခဲ့ပါတယ် ။ ထိုနေ့တွင် တရားစွဲဆိုခဲ့ပြီးနောက် တစ်လနှင့်ကိုးရက်အကြာ ၁၉.၁၀.၁၉၇၆ တွင် နှစ်ဘက်ရှေ့နေများက စွဲချက်တင်သင့် မတင်သင့် ကိုလျှောက်လဲခဲ့ကြပါတယ် ။ ထိုနောက် ၂၆.၁၂.၁၉၇၆ တွင် တရားလိုရှေ့နေများက အပြီးသတ် လျှောက်လဲခဲ့ ကြပြီး နောက်သုံးရက်အကြာ ၂၉.၁၂.၁၉၇၆ တွင် တရားခံ ဗိုလ်ကြီးအုန်းကျော်မြင့်၏ အကျိုးဆောင် ဦးအုန်း လှိုင်က ပြန်လည်ရှင်းလင်းလျှောက်လဲချက်ပေးခဲ့ပါသည် ။
ထိုအမှုကို ၁၁.၁.၁၉၇၇ တွင် အပြီးသတ်စီရင်ဆုံးဖြတ်ခဲ့ပါသည် ။ တရားရုံးစတင်ဖွင့်လှစ်၍ အမှုလက်ခံ ခဲ့သည့်မှ စကာရေတွက်လျှင် သုံးလ (ရက်ပေါင်းကိုးဆယ်)မျှသာ ကြာမြင့်ခဲ့သည်ကို လေ့လာတွေ့ရှိရပါသည် ။
ဒီနေ့ တရားလွှတ်တော်ချုပ်ရှေ့နေကြီး ဦးကိုနီလုပ်ကြံသတ်ဖြတ်ခံခဲ့ရတာ တစ်နှစ်တင်းတင်းပြည့်ပါပြီ ။ ဦးကိုနီကို လုပ်ကြံသတ်ဖြတ်ခဲ့တဲ့ တရားခံကို အုတ်ခဲကျိုးတစ်ပိုင်းနဲ့ အသက်နဲ့ရင်းပြီးဖမ်းဆီးပေးခဲ့တဲ့ ကိုနေ၀င်း ကျဆုံးခဲ့ရတာလဲ တစ်နှစ်တင်းတင်းပြည့်ပါပြီ ။ ဒါပေမဲ့ အဲဒီအမှုကို ခုထိ စစ်ဆေးနေဆဲသာရှိပြီး စီရင်ချက်မချနိုင်သေးပါဘူး ။ တရားစီရင်ရေးရဲ့ အာနိသင်က ဘယ်လို ဘယ်အခြေအနေရောက်နေပါသလဲ ဆိုတာ မေးခွန်းထုတ်စရာဖြစ်လာပါပြီ ။
အဲဒီအပြင် ဒီအမှုနဲ့ပတ်သက်လို့ ဖမ်းဆီးထိမ်းသိမ်းခံထားရသူတွေက တရားလိုရှေ့နေတွေနဲ့ သတင်း မီဒီယာ တွေကို ထမင်းဝအောင်စားထားလို့ ကြိမ်းမောင်းသွားခဲ့တာတွေ ၊ လက်ပူးလက်ကြပ်ဖမ်းဆီးရမိထားတဲ့ လူသတ်တရားခံနဲ့တကွ ဆက်နွယ်မှုရှိသူ တွေ လို့ဖမ်းဆီး ထိမ်းသိမ်းခံထားရသူတွေကတော့ အကျဉ်း ထောင်ထဲမှာ ရိုက်ထားတယ် လို့ ယူဆရတဲ့ ဓာတ်ပုံဟာ  လူ မှုကွန်ရက်စာမျက်နှာပေါ်အထိ ပေါ်ထွက်လာ တာ တွေကတော့ မြန်မာနိုင်ငံရဲ့ တရားဥပဒေ စိုးမိုး ရေးကို လိုလားကြတဲ့ နိုင်ငံသားများအတွက် လုံးဝ စိုးရိမ်စရာပါပဲ ။
ဒီကနေ့ ဦးကိုနီ နဲ့ ကိုနေ၀င်းတို့အသက်စွန့်လွှတ်ခဲ့ရတဲ့ တစ်နှစ်မြောက်နေ့မှာ မေးခွန်း တခု မေးချင်ပါတယ် ။ မြေးငယ်တယောက်ကို ချီပွေ့ထားတဲ့ နိုင်ငံသားတယောက် လူပုံအလည်မှာ ရက်ရက်စက်စက် လုပ်ကြံသတ်ဖြတ်ခံခဲ့ရတဲ့ အမှုဟာ ဘယ်လို ဘယ်အကြောင်းတွေကြောင့် ဒီလောက်အထိ နှောင့်နှေးကြန့်ကြာ နေရပါသလဲ ။ တရားဥပဒေစိုးမိုးရေးအတွက် အသက်စွန့်ခဲ့ရတဲ့ နိုင်ငံသားတယောက်အတွက် တရားမျှတမှုက ဘာကြောင့် နှောင့်နှေးကြန့်ကြာနေရပါသလဲ ။ တရားဥပဒေ ရဲ့မျက်လုံးအစုံက စည်းထားတဲ့ အ၀တ်စဟာ ပြေသွားပြီလား ၊ တရားဥပဒေရဲ့ ပြယုဂ်ဖြစ်တဲ့ ချိန်ခွင်ဟာ တဖက်ကိုလျှာပြူနေသလား ၊ တရားဥပဒေနတ်သမီး ရဲ့ လက်ထဲက စွဲကိုင်ထားတဲ့ ဓားဟာ အသွားရှိသေးရဲ့လား ဆိုတာဟာ ကျနော်နဲ့တကွ နိုင်ငံသားအများစု သိချင်နေ တဲ့ မေးခွန်းတစ်ခုပါပဲ ။
ဒီမေးခွန်းတွေကို သက်ဆိုင်ရာတာဝန်ရှိသူတွေက ဖြေဆိုပေးဖို့ လိုအပ်နေပါပြီ  ။

လေးစားစွာဖြင့်

ထင်လင်းဦး (Wisdom Villa)
၂၉.ဇန်န၀ါရီလ . ၂၀၁၈

No comments:

Post a Comment

Blog Archive

Tags

Accident Ad Agriculture Article Astrology Aung San Suu Kyi Bagan Beauty Bogale Book Car Cartoon celebs Crime Crony Daily Popular Danubyu Dedaye Dhamma Dr Hla Myat Thway Education ELection Entertainment Environment Foreign Affairs General General Aung San General Knowledge Gossip Gov Health Herbal Hinthada History Hluttaw Ingapu Interview Job Kangyidaunt kyaik Lat Kyangin Kyaunggon Kyonpyaw Latputta Laymyethna Lemyethna Letter Ma Shwe Moe Mahn Johnny Maubin Mawlamyinegyun Media MMP MMP 1 money Myan Aung Myanmar Idol Myaungmya Myo Min Paing News Ngapudaw Ngathaingchaung NLD Nyaung Tone Opinion Pagoda Pantanaw Party Pathein People Photo Places Poem Police Politic Political Prisoner Popular Project Pyapon Quote School Bus Song Speech Sport Sports Student SYW SYW 1 Technology Thabaung Time Ayeyar Tourism Travel U Ba Hein U Ko Ni U Kyaw Myint U Win Htay USDP Video Wakhama Weather World News Yekyi Zalun စိတ်အဟာရ ရသစာများ စိုက်ပျိုးရေး ထူးဆန်းထွေလာ ဒီရေတော နာရေး ဗဒေငျ မဘသ မုံရွာ လယ်သိမ်းမြေသိမ်း လူပုဂ္ဂိုလ်များ လူပျောက်ကြော်ငြာ အရှင်သုစိတ္တ (မော်ကျွန်း) အရှင်သုစိတ္တ (မော်ကျွန်း) ဆရာတော် အထွေထွေ ဝေဖန်ရေး ထွေအုပ် ​မော်​တင်​စွန်း နိုင်ငံရေးအကျဉ်းသား

Labels

Recent Post