၂၀၁၇ခုနှစ်၊ ဒီဇင်ဘာလ ၂၉ ရက်နေ့ ၂၃၄၅ အချိန် မိုင်းတုံမြို့နယ်၊ ပါခတ်ကျေးရွာတွင် လူသတ်မှုဖြစ်ပွားကြောင်း သတင်းအရ မိုင်းတုံမြို့မရဲစခန်းမှ ရဲတပ်ဖွဲ့ဝင်များ သွားရောက် စစ်ဆေးခဲ့ရာ မအီနာရှဲ(၄၀)နှစ် ၏အိမ်တွင်အတူနေ မအီနာရှဲ၏ သမီး မနားကျို(၂၅)နှစ်တို့တွင် ဘယ်ဂျိုစောင်း/မေးရိုးတွင် ပြတ်ရှဒဏ်ရာ ၂ ချက်၊ ရင်ဘတ်တွင် ထိုးသွင်း ဒဏ်ရာ ၁ ချက်နှင့် မော်ကျို(၃၅)နှစ် (မနားကျို၏ ခင်ပွန်း)တွင် သွား ၂ ချောင်းကျိုး၊ နား ၂ ဖက်/ပါးစပ်ပေါက်ပြဲ (သွေးထွက်လျက်)၊ ရင်ဘတ်ညိုမဲဒဏ်ရာများဖြင့် သေဆုံးနေပြီး မော်ကျို၏ ဘယ်ဘက်တွင် ဓါးချွန် ၁ ချောင်းနှင့် တူမီး ၁ လက် တွေ့ရှိသိမ်းဆည်းခဲ့ ပါကြောင်း၊ အဆိုပါဖြစ်စဉ်မှာ ၁၈၀၀ အချိန်တွင် မအီနာရှဲသည် တစ်ရွာတည်းနေ ဦးအဲယေ၏ ဈေးဆိုင်သို့ မုန့်ဝယ်သွားစဉ် ၎င်း၏ အိမ်ဘက်မှ ကျည်ပေါက်သံကြား၍ ပြန်သွားကြည့်ရာ အိမ်ပေါ်၌ မနားကျိုနှင့် မော်ကျိုတို့ ၂ ဦး မှာ ဒဏ်ရာများဖြင့် သေဆုံးနေသည်ကို တွေ့ရှိခြင်းဖြစ်ကြောင်း သိရှိရ၍ ၂၃၃၀ အချိန်တွင် မနားကျိုနှင့် မော်ကျိုတို့၏အလောင်းအား မိုင်းတုံမြို့ ပြည်သူ့ဆေးရုံသို့ ပို့အပ်ခဲ့ပါကြောင်း၊ ဒီဇင်ဘာလ ၃၀ ရက်နေ့ ၀၁၃၅ အချိန် မိုင်းတုံမြို့မရဲစခန်း (ပ)၁၆/၂၀၁၇ ရာဇသတ်ကြီးပုဒ်မ ၃၀၂ (လူသတ်မှု)ဖြင့် အမှုဖွင့်စုံစမ်းစစ်ဆေးလျက်ရှိကြောင်းနှင့် ၁၀၀၀ အချိန်တွင် မော်ကျို၏ အလောင်း အား ရင်ခွဲစစ်ဆေးရာ ၎င်း၏ဦးနှောက်ငယ်အတွင်း ယမ်းစပေနေသော အဝတ်စငယ် ၁ ခု တွေ့ရှိရသဖြင့် ဇနီးဖြစ်သူ မနားကျိုနှင့် စကားများကာ မနားကျိုအား ဓါးဖြင့်ထိုးပြီး မိမိကိုကိုယ် တူမီးသေနတ်ဖြင့် ပစ်ခတ်သေဆုံးခြင်းဖြစ်နိုင်ကြောင်း သတင်းရရှိပါသည်။
Ref ;ပြည်ထဲရေးဝန်ကြီးဋ္ဌာန
No comments:
Post a Comment