စစ်ကိုမုန်း၍တိုက်ကြစမ်း

ဗိုလ်ချုပ်ဂွမ်မော်ကိုလှမ်းမေးရင်လည်း
စစ်ကိုမုန်းလို့တိုက်နေကြောင်းပဲဖြေလိမ့်မယ်
ပေါက်ယူချန်းကိုလှမ်းမေးရင်လည်း
ငြိမ်းချမ်းရေးအတွက်
သေနတ်ကိုင်နေတာလို့ဖြေလိမ့်မယ်..
အကြောင်းပြချက်တွေပေးနေတဲ့ပါးစပ်တိုင်းမှာ
သိန်းနှစ်ဆယ်ကျော်တန်ဝီစကီအနံ့ပါတယ်..

တိုက်ကြစမ်း..
ဗီယက်နမ်စစ်ကားထဲက
စစ်ပြေးဒုက္ခသည်ဇာတ်ဝင်ခန်းတွေကရိုးတယ်..
အရှင်လက်လက်ပြေးနေရတာကို
အိမ်တော်ကြီးတွေထဲမှာ
မိသားစုလိုက်ထိုင်ကြည့်..
ပိုပြီးသရုပ်ပီပြင်တယ်..
နှစ်၆၀ကျော်စီးရီး၊ ကိုရီးကားထက်ရှည်တယ်..
စောင်မရှိကြတဲ့ဇာတ်ဝင်ခန်းရောက်ရင်
အစောင့်တစ်ယောက်ကိုAirconလျော့ခိုင်း
ရင်သွေးတော်တွေအအေးပတ်မယ်..

တိုက်ကြစမ်း..
တောင်ပေါ်မြေမှာတော်ဝင်ပိတောက်ပန်းမပွင့်ဘူး
ကျောင်းစာဝေးအုတ်ကြားမြက်တွေက
မြေးတော်တွေရဲ့International schoolအတွက်
ပန်းရံအဖြစ်တော့သုံးလို့ရတယ်..

တိုက်ကြစမ်း..
ငြိမ်းချမ်းရေးကိုအလိုချင်ဆုံးက
တကယ်တိုက်နေရသူတွေပါလို့ပြောခဲ့ဖူးတဲ့သူတွေက
ဘဏ်မှာအပ်ငွေမရှိဘူး..
ဒုတိယကမ္ဘာစစ်လက်ကျန်စကားက
ခေတ်သစ်ကမ္ဘာထဲမှာ
စီးပွားရေးလုပ်လို့သိပ်ကောင်းတယ်..
MBA courseမှာမပါတဲ့ဂျင်းကို
ခြေတုတစ်ချောင်းကထောင်းပေးလိမ့်မယ်..

တိုက်ကြစမ်း..
သံလွင်မြစ်မှာအဖုံးမရှိဘူး
စွန့်လွှတ်ခြင်းဂုဏ်ပုဒ်က
ငါးစာအဖြစ်တော့အသုံးဝင်တယ်..

တိုက်ကြစမ်း..
ဧရာဝတီကိုမေခနဲ့မလိခပေါင်းပြီး
စီးဆင်းတာမဟုတ်ကြောင်း
သင်ရိုးအသစ်ဆွဲမယ်..
ညီအကိုအရင်းတွေရဲ့သွေးနဲ့စီးဆင်းမယ်..

တိုက်ကြစမ်း..
AK47ကျည်တစ်ကဒ်က
ထိုင်းဘက်ငွေငါးဆယ်တန်ဖိုးရှိတယ်..
မြန်မာပြည်လူ့အသက်တစ်ချောင်းက
A4တစ်ရွက်စာပဲတန်ဖိုးရှိတယ်..
နှမြောစရာအကြောင်းမရှိဘူး..

တိုက်ကြစမ်း..
ကမ္ဘာပေါ်မှာအရှည်ကြာဆုံးပြည်တွင်းစစ်နဲ့
ငါတို့ဂုဏ်ယူနေမယ်
ကျည်ဆံဖိုးအတွက်မပူနဲ့
မလေးရှားမှာကျွန်ခံရင်းရှာမယ်..

တိုက်ကြစမ်း..
ပညာတက်တာသူရဲကောင်းမဟုတ်ဘူး
Gun trackerပေါ်လက်ညိုးတင်ပြီး
ဓာတ်ပုံရိုက်ရတာက
Cambridgeကဘွဲ့ရတာထက်
ဂုဏ်ယူစရာကောင်းတယ်..

တိုက်ကြစမ်း..
ဇေတဝန်ကျောင်းနားအထိဗုံးကျလို့
ဘုရားကနေရာပြောင်းသွားရင်
ဘာသာမဲ့နိုင်ငံအဖြစ်နဲ့ငါတို့ဂုဏ်ယူမယ်..

တိုက်ကြစမ်း..
ဖာတန်းဆိုတာဝင်ဒါမီယာမှာမရှိဘူး
ကျည်ဆံနဲ့တည်ဆောက်တဲ့တိုင်းပြည်ကလည်း
ရွှေတောင်ကြားရပ်ကွက်ဖြစ်လာစရာ
အကြောင်းမရှိဘူး
ခိုးဆိုးလုနှိုက်နိုင်ငံတစ်ခုမှာ
ဦးတဲ့သူကမုဒိန်းကျင့်ကြတာပေါ့..
အပွင့်အခက်တွေရဲ့သမီးတွေကိုတော့
ထိမရလို့ဖယ်ထားမယ်..
သူတို့သားသမီးတွေကိုထိတဲ့နေ့
တရားဥပဒေစိုးမိုးသွားမှာမို့
လက်ရှောင်ကြမယ်..

တိုက်ကြစမ်း..
အနှစ်၇၀ကျော်တိုက်နေတဲ့စစ်ပွဲ
အနည်းဆုံးဒေါ်လာ၄၀၀ဘီလျှံ
သန်းငါးဆယ်အတွက်
တိုက်တစ်လုံးကားတစ်စီးအပြင်
စိန်တစ်ဆင်စာပေးနိုင်လောက်တဲ့ပမာဏအတွက်
ဓာတ်မြေသြဇာငပိရည်နဲ့ညစာစားရင်း
စားမြုံ့ပြန်ပြီးဂုဏ်ယူကြမယ်..

တိုက်ကြစမ်း..
တိုက်ပွဲတစ်ပွဲပြီးတိုင်းမှာ
Low budget sectorထဲက
စာသင်ကျောင်းထရံတစ်ပေါက်ကွာကျတယ်
ခေါင်းလောင်းသံတညံညံသီချင်းကို
ktvထဲမှာဆိုကြမယ်
နေခြည်မှာရွှေရည်မလောင်းနိုင်တော့သူတွေကို
ကမ္ဘာ့အဆင့်(၁)ရထားတဲ့
မြန်မာဘီယာငှဲ့ခိုင်းမယ်..
ဘယ်တော့မှရွှေတောင်ကြားဖြစ်မလာတော့မဲ့
....တန်းနိုင်ငံအတွက်
သာဓုခေါ်တယ်..

#N KhamAung