နေပြည်တော် ဒီဇင်ဘာ ၁၃
မူးယစ်တပ်ဖွဲ့စု(၆) ကသာနှင့် မူးယစ်တပ်ဖွဲ့စု (၁၈) မန္တလေးတောင်ပိုင်းမှ တပ်ဖွဲ့ဝင်များပါဝင်သော ပူးပေါင်းအဖွဲ့သည် ဒီဇင်ဘာ ၁၂ ရက် ည ၉ နာရီ က ပင်လည်ဘူးမြို့နယ် ရွာသာယာကျေးရွာအုပ်စု ပေကုန်းကျေးရွာသစ်ကုန်း အနီး ကောလင်း-ပင်လည်ဘူးသွား ကားလမ်းဘေးတွင် မူးယစ်ဆေးဝါးများကို ဝယ်လက်အသွင်ယူ၍ စောင့်ဆိုင်းနေစဉ် ဇော်မင်း မောင်းနှင်ပြီး ကျော်လွှမ်းမိုး လိုက်ပါလာသည့် ဆိုင်ကယ်ကို ရှာဖွေရာ ဘိန်းဖြူဆပ်ပြာခွက် ၁၁ဝ (အလေးချိန် ၁ ဒသမ ၂၁ ကီလို)၊ စိတ်ကြွရူးသွပ်ဆေး ၃၃၉ ပြား၊ လက်ကိုင်ဖုန်း သုံးလုံးနှင့် ငွေကျပ် နှစ်သိန်းတို့ကို လည်းကောင်း။
အလားတူ ယင်းနေ့ ညနေ ၅ နာရီခွဲက မူးယစ်တပ်ဖွဲ့စု(၃၆)ပဲခူးမှ တပ်ဖွဲ့ဝင်များပါဝင်သော ပူးပေါင်းအဖွဲ့သည် ညောင်လေးပင်မြို့ မြို့မ(၃) ရပ်ကွက် စာတိုက်လမ်း အမှတ် (၃၄) ရှိ နယ်သစ်ဦး စားသောက်ဆိုင်တွင် တွေ့ရှိသူ လင်းလင်း(ခ)သက်နိုင်ဌေးအား ရှာဖွေရာ စိတ်ကြွရူးသွပ်ဆေး ၄၄၅ ပြား၊ အိုက်စ် သုည ဒသမ ၅ ဂရမ် နှင့် လက်ကိုင်ဖုန်း တစ်လုံးတို့ကို သိမ်းဆည်း ရမိခဲ့ပြီး စစ်ဆေးပေါ်ပေါက်ချက်အရ ည ၈ နာရီတွင်၎င်းငှားရမ်းနေထိုင် သည့် နေအိမ်အား ဝင်ရောက်ရှာဖွေရာ စိတ်ကြွရူးသွပ်ဆေးပြား ၆၇၉ ပြားနှင့် အိုက်စ် သုည ဒသမ ၈ ဂရမ်တို့ကို လည်းကောင်း။
ထို့အတူ ဒီဇင်ဘာ ၁၁ ရက် ည ၈ နာရီခန့်က မန္တလေးတိုင်းဒေသကြီး ရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် ချမ်းမြသာစည်မြို့နယ် မြို့သစ်(၁)ရပ်ကွက် (၆၅) လမ်းနှင့် သဇင်လမ်းထောင့်ရှိGentleman Inn ဧည့်ခန်းအတွင်းရှိ ရန်ထူးအောင်(ခ)သော်ဇင်ဦးနှင့် ကျော်ဇင်ထက်တို့ကို ရှာဖွေရာ စိတ်ကြွရူးသွပ်ဆေးပြား ၅၅ဝ ကိုလည်းကောင်း။
မူးယစ်တပ်ဖွဲ့စု(၂၂)မူဆယ်မှ တပ်ဖွဲ့ဝင်များပါဝင်သော ပူးပေါင်းအဖွဲ့ သည် ကွတ်ခိုင်မြို့နယ် ခိုလုံကျေးရွာ ကောင်းခါး-ကွတ်ခိုင်သွားကားလမ်း ယူကလစ်တောအနီးတွင် ကောင်းခါးကျေးရွာဘက်မှ ကွတ်ခိုင်မြို့ဘက်သို့ စိုင်းလှဝင်း မောင်းနှင်လာသော ဆိုင်ကယ်ကိုရှာဖွေရာ စိတ်ကြွရူးသွပ်ဆေးပြား ၁၉၅ဝ ကိုလည်းကောင်း သိမ်းဆည်းရမိခဲ့သဖြင့် ၎င်းတို့အား မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာဥပဒေအရ အရေးယူထား ကြောင်း သိရသည်။
သတင်းစဉ်
No comments:
Post a Comment