ပြီးခဲ့သည့်နှစ် အောက်တိုဘာ ၂၆ ရက်နေ့ အာဆာ စစ်သွေးကြွများက တပ်မတော်နှင့် ရဲကင်းစခန်းများကို ၀င်ရောက်စီးနင်း တိုက်ခိုက်ခဲ့ချိန်မှစ၍ ထိုဒေသတွင်း အခြေအနေများသည်ကမ္ဘာ သတင်းစာ အသီးသီးတွင် ခေါင်းကြီးသတင်းအဖြစ် နေရာယူလာခဲ့ရပေသည်။
သို့သော် သတင်းရေးသားကြသူ အများစုက"ရိုဟင်ဂျာ' ဆိုသူများ၏ အခြေအနေ များကိုသာ ဇောင်းပေးဖေါ်
ပြနေကြသည်။ အရေးပါလှသော အကြောင်းခြင်းရာများကိုမူကား ဖေါ်ပြနိူင်ရန် အာရုံစိုက်ခြင်း မရှိခဲ့ကြပေ။
အဆိုပါ အကြောင်းခြင်းရာ ဆိုသည်ကား ၎င်းတို့၏ သတင်းများစွာထဲတွင်ဖေါ်ပြသည်ဆိုယုံမျသာ
ရှိခဲ့သော မြန်မာ စစ်တပ်၏ "နယ်မြေရှင်းလင်းမှု စစ်ဆင်ရေး" ပင်ဖြစ်သည်။
အဆိုပါ အကြောင်းအရာအား သေချာစေ့ငုစွာလေ့လာသုံးသပ်ခဲ့သူ လွန်စွာ နည်းပါးလှကြောင်းလည်း တွေ့ရပေသည်။ စစ်ဆင်ရေး၏ ရေရှည် စစ်ရေး နှင့် နိူင်ငံရေးရည်မှန်းချက်များကို နားလည်ခြင်း အလျဉ်းမရှိ
ပါက လက်ရှိ ပြဿနာ များနှင့် အနာဂါတ်တွင်ကြုံတွေမည်ဟု မျော်လင့်ထားသော စိန်ခေါ်မှု
များကို လှမ်းမျော်ကြည့်ရန် လွန်စွာ ခဲယဉ်းနေမည်သာ ဖြစ်သည်။
တပ်မတော်သည် ဒေါ်အောင်ဆန်းစုကြည် အစိုးရ၏ ထိမ်းချုပ်နိုင်မှု မရှိသလောက် ဖြစ်နေပြီး ၎င်းတို့ အကြံအစဉ် စိတ်ကူးများနှင့် သီးခြားလှုပ်ရှားနေသော အဖွဲ့ အစည်းတခုဟု ကျယ်ကျယ်ပြန့်ပြန့် လက်ခံလာခဲ့ကြ
သည်။ ဤနေရာတွင် မေးစရာ ရှိလာရသည်က မည်သို့သောအကြံအစည်များ လဲ။ ထို အကြံအစည်များ
နောက်ကွယ်တွင် ဘာတွေ ရှိနေလဲ ဆိုသည်များ ဖြစ်ပြီး အသေအချာ သိရှိနိူင်ရန်ကား ခက်ခဲလှသည်။
အဆိုပါ မေးခွန်းနှင့် ပါတ်သက်၍သုံးသပ်မှု လေးခု ထွက်ပေါ်လာနေခဲ့ပြီး ယင်းတို့တွင် ဖြစ်နိူင်ချေ ရှိသည်မှ အစပြု၍ ဖြစ်နိူင်ခဲသည် ဆိုသော သုံးသပ်မှု များ အထိပါဝင်နေသည်။
အဆိုပါ သုံးသပ်ချက် လေးခုက အောက်ပါအတိုင်း ဖြစ်သည်။
ပထမက တရားဝင် ရပ်တည်ချက် ဖြစ်သည်။နိူင်ငံတကာ အစ္စလာမ်ဝါဒီ အုပ်စုများ၏ ထောက်ခံမှု ဖြင့် ရိုဟင်ဂျာ အကြမ်းဖက်သမားများက နိူင်ငံ၏တည်ငြိမ်ရေး နှင့် အချုပ်အခြာအာဏာကိုအကြီးအကျယ် ခြိမ်းခြောက်လာခဲ့သည် ဆိုခြင်းပင် ဖြစ်သည်။
ထုံးစံအတိုင်း အဓိက ကျသော အသေးစိတ်အချက်အလက်များက ရှားပါးလျက် ရှိနေခဲ့ရသည်။ နိူင်ငံတကာ အရေးအခင်းများ လေ့လာရေး အဖွဲ့ ICG မှမူ အာဆာသည် နိူင်ငံတကာနှင့် ဆက်နွယ်နေသော ဂျီဟတ်
လှုပ်ရှားမူဖြစ်နိူင်ခြေ မရှိဟု ဖေါ်ပြခဲ့ကြသည်။ သို့သော်အခြားသော အကြမ်းဖက် အုပ်စုများနှင့် အဆက်
အသွယ် ရှိနိူင်သည်ဟု ဆိုသည်။ ထို့အပြင် ပြည်ပ အကြမ်းဖက်သမားများက အဆိုပါ အရေးအခင်းကို
အခွင့်ကောင်းယူ၍ ပြည်တွင်း ပြည်ပတွင် တိုက်ခိုက်မှုများ ပြုလုပ်လာနိူင်သည့် အလားအလာ ရှိသည်ဟု သတိပေးလာခဲ့သည်။
ထိုအရေးကို နေပြည်တော်သာမက ဒေသတွင်းရှိ နိူင်ငံများက စိုးရိမ်လာခဲ့ကြသည်။ သို့သော်ထိုင်း၊ မလေးရှား၊ အိန္ဒိယ နှင့် အခြားနိူင်ငံများရှိ"ရိုဟင်ဂျာ' အဝေးရောက်များအပြင် တောင် နှင့်အရှေ့တောင် အာရှ ရှိ
မူဆလင် အသိုက်အ၀န်းက ၎င်းတို့၏ ဘာသာတူများကို တင်းမာစွာ ဆက်ဆံမှုများအပေါ် ပြင်းထန်စွာ
တုန့်ပြန်လာခဲ့ကြသည်။
ပထမဦးဆုံး အာဆာ၏ တိုက်ခိုက်လာခဲ့မှုများအတွက် ကနဦးဇဝေဇ၀ါ ဖြစ်သွားခဲ့ရမူများ လွန်မြောက်လာခဲ့
ချိန်တွင်တော့ တပ်မတော်မှ ရိက္ခာထောက်ပံ့ငွေ၊ ထောက်လှမ်းရေးသတင်း နှင့် လူသစ်စုဆောင်းခြင်းများ ကို ဖြတ်တောက်ရန် ဆိုသည့်တန်ပြန်သောင်းကျန်းသူ တိုက်ဖျက်ရေး ဖြတ်လေးဖြတ်စစ်ဗျုဟာ ကို ကျင့်သုံးလာခဲ့ကြသည်။
ဒုတိယ ယူဆချက်က အသေးအမွှား ခြိမ်းခြောက်လာမှုလေးအား အလွန်အက္ဈံ တုန့်ပြန်ခဲ့သည်ဆိုသော
အချက်ပင် ဖြစ်သည်။ အာဆာ အနေဖြင့် စစ်ရေးအရ အောင်ပွဲခံရန်မှာလည်း မည်သို့မျ ဖြစ်လာနိူင်စရာ
အကြောင်းမရှိ။ ၎င်းတို့ အနေဖြင့် ရိုဟင်ဂျာပြသာနာကို ကမ္ဘာက အာရုံစိုက်လာစေရန်စစ်ရေးအရ မြန်မာ
စစ်တပ်ကို တမင်တကာ ရန်စ ခဲ့ခြင်းမျ သာ ဖြစ်သည်ဆိုခြင်းပင်။
သို့သော် အာဆာ ခေါင်းဆောင်ပိုင်းက ပြည်တွင်းတွင် မူဆလင်များအား မလိုလားမှုများရှိနေပြီး ၎င်းတို့အားလည်း ဘင်္ဂလီ ခိုးဝင်လာသူများ ဆိုကာ ရွံ့မုန်းနေကြသည်ကို မသိပဲနေမည်မဟုတ်ပေ။ ထို့အပြင် မြန်မာ
စစ်တပ်၏ခေါင်းဆောင်မှု ညံ့ဖျင်းခြင်း နှင့် ထင်ရာ လုပ်တတ်မှုများကို အခြားသော ပြည်တွင်း ပဋိပက္ခများမှတဆင့် အာဆာက ကောင်းစွာ သိရှိနိူင်ပြီးယင်း အချက်များနှင့်အတူ ရှိရင်းစွဲ ဘာသာရေးမုန်းတီးမှု
များကြောင့် စစ်တပ် မှ လူ့ အခွင့်အရေး ချိုးဖေါက်မူများ ကြိမ်းသေပေါက် ကျုးလွန်လာကြမည် ဖြစ်
သဖြင့် ၎င်းတို့ မျုိးနွယ်စုများအပေါ် နိူင်ငံတကာ၏ သနားဂရုဏ သက်မှုကိုရရှိလာမည်ဟု ယုံကြည်ထားကြသည်မှာ သံသယ ဖြစ်ဖွယ် မရှိပေ။
တတိယ ယူဆချက်ကား ၂၀၁၆ အတွင်း အာဆာ၏ တိုက်ခိုက်လာမှု အပေါ် သုံးသပ်၍ဗိုလ်ချုပ်ကြီးများက
ရိုဟင်ဂျာ ဆိုသူများ အားလုံးအား ရခိုင်ပြည်နယ် မြောက်ပိုင်းမှ မောင်းထုတ်ပြစ်နိူင်ရန် ရေရှည် စီမံချက် များ ချမှတ်လာနိူင်သည်ဟု ဆန်းစစ်သူများက ယုံကြည်ခဲ့ကြသည်ဆိုခြင်းပင်။
ထို့ အတွက် ဒုတိယအကြိမ် တိုက်ခိုက်လာသည့် အခါတွင်တော့ 'လူမျိုးရေး သန့်စင်မှု" ဟုစွပ်စွဲစရာ ဖြစ်လာသည့်အထိ အရှိန်အဟုန်နှင့်ပြုလုပ်ခဲ့ကြခြင်း ဖြစ်သည်။ ထို စီမံချက်အရရိုဟင်ဂျာ ဆိုသူများကို ဘင်္ဂလားဒေ့ရ်ှဖက်သို့မောင်းထုတ်ပြီး သံဆူးကြိုးများ ကာရံခြင်းနှင့်မြေမြုပ် မိုင်းများ ချထားခြင်းများ ပြုလုပ်ကာ
ပြန်လာမည့် အရေးကို ကိုယ်ထိလက်ရောက် ဟန့်တားလာခဲ့ကြသည်။
ဆန်းစစ်သူများ၏ သီအိုရီအရ နိူင်ငံသားအဖြစ်လက်ခံနိူင်အောင် တင်းကျပ်သောစည်းမျဉ်းများနှင့်
အကြုံးဝင်၍ ပြန်လက္ခံရသူများကို ဘင်္ဂလားဒေ့ရ်ှဖက်မှ ဘာသာရေး အစွန်းရောက်များ၏စေစား
ခံရခြင်းဘေးမှ လွတ်ရာလွတ်ကြောင်းအဖြစ် ရခိုင် ပြည်နယ် တောင်ပိုင်းသို့ ပြောင်းရွှေ့နေရာချထားပေးမည် ဟူ၍ ဖြစ်သည်။
မြောက်ပိုင်းရှိ ၎င်းတို့ ပိုင် မြေများကို ဗုဒ္ဓဘာသာ ရခိုင်လူမျိုးများကို ခွဲဝေပေးမည်လည်း ဖြစ်သည်။ သို့မှသာ
မြန်မာနှင့် ဘင်္ဂလားဒေ့ရှ် အကြား မိမိတို့ လူမျိုး များနှင့် အစားထိုးထားနိူင်မည် ဖြစ်သည်။ ထို့ အပြင် ဒေသခံ ပြည်သူ့စစ်မျုား ဖွဲ့စည်း ထူထောင်ပေးပြီး လုံခြုံရေးကို ထပ်မံအားဖြည့် ပေးနိူင်မည်လည်း ဖြစ်သည်။
စတုတ္ထ ယူဆချက်ကတော့ လူအများအပြားခံယူထားသည့် နိူင်ငံတကာမှ ပူးပေါင်း ကြံစည်ကြမှု ဆိုသည့် အတွေးအခေါ်ပင် ဖြစ်သည်။အနည်းငယ် သော လေ့လာသူများက မဟာမိတ် ဖြစ်သော ဆော်ဒီအာရေးဗီယား အကူ အညီဖြင့် အမေရိကန်မှ "ရိုဟင်ဂျာ" များကို အသုံးပြုပြီး မြန်မာပြည်တွင်း တရုတ်၏ သြဇာအာဏာသက်ရောက်နေမှု အားပျော့သွားရန်တဆင့်ခံ စစ်ပွဲ ဆင်နွှဲခြင်း ဟုပင် ပြောဆိုလာခဲ့ကြသည်။
အချို့ ဝေဖန်သူများကလည်း မြန်မာနိူင်ငံ၏ ပြည်တွင်းရေးကို ၀င်ရောက်စွက်ဖက်နိူင်ရန် အတွက်အမေရိ
ကန်နှင့် အီးယူက ပြသာနာကို နက်ရှိုင်းအောင် ဖန်တီးခြင်းဟု ပြောဆို ကြပြန်သည်။
အမှန်တကယ် သိက္ဈမ်းနားလည်သူများကမူအထက်ပါ ဖြစ်နိူင်ခြေ နည်းလှသည့် အယူအဆများကို ခေါင်းထဲသို့ ပင် ထည့်သွင်းစဉ်းစားကြလိမ့်မည် မဟုတ်ပေ။ အခြားသော အယူအဆများကမူ စစ်တပ်၏ အပြုအမူများကို လေ့လာနိူင်ရန် စဉ်းစားသင့်သော အချက်များပင် ဖြစ်သည်။
ဖြစ်ပေါ်လာသော ရိုဟင်ဂျာ အရေးအခင်းကိုတပ်မတော်က ၎င်းတို့ အကျိုး အတွက် မည်သို့မျ အသုံးချ လိမ့်မည်မဟုတ်ဆိုက လွန်စွာအံသြဖွယ် ကောင်းလှပေမည်။ နေပြည်တော်တွင်ဗိုလ်ချုပ်ကြီးများက နိူင်ငံအရေး ကိစ္စမျာျးတွင် ၎င်းတို့၏ အခန်းကဏ္ဍ ဆက်လက် ရှိနေမည့်အကြောင်းဒေါ်အောင်ဆန်းစုကြည် အစိုးရအား
သတိပေးခဲ့ပြီး ဖြစ်သည်။
ထို့အပြင် နိူင်ငံ၏ ဘာသာ သာသနာကို ကာကွယ် စောင့်ရှောက်သူများအဖြစ် ပြောဆိုနိူင်ရန်လည်း နိူင်ငံ
တွင်း ရှိနေပြီးဖြစ်သော မူဆလင်ဆန့် ကျင့်ရေး အယူအဆများကို အရင်းအနှီးပြုပြီး ကောင်းစွာ အသုံးချနေခဲ့ကြသည်။
တပ်မတော်၏ ဗျူဟာသည် တိုင်းပြည်လုံခြုံရေး အတွက် အမှန်တကယ် စိုးရိမ်ကြောင့်ကြမှုကြောင့်ဖြစ်စေ။ ခပ်ကြမ်းကြမ်းပုံဖေါ်လာသော အမျိုးသားရေးဝါဒကြောင့် ဖြစ်စေ၊ နိူ်င်ငံရေးအရ အကျိုးအမြတ်မျှော်ကိုး၍ ဖြစ်
စေ၊ ရ ခိုင် ပြည်နယ် မြောက်ပိုင်းရှိ လူမျိုးရေးမညီမျမှုများ ကို ပြောင်းလဲရန် လျို့ ၀ှက် စီမံကြသည်ပဲ ဖြစ်စေ
ရှင်းလင်းပြတ်သားစွာ ထွက်ပေါ်လာရသည်က တပ်မတော်သည် ၎င်းတို့၏ ကိုယ်ပိုင် ချမှတ်ထားသော လုပ်ငန်ုးစဉ်များအတိုင်း လုပ်နေကြသည်ဆိုသော အချက်ပင်ဖြစ်ပေသည်။
ဒေါ်အောင်ဆန်ုးစုကြည် အနေဖြင့် ပိုမိုလူသားဆန်သော မူဝါဒ များ ချမှတ် ပေးရန် ပြည်ပမှတောင်းဆိုနေမှုများကို တုန့် ပြန်ကောင်းတုန့်ပြန်နိူင်ဖွယ် ရှိသေးသော်လည်း ဗိုလ်ချုပ်ကြီးများကမူ နိူင်ငံတကာ အသိုက်အ၀န်းမှ မည်သို့ပင် ပြောဆိုနေစေကာမူ ၎င်းတို့၏ ရေရှည် ရည်မှန်းချက်ကို ပြောင်းလဲအောင် သွေး
ဆောင် ၍ ရမည့် လူများ မဟုတ်ကြပေ။
လှစိုးဝေ
(The Interpreter တွင် ပါရှိသည့် ဆောင်းပါးရှင် Andrew Seth ၏ "The Rohingya crisis and Myanmr's military responses" ကိုပြန်လည် တင်ပြသည်။)
No comments:
Post a Comment