မန္တလေးမြို့၊ ချမ်းမြသာစည်မြို့နယ်၊ အောင်သာယာရပ်ကွက်၊ အကွက်(ငင-၄)၊၅၆လမ်း၊ အနော်ရထာလမ်းနှင့် ဘုရင့်နောင်လမ်းကြားရှိ New Style ဘီယာဆိုင်တွင် နိုဝင်ဘာလ ၇ ရက်၊ မွန်းလွဲ ၁ နာရီခန့်က မီးလောင်မှုဖြစ်ပွားခဲ့ကြောင်း သိရသည်။
အဆိုပါဆိုင်အတွင်း ဂက်(စ်)အနီးရှိ ပလပ်ခုံ အပူလွန်ကဲရာမှ မီးလောင်မှုစတင်ဖြစ်ပွားခဲ့ပြီး ၃၀×၅၀ ပေ၊ သွပ်မိုး၊ အုတ်ခင်း၊ အကာမပါ အဆောက်အဦတစ်လုံးနှင့် ဆိုင်အတွင်းပစ္စည်းများ မီးလောင်သွားရာ စုစုပေါင်းခန့်မှန်းတန်ဖိုး ၁၅၅၀၀၀၀ ဆုံးရှုံးခဲ့ကြောင်း မန္တလေးခရိုင်မီးတပ် တပ်ဖွဲ့က ထုတ်ပြန်ထားသည်။
မီးလောင်ရာသို့ မီးငြိမ်းသတ်ယာဉ် ၁၂ စီး၊မီးသတ်ရေသယ်ယာဉ် ၈ စီး၊ သန္ဓေမီးသတ် ၃၀ ဦးနှင့်အရံမီးသတ် တပ်ဖွဲ့ဝင် ၁၀၀ဦးတို့ဖြင့် မီးငြိမ်းသတ်ခဲ့ကြောင်း သိရသည်။
အဆိုပါမီးလောင်မှုနှင့်ပတ်သက်၍ ၎င်းဆိုင်မန်နေဂျာ ဦးမင်းမင်းစိုင်းအား အောင်ပင်လယ်နယ်မြေရဲစခန်းတွင် (ပ-၄၀၈/၂၀၁၇)၊ပုဒ်မ ၂၈၅ဖြင့် အမှုဖွင့်အရေးယူထားကြောင်းသိရသည်။
Mizzima
No comments:
Post a Comment