Latest News

Monday, November 13, 2017

တက်တူးထိုးထားသည့် အထက ၅ တောင်ကြီး ကျောင်းသားများ တပ်ဆေးရုံတွင်သွားဖျက်ခိုင်း


သျှမ်းပြည် မြို့တော် တောင်ကြီးမြို့ အမှတ် ၅ (အထက) အထက်တန်းကျောင်းတွင် တက်တူးထိုးထားသည့် အလယ်တန်း၊ အထက်တန်းကျောင်းသားများအား တန်းစီခေါ်ယူ၍ အလှည့်ကျ တပ်ဆေးရုံတွင် သွားရောက် ဖျက်ခိုင်းသည်ဟု သိရသည်။

ပြီးခဲ့သည့်အပတ် သောကြာနေ့ နိုဝင်ဘာလ ၁၀ ရက်နေ့ကစပြီး ၊ ရိုးရာဆေးမှင်ကြောင်များ၊ တက်တူးများ ထိုးထားသည့် ကျောင်းသား ရ၀ ခန့်အား တောင်ကြီးမြို့ အရှေ့ပိုင်းတိုင်းလက်အောက်ခံ စစ်ဆေးရုံတွင် အလှည့်ကျ သွားရောက်ဖျက်စေကြောင်း ကျောင်းသားမိဘတဦးဖြစ်သည့် နန်းရင်က ပြောသည်။

“သားကိုကျောင်းသွားပို့တုန်းက ဆရာမက ဘာမှမပြောဘူး။ ကျမ အိမ်ပြန်ရောက်မှ ဖုန်းဆက်လာတယ်။ တက်တူးဖျက်ရမယ်တဲ့ ။ အဲဒါကို စစ်ဆေးရုံမှာ သွားဖျက်မယ်ဆိုတော့ လှန့်သွားတယ်။ ကျမ လိုက်သွားတော့ ကလေးကိုထုံဆေးပေးပြီး ဖျက်တာ။ ထုံဆေးပျယ်တော့နာပြီလေ။ သားလဲငို။ ကျမလဲ သားကိုကြည့်ပြီး သနားလို့လိုက်ငိုကြတယ်သားအမိ ၂ ယောက်။ ဒီနေ့ထိ ၃-၄ ရက်ရှိပြီ။ အနာမပျောက်သေးဘူး။ သားအနာက သွေးကြောနဲ့နီးတော့ ကျမ စိုးရိမ်လို့ ညည အိပ်မပျော်နိုင်ဘူး။”- ဟု နန်းယိင်းကပြောပြသည်။


အထက ၅ ကျောင်းတွင် တက်တူးထိုးသည့်ကျောင်းသားလေးများ ရ၀ ခန့်ရှိပြီး တရက်လျင် ၃-၄ ဦးစီ စစ်ဆေးရုံသို့ခေါ်ဆောင်ကာ ဖျက်ပေးမည်ဖြစ်ဟု ဆရာမ များပြောကြောင်း ကျောင်းသားမိဘများ ကပြောဆို နေသည်။

ကျောင်းသားများ၏ တက်တူးမှာ အသဲပုံတက်တူး၊ အိမ်မြောင်ပုံတက်တူး၊ ပန်းပုံတက်တူးတို့အပြင်တချို့မှာ သျှမ်းရိုးရာ နမောကင် ခေါ် ဂါဋ္ဌာဆေးမှင်ကြောင်လည်းပါဝင်ကြောင်း၊ ၅ တန်းကျောင်းသားမှ ၁၀ တန်း ကျောင်းသား များဖြစ်ကြောင်း မူလတန်းပြဆရာမ တဦးကပြောသည်။

ယခုကဲ့သို့ကျောင်းသားလေးများအား ထုံဆေးပေး တက်တူးဖျက်ခြင်းပြုလုပ်မှုမှာ ပထမဆုံး အကြိမ်ပြုလုပ် ခြင်းဖြစ်ပြီး အထက်တန်းကျောင်းသားများနှင့် တက်တူးမှာ မအပ်စပ်သဖြင့်ဟုသာ ကျောင်းကော်မတီဝင် ဆရာမတဦးကပြောသည်။
ကျောင်းအုပ်ဆရာမကြီး ဒေါ်ဆွေဆွေအောင်အားဆက်သွယ်သော်လည်း အစည်းအဝေးတွင်ရှိနေ သဖြင့်ဖြေကြားရန်အဆင်မသင့်သေးဟု သျှမ်းသံတော်ဆင့်အား ပြောသည်။

အဆိုပါအထက်တန်းကျောင်းသားကလေးများအား ထုံဆေးပေးပြီးတက်တူးဖျက်ပေးနေသည်မှာ စစ်မှုမထမ်းမနေရ စနစ်အတွက် ကြိုတင်ပြင်ဆင်ခြင်းလော-ဟုလည်းကျောင်းသားမိဘတချို့နှင့်ဆရာ ဆရာမတချို့ကပြောဆိုနေကြသည်။

“ကျနော့်အမြင်တော့ မကြာသေးခင်က ပြဌာန်းထားတဲ့ နိုင်ငံသားအားလုံး အသက် ၁၈ နှစ် ပြည့်သူတိုင်း စစ်မှု မထမ်းမနေရကိစ္စနဲ့ပတ်သက်နိုင်တယ်။ မြန်မာ့တပ်မတော် စစ်ရာထူးခန့်ချုပ်ဆိုင်ရာ စည်းမျဉ်းမှာ တက်တူး ထိုးထားသူ ပါဝင်ခွင့်မရှိဘူးလေ တပ်မှာ။ ဘာဘဲဖြစ်ဖြစ်ကျောင်းသားမိဘနဲ့အရင်ဆုံးတိုင်ပင်သင့်တယ်။ ကျောင်းဆောင်ပုဒ်ကိုက မိဘ ဆရာ ပူးပေါင်း ကလေးပညာကောင်းမဟုတ်လား။ ”- ဟု ကလေးဖခင်တဦးက သျှမ်းသံတော်ဆင့်သို့ပြောသည်။

တောင်ကြီးမြို့တွင် အခြေခံအထက်တန်းကျောင်း (အထက) ကျောင်း ရ ကျောင်း ရှိသည့် အနက် အထက ၅ တွင် ပထမ ဦးဆုံး တက်တူးဖျက်ခြင်း အစီအစဉ်လုပ်နေသည်ဟု ကြားသိရကြောင်း၊ အခြားကျောင်းများ ထိုကဲ့သို့ ပြုလုပ်ခြင်းမရှိ သေး ကြောင်း ကျောင်းသားမိဘ များကပြောကြားသည်။

သျှမ်းသံတော်ဆင့်/ဟွမ်ဟိန်း
http://burmese.panglong.org

No comments:

Post a Comment

Blog Archive

Tags

Accident Ad Agriculture Article Astrology Aung San Suu Kyi Bagan Beauty Bogale Book Car Cartoon celebs Crime Crony Daily Popular Danubyu Dedaye Dhamma Dr Hla Myat Thway Education ELection Entertainment Environment Foreign Affairs General General Aung San General Knowledge Gossip Gov Health Herbal Hinthada History Hluttaw Ingapu Interview Job Kangyidaunt kyaik Lat Kyangin Kyaunggon Kyonpyaw Latputta Laymyethna Lemyethna Letter Ma Shwe Moe Mahn Johnny Maubin Mawlamyinegyun Media MMP MMP 1 money Myan Aung Myanmar Idol Myaungmya Myo Min Paing News Ngapudaw Ngathaingchaung NLD Nyaung Tone Opinion Pagoda Pantanaw Party Pathein People Photo Places Poem Police Politic Political Prisoner Popular Project Pyapon Quote School Bus Song Speech Sport Sports Student SYW SYW 1 Technology Thabaung Time Ayeyar Tourism Trailer Travel U Ba Hein U Ko Ni U Kyaw Myint U Win Htay USDP Video Wakhama Weather World News Yekyi Zalun စိတ်အဟာရ ရသစာများ စိုက်ပျိုးရေး ထူးဆန်းထွေလာ ဒီရေတော နာရေး ဗဒေငျ မဘသ မုံရွာ လယ်သိမ်းမြေသိမ်း လူပုဂ္ဂိုလ်များ လူပျောက်ကြော်ငြာ အရှင်သုစိတ္တ (မော်ကျွန်း) အရှင်သုစိတ္တ (မော်ကျွန်း) ဆရာတော် အထွေထွေ ဝေဖန်ရေး ထွေအုပ် ​မော်​တင်​စွန်း နိုင်ငံရေးအကျဉ်းသား

Labels

Recent Post