နေပြည်တော် ၊ ၂၀၁၇ နိုဝင်ဘာ ၈ ရက်
မီတာ ဖတ်ရာတွင်၊ မီတာခများ ကောက်ခံရာတွင် မှန်မှန်ကန်ကန် ဖြစ်ရေးအတွက် ၀န်ကြီးဌာနအနေနဲ့  ကြပ်မတ်ပေးဖို့  လိုအပ်ကြောင်း ပြည်သူ့  လွှတ်တော် ဥက္ကဋ္ဌ ဦးဝင်းမြင့်က ယနေ့  ပြည်သူ့  လွှတ်တော် အစည်းအဝေးတွင် ပြောကြားခဲ့သည်။
“မီတာ ခန့် မှန်းကောက်တာ ရှိရင် တိတိကျကျ တိုင်ပါ၊ မှန်မှန်ကန်ကန် အရေးယူမယ်လို့  ၀န်ကြီး ဌာနက ပြောထားတာ ရှိပါတယ်၊ ပိုမိုတိကျအောင် Digital စက်နဲ့  မီတာဖတ်စနစ်ကို တစ်နိုင်ငံလုံး အတိုင်းအတာအထိ မလုပ်ပေးနိုင်သေးတဲ့ အခြေအနေမှာ မူလ လည်ပတ်လို့  ဖတ်တဲ့ စနစ်နဲ့  မီတာ ဖတ်တဲ့ အခါမှာလည်း မှန်မှန်ကန်ကန်တော့ ဖြစ်ဖို့ လိုတယ်၊ မှန်မှန်ကန်ကန် ဖြစ်ဖို့ ဆိုရင်လည်း လက်တွေ့ ကျကျ ကိုယ်တိုင်ကိုယ်ကျ သွားကောက်ဖို့ တော့ လိုတယ်၊ ဒီ …. မကောက်တဲ့ အခြေ အနေတွေက ရှိပါတယ်၊ ဒါကို အားလုံးလည်း သိနေကြပါတယ်၊ ဒါကိုတော့ ၀န်ကြီးဌာနအနေနဲ့  ကြပ်မတ်ပေးဖို့  လိုအပ်ပါတယ်”ဟု ၎င်းက ပြောခဲ့သည်။
သံဖြူဇရပ် မဲဆန္ဒနယ် ပြည်သူ့ လွှတ်တော် ကိုယ်စားလှယ် ဦးဥာဏ်ဟိန်း၏ “အစိုးရ ၀န်ထမ်းများ အားနည်းချက်ကြောင့် ဖြစ်ပွားရသော မီတာခများ အကြွေးတင် ကျန်ရှိနေခြင်းအပေါ် မည်သို့  ဖြေလျှော့ပေးနိုင်မည်နည်း၊ မီတာခ ခန့် မှန်းကောက်ယူမှုဖြင့် ၀န်ထမ်းများ တာဝန်မကျေမှုကို မည်သို့  အရေးယူ ပြုပြင် ကုစားမည်နည်း” ဟူသော မေးခွန်းကို လျှပ်စစ်နှင့် စွမ်းအင် ၀န်ကြီးဌာန ဒုတိယ ၀န်ကြီး ဒေါက်တာထွန်းနိုင်က ဖြေကြားအပြီးတွင် ပြည်သူ့  လွှတ်တော် ဥက္ကဋ္ဌက ပြောကြားခဲ့ခြင်း ဖြစ်သည်။
ဒုတိယ၀န်ကြီး ဒေါက်တာ ထွန်းနိုင်က “မီတာတွေ ခန့် မှန်း ဖတ်ရှုခြင်းနဲ့  မီတာခ ခန့် မှန်း ကောက်ခံ ခြင်းကြောင့် မီးသုံးသူတွေအပေါ် ၀န်ထုပ် ၀န်ပိုး မဖြစ်လာအောင် ကြိုးပမ်း ဆောင်ရွက်နေပါတယ်။ ပထမအချက်က မီးသုံးသူ ဦးရေနဲ့  အချိုးညီ တဲ့ မီတာဖတ်စာရေးတွေ ခန့် ထား ဆောင်ရွက်နိုင်ခွင့် ရရှိရေးကို အဆင့်ဆင့် တင်ပြ တောင်းခံလျက် ရှိပါတယ်။
ဒုတိယအချက်အနေနဲ့ က မူလက အ၀ိုင်းပြားလေး လည်နေတဲ့ Analogue မီတာတွေ အစား ပိုပြီးတိကျတဲ့ စက်နဲ့ ဖတ်တဲ့ Digital မီတာတွေ အဖြစ် ပြောင်းလဲ ဆောင်ရွက်နေတာ ရှိပါတယ်၊ သို့ သော် တစ်နိုင်ငံလုံးကို ပြောင်းလဲနိုင် ဖို့ က ရရှိတဲ့  ဘတ်ဂျက်နဲ့  အဆင့်အလိုက်ပဲ ဆောင်ရွက်နေတာ ဖြစ်ပါတယ်။ ဓာတ်အား ကောက်ခံ တာကိုလည်း computer bill စနစ် သုံးပြီး အဂတိ လျော့နည်းအောင် ကောက်ခံနေပါတယ်။ မီတာဖတ် စာရေးတွေက မီတာ လာ မဖတ်ဘူးဆိုရင် မီးသုံးသူအနေနဲ့  မြို့ နယ် လျှပ်စစ် အင်ဂျင်နီယာ ရုံးကို တိုင်ကြားနိုင်ကြောင်းလည်း အသိပေးထားပါတယ်။ မီတာ လိုဖတ် ပိုဖတ် ခန့်မှန်းဖတ်တဲ့ ၀န်ထမ်းတွေကို နိုင်ငံ့ဝန်ထမ်း ဥပဒေ အခန်း (၁၉) အပိုဒ် ၂၁၀ အရ အရေးယူ ဆောင်ရွက်ထားတာ တွေ ရှိပါတယ်” ဟု ဖြေကြားခဲ့သည်။
-----------------------------------------------
Credit
Post - Xinhua Myanmar News
Photo - Pyihu Hluttaw
No comments:
Post a Comment