ကျောက်ဖြူအထူးစီးပွားရေးဇုန်စီမံကိန်းအတွက် သိမ်းဆည်းခံရသည်လယ်ယာမြေများနှင့်ပတ်သက်ပြီးလယ်တစ်ဧကကျပ်သိန်း၉၀၀၊ဥယျာဉ်ခြံမြေတစ်ဧကကိုကျပ်သိန်း၇၀၀နှင့်စားကျက်မြေတစ်ဧကကိုကျပ်သိန်း၅၀၀ကို လယ်သမားများက ဒုသမ္မတထံ တောင်းဆိုခဲ့ကြောင်းသိရသည်။
ကျောက်ဖြူအထူးစီးပွားရေးဇုန်စီမံကိန်းအတွက်သိမ်းဆည်းခံရသည့်လယ်သမားခေါင်းဆောင်များကကျောက်ဖြူလေဆိပ်ခန်းမတွင်နိုဝင်ဘာ၎ရက်နေ့ကဒုသမ္မတနှင့်တွေ့ဆုံစဉ်ယခုကဲ့သို့တင်ပြတောင်းဆိုခဲ့ကြခြင်းဖြစ်သည်။
''ကျောက်ဖြူအထူးစီးပွားရေးဇုန်စီမံကိန်းအတွက်ဆိုပြီးကျွန်တော်တို့ဆီကသိမ်းဆည်းထားတဲ့လယ်ယာမြေတွေကိုလျော်ကြေးတွေပေးဖို့နောက်ပြီးရွှေပြောင်းရမယ့်နေအိမ်တွေကိုအဆင့်မိမိတည်ဆောက်ပေးဖို့နဲ့တခြားလိုအပ်ချက်တွေကိုတင်ပြတောင်းဆိုတာပါ။ ဒုသမ္မတကတော့ဘာမှမပြောဘူး။ဒါပေမယ့်ဒုသမ္မတနဲ့လိုက်ပါလာတဲ့ပြည်နယ်ဝန်ကြီးချုပ်ဦးညီပုကဘာမှမပူနဲ့၊မဖြစ်ဖြစ်အောင်လုပ်ပေးမယ်ဆိုပြီးကတိပေးသွားပါတယ်''ဟုဒုသမ္မတနှင့်တွေ့ဆုံရာတွင်ပါဝင်သည့်လယ်သမားခေါင်းတစ်ဦးကသတင်းမီဒီ၊ယာများကိုပြောသည်။
ဒုသမ္မတနှင့်တွေ့ဆုံသည့်လယ်သမားကိုယ်စားလှယ်၅ဦးမှာဦးသိန်းတန်၊ဦးကျန်လူ၊ ဦးစောမောင်နု၊ဦးထွန်းဦးနှင့်ကိုလှသိန်းတို့ဖြစ်ကြသည်။
ယခင်ကအထူးစီးပွားရေးဇုန်အတွက်လယ်မြေဧက၄၂၈၀သိမ်းယူရန်စီစဉ်ခဲ့သော်လည်းယခုစတင်တည်ဆောက်ချိန်တွင်ဧက၂၅၀ကိုသိမ်းယူမည်ဖြစ်ကြောင်းသိရသည်။ သို့သော်လည်းယခုကျောက်ဖြူတွင်တည်ဆောက်မည့်စီးပွားရေးဇုန်အပါအ၀င်ရခိုင်တွင်ပြုလုပ်မည့်နိုင်ငံတကာရင်းနှီးမြှပ်နှံများကိုလောလောဆယ်တွင်ရပ်ဆိုင်းထားရန်မာန်အောင်တွင်ပြုလုပ်သည့်ရခိုင်သယံဇာတနှင့်သဘာဝပတ်ဝန်းကျင်ဆိုင်ရာကွန်ရက်အစည်းအဝေးကလည်းတောင်းဆိုထားသည်။
ကျောက်ဖြူအထူးစီးပွားရေးဇုန်စီမံကိန်းကိုစတင်အကောင်အထည်ဖော်ရန်ပြင်ဆင်နေပြီဖြစ်ပြီးအမြန်ဆုံးအကောင်အထည်ဖော်နိုင်ရန်အတွက်ဒုသမ္မတနှင့်တာဝန်ရှိသူများကစီမံကိန်းတည်နေရာကိုနိုဝင်ဘာ၎ရက်နေ့ကနေ့ချင်းပြန်သွားရောက်ကြည့်ရှုခဲ့ခြင်းလည်းဖြစ်သည်။
ကျော်လင်းနိုင်(တိုင်းဧရာ)
No comments:
Post a Comment