အန္တရာယ်ရှိ အဆောက်အအုံအဖြစ် သတ်မှတ်ထားသော သားဖွားဆောင်ကို အသုံးပြုနေရ

စလေ - နိုဝင်ဘာ 7

စလေတိုက်နယ်ဆေးရုံ၌ ဆေးရုံအဆောက်အအုံနေရာ အခက်အခဲကြောင့် အန္တရာယ်ရှိ အဆောက်အအုံအဖြစ် သတ်မှတ်ထားပြီးဖြစ်သည့် သားဖွားဆောင်ကို လက်ရှိအချိန်အထိ ဆက်လက်အသုံးပြုနေရဆဲဖြစ်ကာ လူနာများ ဘေးအန္တရာယ်ကင်းရှင်းရေးအတွက် အဆောက်အအုံသစ်တစ်ခု အမြန်ဆုံးရရှိရန် လိုအပ်လျက် ရှိကြောင်း သိရသည်။

စလေတိုက်နယ်ဆေးရုံ ဆရာဝန်ကြီး ဒေါက်တာ ဒေါ်ခင်မာရင်က အဆိုပါ သားဖွားဆောင်ကို ၂ဝ၁၆ ခုနှစ် သြဂုတ်လမှစ၍ အန္တရာယ်ရှိ အဆောက်အအုံအဖြစ် သတ်မှတ်ထားခြင်းဖြစ်သော်လည်း လူနာများထားရှိရန် နေရာအခက်အခဲကြောင့် အဆိုပါသားဖွားဆောင်ကို ဆက်လက်အသုံးပြုနေရကြောင်း ပြောကြားသည်။ ''ကျွန်မတို့ရဲ့ ဆေးရုံမှာလည်း လူနာအနေထားအရ ၁၆ ခုတင်ဆံ့ ဆိုပေမယ့် လူနာက နှစ်ဆယ်ကျော်၊ သုံးဆယ်လောက်အထိ ရှိနေပါတယ်။ အဲဒါကြောင့် လူနာထားဖို့ အခက်အခဲရှိနေတာကြောင့် ဒီအက်ကွဲနေတဲ့ အဆောက်အအုံကိုပဲ လူနာထားပြီး သုံးနေရတာပါ''ဟု ဆရာဝန်ကြီးက ဆက်ပြောသည်။

ပြီးခဲ့သည့် ၂ဝ၁၆ ခုနှစ် သြဂုတ်လက ချောက်မြို့အနီးကို ဗဟိုပြု၍ လှုပ်ခတ်သွားခဲ့သော အင်အား ၆ ဒသမ ၈ ပြင်းအားရှိ ငလျင်ကြောင့် ဒေသရှိ ရှေးဟောင်းစေတီပုထိုးအချို့ ပျက်စီးခြင်းနှင့်အတူ သက်တမ်းရင့် အဆောက်အအုံ တစ်ခုဖြစ်သည့် အဆိုပါ သားဖွားဆောင်မှာလည်း အုတ်နံရံများ အက်ကွဲသွားခဲ့ခြင်း ဖြစ်ကြောင်း စလေမြို့ ဖွံ့ဖြိုးတိုးတက်ရေးကော်မတီမှ အတွင်းရေးမှူး ဦးမောင်မောင်ဝင်းက ဆိုသည်။ ယခုလက်ရှိတွင် အန္တရာယ်ရှိ အဆောက်အအုံအဖြစ် သတ်မှတ်ထားပြီးဖြစ်သည့် ယင်းသားဖွားဆောင်ကို မြို့နယ်ဆရာဝန်ကြီး၏ ညွန်ကြားချက်ဖြင့် ဖျက်သိမ်းခွင့် လျှောက်ထားကြောင်းလည်း အတွင်းရေးမှူးထံမှ သိရသည်။

ချောက်မြို့နယ် အမှတ်(၂) မဲဆန္ဒနယ်မှ တိုင်းဒေသကြီး လွှတ်တော်ကိုယ်စားလှယ် ဦးစိုးဝင်းကလည်း အဆိုပါ ယိုယွင်းပျက်စီးနေသည့် စလေတိုက်နယ်ဆေးရုံ သားဖွားဆောင်အတွက် အစိုးရအဖွဲ့မှ ကူညီပံ့ပိုးပေးရန် လွှတ်တော်တွင် မေးမြန်းခဲ့ရာ တိုင်းဒေသကြီး ကျန်းမာရေးဝန်ကြီးက လာရောက်ကွင်းဆင်း လေ့လာခဲ့ပြီး ၂ဝ၁၇ -၂ဝ၁၈ ဘဏ္ဍာနှစ်အတွင်း ပြင်ဆင်ဆောင်ရွက်ပေးမည်ဟု ဝန်ကြီးက ပြောဆိုခဲ့ကြောင်း ဝန်ကြီး၏ ပြောကြားချက်ကို ကိုးကား၍ ရှင်းပြသည်။

''ဝန်ကြီးကိုယ်တိုင်က ဒီအဆောက်အအုံဟာ မိုးရက်ရှည် ရွာသွန်းတဲ့အခါမျိုးမှာဆိုရင် အန္တရာယ်ဖြစ်နိုင်တယ်လို့ ဆိုသော်ငြားလည်း ကျွန်တော်တို့မှာ ဒီဖွားခန်းနဲ့ လူနာဆောင်ကိုမှ မသုံးရင် အခြားသုံးစွဲစရာနေရာ မရှိတဲ့အတွက် ဒီအဆောက်အအုံမှာပဲ အခုလို သုံးစွဲနေရခြင်းဖြစ်ပါတယ်''ဟု တိုင်းဒေသကြီး လွှတ်တော်ကိုယ်စားလှယ်က ဆက်လက်ပြောကြားသည်။

အဆိုပါ ၁၆ ခုတင်ဆံ့ စလေတိုက်နယ်ဆေးရုံမှာ လမ်းပန်းဆက်သွယ်ရေး ကောင်းမွန်သဖြင့် ဆေးရုံတွင် လူဦးရေ နှစ်သောင်းနီးပါးရှိသည့် စလေတိုက်နယ်ထဲမှ ဒေသခံ လူနာများသာမက စလင်း၊ ပခန်းငယ်၊ ကျောက်ရဲ စသည့် ပတ်ဝန်းကျင်ဒေသများမှ လူနာများပါ လာရောက်ကုသကြသောကြောင့် တိုက်နယ်ဆေးရုံတွင် လက်ခံနိုင်သည့် လူနာအရေအတွက်ထက် လာရောက်ပြသသည့် လူနာဦးရေက ပိုများနေလျက်ရှိကြောင်း သိရသည်။

ဟံသာလင်း
Myanmar Digital News
https://www.facebook.com/MyanmarDigitalNews