Latest News

Monday, November 27, 2017

ဝှီးချဲယားပေါ်က ကုလသမဂ္ဂ


(အဆိုပါ ဆောင်းပါးအား N.S. Venkataraman ဆိုသူက Eurasia Review စာစောင်တွင် ရေး
သားထားခဲ့ခြင်း ဖြစ်သည်)
စီးပွားရေး အရရော နည်းပညာအရပါ သူမသာကိုယ်မသာ ရှိနေကြသော ဖွံ့ဖြိုးမှု မရှိလှသေးသည့် နိူင်ငံ နှစ်ခုက ထူးခြား ပြောင်မြောက်လှစွာ ဖြင့် အမျော်အမြင်ရှိရှိ နားလည်မှုများဖြင့်ဒုက္ခသည်များ ပြန်ပို့နိူင်ရေးကို သဘောတူညီချက် ရရှိအောင် ပြုလုပ်နိူင်ခဲ့ကြပေသည်။

သို့သော် ကမ္ဘာ၏ အခြားသော အစိတ်အပိုင်းများတွင်ကား နည်းပညာအရရော စီးပွားရေးအရပါ ၎င်းနှစ်နိူင်ငံထက် အစစ အရာရာ သာလွန်နေကြသော နိူင်ငံများက တိုက်ရိုက်သော်၎င်းသွယ်ဝိုက်၍သော်၎င်း ပဋိပက္ခ များ အတွင်းပါဝင်နေကြကာ အပြင်းအထန် ခါးခါးသီးသီးစစ်ပွဲများ ဆင်နွဲလျက် ရှိနေကြပေသည်။ ထိုသို့
သော အခါသမာယတွင် အဆိုပါ နှစ်နိူင်ငံကားယဉ်ကျေးသော လူ့အဖွဲ့ အစည်း၏ အပြုအမူများ ဆိုသည်ကား အဘယ်နည်းဟု ပြသနိူင်ခဲ့ကြပေသည်။

ဤသည်ကို ကြည့်ခြင်းအားဖြင့် ကုလသမဂ္ဂဆိုသော အဖွဲ့အစည်းကြီးသည် ထိုသို့သော ပဋိပက္ခများအား ဘာတခုမျ မဖြေရှင်းနိူင်သော အဖြစ်ကား လယ်ပြင်တွင် ဆင်သွားသလို ထွက်ပေါ်လာခဲ့ရပေတော့သည်။ ကုလသမဂ္ဂ အနေဖြင့်ယခုအခါ အဆိုပါ ပဋိပက္ခများအား အမြင်ချင်းဖလှယ်ရာ နေရာ။ ကာယကံရှင် နိူင်ငံများ နားမခံသာသည့် မှတ်ချက်များ ပေးရာ အစည်းအဝေး ခမ်းမ တခုအဖြစ် အဆင့်လျောကျ လာနေခဲ့
ရပေတော့သည်။ ယခု ဘင်္ဂလားဒေ့ရ်ှနှင့် မြန်မာတို့ သဘောတူညီချက် ရရှိခဲ့မှုတွင်လည်း ကုလသမဂ္ဂ၏ အထောက်အပံ့ အကူအညီ တခုမှ မပါဝင်ခဲ့ပေ။

ကုလသမဂ္ဂ၊ အမေရိကန်နှင့် အခြားသော နိူင်ငံများက မြန်မာအား လူမျိုးရေး သန့်စင်သည့် လုပ်ရပ်ဟုဆိုကာ ပြစ်တင်ရှုတ်ချနေကြ သော်လည်းအဆိုပါ ပြသာနာများကို ခါးစည်းခံခဲ့ရသောဘင်္ဂလားဒေ့ရ်ှက မြန်မာအပေါ် ဝေဖန်ရာတွင်အထူးပင် သတိထားခဲ့သည်သာမက မြန်မာနှင့်ဆက်သွယ်ရေး.လမ်းကြောင်းကို ဖွင့်လှစ်ထားနိူင်ခဲ့ပေသည်။

ထိုကဲ့သို့ အပြုသဘောဆောင်ပြီး ယဉ်ကျေးစွာချည်းကပ်နိူင်ခဲ့၍လည်း မြန်မာနှင့် ယခုလိုသဘောတူညီချက် ရရှိလာခဲ့ရခြင်းလည်း ဖြစ်ပေသည်။

ကုလသမဂ္ဂ၊ အမေရိကန် နှင့် နိူင်ငံပေါင်းများစွာက ဖြစ်ပျက်နေသော လက်တွေ့ အမှန်တရားများကို လုံးဝ
ဥသုံ နားလည်နိူင်စွမ်း မရှိကြပဲ ရို ဟင်ဂျာ ဆိုသူများကို စစ်ရေးအရ နှိမ်နှင်းခြင်းကိုဝေဖန်ပြစ်တင်ခဲ့ကြယုံမျမက လူ့အခွင့်အရေးသမား ဆိုသူများက နိူင်ငံတော်၏ အတိုင်ပင်ခံဖြစ်သူ ဒေါ်အောင်ဆန်းစုကြည်အား ပေးအပ်ထားသည့် နိူဘဲလ်ဆုကို ပြန်လည်ရုတ်သိမ်းရန် အထိပင် တောင်းဆိုလာခဲ့ကြသည်။

တကယ်တော့ ရိုဟင်ဂျာ ဆိုသည့် ပြသာနာသည် မြန်မာနိူင်ငံအား ပြီးခဲ့သည့် ဆယ်စုနှစ်ပေါင်းများစွာကပင် ချောက်လှန့်နေခဲ့သော ပြသာနာ ဖြစ်ပြီး ဒေါ်အောင်ဆန်းစုကြည် အာဏာရစဉ်မှ ဖြစ်ပေါ်လာခဲ့ခြင်း
မဟုတ်ပေ။

ရိုဟင်ဂျာ ဆိုသည့် လူများနေထိုင်ရာသို့ စစ်သွေးကြွများ စိမ့်ဝင်လာကြပြီး အကြမ်းဖက်လုပ်ရပ်များ ကျုးလွန်လာခဲ့ခြင်းဖြစ်သည်။ ယင်းသည်လူ့ဘောင် အဖွဲ့အစည်း နှစ်ခုအကြား အကျိုးစီးပွားခြင်း ပဋိပက္ခ ဖြစ်မှု၏
ထင်ရှားသော ပြယုဒ်တခုသာ ဖြစ်သည်။

ထို့အပြင် ထိုကဲ့သို့ လူမျိုးစု နှစ်ခုအကြား ပဋိပက္ခ ဖြစ်ပွား လာခဲ့ရသဖြင့် တရားဥပဒေ နှင့်ငြိမ်ဝပ်ပိပြားမှု ကင်းမဲ့လာသည့်အခါ မည်သည့်အစိုးရမဆို အင်အားသုံး၍ ငြိမ်းချမ်းရေးနှင့်သဟဇာတ ဖြစ်မှု ပြန်လည်
ရရှိအောင် ပြု လုပ်ကြမည်သာ ဖြစ်ပေ၏။

ရုရှား၊ အမေရိကန်၊ တရုတ် အပါအ၀င် နိူင်ငံများစွာတွင် ထိုကဲ့သို့ အဓိကရုဏ်းများ ဖြစ်ပွားသည့်အခါတိုင်း အင်အားကို အသုံးပြုခဲ့ကြ စမြဲပင်။မြန်မာစစ်တပ်မှ လက်နက်အင်အား အပြည့်အစုံ မသုံး၍ မရတော့။

ရိုဟင်ဂျာ ဆိုသူများကိုယ်၌က လက်နက်များ တပ်ဆင်လာခဲ့ကြပြီးမီးရှို့ခြင်း လူသတ်ခြင်း အစရှိသည့် လုပ်
ရပ်များကို ကျုးလွန်လာခဲ့ကြသည်။ ၎င်းတို့အား ကမ္ဘာအခြားနေရာများရှိ စစ်သွေးကြွ များနှင့် အကြမ်းဖက် အုပ်စုများကလည်း ထောက်ခံမှု ပေးလာခဲ့ကြပြန်သည်။

မြန်မာနိူင်ငံအတွင်း နေထိုင် ခဲ့ကြသော ရိုဟင်ဂျာ ဆိုသူများက အလွန်တရာ ဆင်းရဲကြသည့်အပြင် ပညာ အခြေခံရှိသုလည်း နည်းပါးလှပေသည်။ အတော်များများက အကြမ်းဖက်သမားများနှင့် မပါတ်သက်
ခဲ့ကြသော်လည်း တိုက်ပွဲများ ဖြစ်ပွားလာသည့်အခါ အသက်လုပြီး တဖက်နိူင်ငံ ရှိရာ ဘင်္ဂလားဒေ့ရ်ှသို့
 ပြေးဝင်ခိုလူံခဲ့ကြရသည်။

ထိုကဲ့သို့ အစုလိုက် အပြုံလိုက် ထွက်ပြေးခဲ့ကြပြီးနောက် သိသာထင်ရှားစွာ ထွက်ပေါ်လာရသည့် အချက်ကတော့ မြန်မာအစိုးရမှ ၎င်းတို့အား ပြစ်ပြစ်ခါခါ မပြုပဲ ပြန်လည်လက်ခံ၍ နေရချထားပေးမည်ဟု လိုလိုလားလား ပြောဆိုလာခဲ့ခြင်းပင် ဖြစ်သည်။ ယင်းသည်ကပင် ကုလသမဂ္ဂမနှင့် အမေရိကန်တို့ ပြောဆိုနေသည့် လူမျိုးရေး သန့်စင်မှုပြု လုပ်နေသည်ဟူသော စွပ်စွဲချက်များကိုချေဖျက် ပြလိုက်ခြင်းပင် ဖြစ်ပေတော့
သည်။

အထူးတလည် အံ့သြတုန်လှုပ်စရာ ဖြစ်ရသည်က တော့ ကုလသမဂ္ဂမှ အဆိုပါ ဒုက္ခသည်များပြန်ပို့ရေး
သဘောတူညီချက်ကို ကြိုဆိုရမည့်အစား စိုးရိမ်မကင်း ဖြစ်ရကြောင်း ပြောဆိုလာခဲ့ကြခြင်းပင် ဖြစ်သည်။
၎င်းတို့မှ ဒုက္ခသည်များ လုံခြုံစိတ်ချစွာ ပြန်လာခွင့်ရရေး ဆိုသော အချက်မပါဝင်ဟု ထောက်ပြလာခဲ့ကြ
သည်။ အဆိုပါ အရေးအား စိုးရိမ်သည်ဆိုငြားအံ့ အဘယ်ကြောင့် သဘောတူညီချက်ရရှိရေး ကြိုးပမ်းမှုများတွင် ဦးဆောင်ပါဝင်ခြင်းမရှိရလေသနည်း။ အခုမှသာ ဘေးမှနေ၍ အပြုသဘောမဆောင်သော ပျက်စီးရာ ပျက်စီးကြောင်း ဖြစ်စေမည့် စကားများကို ပြောဆိုလာကြပေသနည်း။ ယင်းသည်က ကုလသမဂ္ဂ၏အမြတ်တနိူး တန်ဖိုးထားသော ရည်မှန်းချက်များနှင့် ဖီလာဆန့်ကျင်နေရပြီး ၀ီးလ်ချဲယားပေါ်ထိုင်နေရသော ဝေဖန်သူ ဘ၀ရောက်ရှိသွားနေရပေသည်။

မြန်မာ အစိုးရ၏ ရိုဟင်ဂျာ ဆိုသူများအပေါ်ထားရှိသော သဘောထားသည် တရုတ်မှ တိဘက်လူမျုိးများ အပေါ် ထားရှိသော သဘောထားနှင့် သိသာ ထင်ရှားစွာ ကွဲပြားထွက်လာခဲ့သည်ဟု ဆိုရမည်လည်း ဖြစ်သည်။

ယင်းအချက်ကပင် စီးပွားရေး နှင့် စစ်ရေးအရမည်မျပင် ခိုင်မာတောင့်တင်းသော နိူင်ငံဖြစ်ပါစေ ယဉ်ကျေး သော လူ့အသိုင်းအ၀န်း၏ အပြုအမူမျိုး အိမ်နီးချင်း နိူင်ငံတခု အပေါ်ပြသလိမ့်မည်ဟု မျော်လင့်၍ မရဆို
သော အချက်ကို မီးမောင်းထိုးပြလိုက်ခြင်းလည်း မည်ပေသည်။
လှစိုးဝေ

No comments:

Post a Comment