ရခိုင်ပြည်နယ်မြေပုံမြို့ မှာ ၂၄ နာရီ လျပ်စစ်မီးပေး
ရခိုင်ပြည်နယ် မြေပုံ မြို့ပေါ်တွင်အောက်တိုဘာ၁ရက်နေ့မှစတင်ကာမဟာဓာတ်အားလိုင်းမှတဆင့်လျှပ်စစ်မီး၂၄နာရီထုတ်လွှတ်နေပြီဟုမြို့နယ်လျပ်စစ်မှူးဦးဝင်းလှိုင်ကပြောသည်။
'အောက်တိုဘာ၁ရက်နေ့ညနေ၅ခွဲကနေစပြီးပေးပါတယ်။လောလောဆယ်တော့မြေပုံမြို့ပေါ်၉ရပ်ကွက်
ထဲကိုပေးထားတာပါ'ဟု၎င်းကဆိုသည်။
လက်ရှိမြေပုံမြို့ပေါ်တွင်မီတာဘောက်စ်၁၁၆၆လုံးဖြင့်မဟာဓာတ်အားလိုင်းမှတဆင့်လျှပ်စစ်မီးသုံးစွဲ
လျက်ရှိကြောင်းလည်းမြို့နယ်လျှပ်စစ်ရုံးမှသိရသည်။
'လောလောဆယ် မီးလိုင်းတွေမတည်ငြိမ်သေးတော့ဟိုကမှောင်၊ဒီကမှောင်နဲ့အဆင်မပြေသေးဘူး။
သူတို့ပေးတဲ့အချိန်ကနောက်ကျတော့ပြန်ပြင်ချိန်ကမှောင်သွားပြီလေ။ဘာပဲပြောပြောမီးရတာကတော့ကောင်းပါတယ်'ဟုမြေပုံမြို့ရှိဒေသခံဦးဇော်ဇော်လှိုင်ဝင်းကကပြောသည်။
မြေပုံ မြို့အပြင်မြို့နယ်တွင်းရှိကျေးရွာ(၅)ရွာကိုလည်းယခှနှစ်၂၀၁၇နှစ်ကုန်ပိုင်းတွင်စတင်ထုတ်လွှတ်ပေး
နိုင်ရန်ဆောင်ရွက်လျက်ရှိကြောင်းမြို့နယ်လျှပ်စစ်ရုံးမှသိရသည်။
မြေပုံအပါအ၀င်ရခိုင်ပြည်နယ်ရှိမြို့အများစုမှာမဟာဓာတ်အားလိုင်းနှင့်အခြားဓာတ်အားလိုင်းမှာတဆင့်လျှပ်စစ်မီး၂၄နာရီရရှိနေပြီဖြစ်ပြီးမောင်တာ၊ဘူးသီးတောင်၊ရသေ့တောင်၊ပေါက်တော၊ရမ်းဗြဲနှင့်မာန်အောင်
မြို့များမရသေးကြောင်းလည်းသိရသည်။
ကျော်လင်းနိုင်
No comments:
Post a Comment