Latest News

Wednesday, October 4, 2017

သီတင်းကျွတ်ပိတ်ရက် အမြန်လမ်းမကြီး တလျှောက် လုံခြုံရေးနှင့် အကူအညီပေးနိုင်ရေးတို့ အတွက် အမြန်လမ်းရဲတပ်ဖွဲ့မှ (၂၄)နာရီအင်အားအပြည့်သုံးပြီးဆောင်ရွက်ထား

သီတင်းကျွတ်ပိတ်ရက် အမြန်လမ်းမကြီး တလျှောက် လုံခြုံရေးနှင့် အကူအညီပေးနိုင်ရေးတို့  အတွက်  အမြန်လမ်းရဲတပ်ဖွဲ့မှ (၂၄)နာရီအင်အားအပြည့်သုံးပြီးဆောင်ရွက်ထား

နေပြည်တော် အောက်တိုဘာ  ၃

အောက်တိုဘာလ(၄)ရက်မှ(၈)ရက်နေ့အထိ သီတင်းကျွတ်ရက်ရှည်ပိတ်ရက်များအတွင်း ခရီးသွားကြမည့် ပြည်သူများအတွက် လုံခြုံမှုနှင့် ဘေးအန္တရယ်ကင်းရှင်းရေးတို့အတွက် အမြန်လမ်းမကြီးရဲတပ်ဖွဲ့မှ လိုအပ်သည့် ကြိုတင်ပြင်ဆင်မှုများနှင့် (၂၄)နာရီ အကူအညီပေးနိုင်ရေးတို့အတွက် တပ်ဖွဲ့အင်အားကို အပြည့်သုံးပြီး ဆောင်ရွက်ထားကြောင်းသိရသည်။

သီတင်းကျွတ်ပိတ်ရက် အတွင်း အမြန်လမ်းမကြီး တလျှောက် လုံခြုံရေးနှင့် အကူအညီပေးနိုင်တပ်ဖွဲ့ဝင်အင်အား(၅၀၀)ကျော်ဖြင့် (၂၄)နာရီ အကူအညီပေးနိုင်ရေးအတွက်လှည့်ကင်း၊ရပ်ကင်းများဆောင်ရွက်ထားကြောင်းသိရသည်။

"အဓိကက ယာဉ်အသွားအလာများတဲ့အချိန်ဖြစ်တာကြောင့် ယာဉ်မတော်တဆမှုတွေမဖြစ်အောင်ပညာပေးတာတွေ စစ်ဆေးအရေးယူတာတွေလုပ်နေပါတယ်၊ဒါကတပိုင်းပါ၊နောက်တပိုင်းက အရေးပေါ်အကူအညီပေးရေးပါ၊အက်စီးဒင့် တစ်ခုဖြစ်လာတာနဲ့ သက်ဆိုင်ရာအပိုင်နယ်မြေ ရဲကင်းစခန်း အပြင်ဘေးဘယ်ညာ(၂)ခုကပါ ချက်ချင်းလူကယ်၊ယာဉ်ရှင်းကိစ္စတွေကိုအချိန်မဆိုင်းဘဲလုပ်ပါတယ်၊နောက်ဆုံးကျမှ အရေးယူမှုက လုပ်တာပါ"ဟု အမြန်လမ်းမကြီးရဲတပ်ဖွဲ့ (နေပြည်တော်)မှ အကြီးတန်းအရာရှိတစ်ဦးကဆိုသည်။

အမြန်လမ်းမကြီး တလျှောက်တွင် ရဲကင်း၊ရဲစခန်းများအားလုံး၌ တပ်ဖွဲ့ဝင်များကို အသင့်အနေအထားဖြင့် လုံခြုံရေးအကူအညီပေးရေးကိစ္စများကိုစီစဉ်ထားကြောင်းသိရသည်။ယာဉ်မောင်းသူများအနေဖြင့်လည်း သတ်မှတ်ထားသည့် ကီလိုများအတိုင်းသာမောင်းနှင်ကြရန်၊ထိုင်ခုံခါးပါတ်များပါတ်ကြရန်နှင့်အချက်ပြစနစ်ကို မှန်ကန်စွာ အသုံးပြုကြရန် အထူးလိုအပ်ကြောင်း အမြန်လမ်း တပ်ဖွဲ့မှ တိုက်တွန်းထားသည်။

ညအချိန် အမြန်လမ်းမကြီးကိုအသုံးပြုမောင်းနှင်ကြပါကလည်း ယာဉ်ကိုအနားပေးလိုသည်ဖြစ်စေ၊ခေတ္တအနားယူလိုကြသည်ဖြစ်စေ ယာဉ်ရပ်နားစခန်းများ(သို့မဟုတ်)နီးစပ်ရာ ရဲကင်းရဲစခန်းများရှေ့တွင်သာ ရပ်နားကြဖို့ အမြန်လမ်းတပ်ဖွဲ့မှ အကြံပြုထားသည်။

ထို့အပြင်အမြန်လမ်းမကြီးကိုအသုံးပြုမည့်ယာဉ်များအနေဖြင့် မောင်းနှင်ခွင့်ရှိသည့် ကီလိုသတ်မှတ်ချက်များပြောင်းလဲထားသည်ကိုသတိပြုကြရန်လိုသည်။တစ်နာရီလျှင် ခရီးသည်တင်ယာဉ်ကြီးများအတွက် (၉၀)ကီလို၊အိမ်စီးကားများအတွက်ကီလို(၁၀၀)၊မီနီထရပ်နှင့်လိုက်ထရပ်ယာဉ်များအတွက် ကီလို(၆၀)သာအများဆုံးမောင်းနှင်ခွင့်ပြုထားသည်။သတ်မှတ်ကီလိုထက်ကျော်လွန်မောင်းနှင်ပါက ဒါဏ်ငွေ(၅၀၀၀၀)ကျပ်ပေးဆောင်ရမည်ဖြစ်သည်။

အောင်ပြည့်စုံ
Popular News

No comments:

Post a Comment

Blog Archive