ရန်ကုန်၊ စက်တင်ဘာ ၂၆
ရန်ကုန်တိုင်းအစိုးရမှအဖွဲ့အနေနှင့် ယာဉ်ကြောကြပ်တည်းမှုကိုဖြေရှင်းနိုင်ရန်အတွက် တက္ကစီအရေအတွက်ကို လျှော့ချရန်စီစဉ်နေပြီး ရာသက်ပန်တက္ကစီများကိုသာ ဆက်လက်ပြေးဆွဲခွင့်ပေးမည်ဆိုသည့်သတင်းများကြောင့် အက္ခရာနံပါတ်အနီ တက္ကစီပိုင်ရှင်များအတွက် စိုးရိမ်ပူပန်မှုများ ဖြစ်ပေါ်လျက်ရှိနေသည်။
ရန်ကုန်မြို့ရှိ တက္ကစီယာဉ်မောင်း ကိုကျော်က"ကျနော်ကားလေးက နံပါတ်အနက်ကို အနီပြောင်းထားတာပါ ၊တကယ်လို့ ဆွဲမရတော့ဘူးဆိုရင်ကျနော်တို့လို လူတွေအတွက်ဒုက္ခရောက်ပါပြီ"ဟု သူ့အခက်အခဲကိုပြောခဲ့သည်။
ရန်ကုန်တိုင်းအတွင်းတွင် တက္ကစီအစီးရေစုစုပေါင်း ခြောက်သောင်းခြောက်ထောင်ကျော်အထိရှိနေပြီး နယ်လိုင်စင်ကားများကလည်း တက္ကစီအဖြစ်ပြေးဆွဲလျက်ရှိနေသည်။ထိုကြောင့်ရန်ကုန်တိုင်းအစိုးရအဖွဲ့မှ လိုအပ်သလောက်တက္ကစီအရေအတွက်သာ ပြေးဆွဲခွင့်ပြရန်စီစဉ်နေခြင်းဖြစ်သည်။
ရန်ကုန်တိုင်းဒေသကြီးအစိုးရအဖွဲ့မှ တာဝန်ရှိသူတစ်ဦးကမူ"ဝန်ကြီးချုပ်က ရန်ကုန်တိုင်းထဲကတက္ကစီအစီးရေကို ကန့်သတ်မယ်ဆိုပေမယ့် နယ်လိုင်စင်တွေကိုပိတ်မှာလား၊အက္ခရာနံပါတ်ကားတွေပိတ်မှာလားဆိုတဲ့ ဆုံးဖြတ်ချက်တစ်စုံတစ်ရာ မချရသေးသလို အသေးစိတ်တွက်ချက်နေတုန်းပါ၊တကယ်လဲ တက္ကစီတွေဖောင်းပွနေတာကအမှန်ပါ"ဟုဆိုသည်။
ရန်ကုန်တိုင်းအတွင်း ပြေးဆွဲခွင့်ပြုထားသည့် စုစုပေါင်းတက္ကစီအရေအတွက်မှာ(၆၆၆၈၅)စီးအထိရှိပြီး အက္ခရာနံပါတ်အနက်မှ အနီပြောင်းထားသည့် တက္ကစီအရေအတွက်မှာ(၂၆၂၆၅)စီးရှိနေသည်။ထိုကြောင့်ရာသက်ပန်
(AA/BB)မဟုတ်သည့် အက္ခရာနံပါတ်တက္ကစီပိုင်ရှင်များမှာ စိုးရိမ်ပူပန်မှုများ ဖြစ်ပေါ်နေသည်။
အောင်ပြည့်စုံ
Popular News
No comments:
Post a Comment