မန္တလေး၊ ဩဂုတ် ၂၄ – အိန္ဒိယက ပဲတင်သွင်းခွင့်ကန့်သတ်လိုက်တဲ့အတွက် ဈေးကွက်မတည်ငြိမ်ဖြစ်နေတဲ့ ပဲစင်းငုံဟာ မုံရွာကုန်စည်ဒိုင်မှာတော့ ပိဿာ ၂၀ တစ်အိတ်ကို နှစ်ရက်အတွင်း ကျပ် ၅၀ဝ ခန့်ဈေးတက်လာပါတယ်။
မုံရွာမြို့က ဒေသခံကုန်သည်တစ်ဦးကတော့ အရောင်းအဝယ်ကတော့ဖြစ်နေတာပဲ၊ ဈေးလဲတက်တယ်၊ တခြားနယ်ကကုန် သည်တွေကလဲ ဝယ်ဖို့ကမ်းလှမ်းကြတာတွေရှိတယ်လို့ ပြောပါတယ်။
မုံရွာကုန်စည်ဒိုင်မှာ ပဲစင်းငုံပိဿာ ၂၀ တစ်အိတ်ကို အခုလ ၂၂ ရက်နေ့က ကျပ် ၁၄,၂၀ဝ ခန့်သာရှိတယ်။ သည်နေ့မှာတော့ ကျပ် ၁၄,၇၀ဝ ခန့်အထိဖြစ်လာတယ်။ သည်နေ့ဆိုရင် အိတ် ၅၀ဝ ခန့်အရောင်းအဝယ်ဖြစ်ခဲ့တယ်လို့ မုံရွာကုန်စည်ဒိုင်က သိရပါတယ်။
ပဲဈေးကွက်တည်ငြိမ်ရေးအတွက် အခုလ ၂၂ ရက်နေ့က ရန်ကုန်မြို့ ဘုရင့်နောင်ကုန်စည်ဒိုင်မှာအရေးပေါ်အစည်းအဝေးပြု လုပ်ခဲ့တယ်။ ပဲဈေးကွက်ယာယီနားဖို့ဆုံးဖြတ်ခဲ့ကြပေမဲ့ မုံရွာကုန်စည်ဒိုင်ကတော့ အရောင်းအဝယ်ကို ကန့်သတ်တားတာ မရှိသေးပါဘူး။
မုံရွာမြို့ ကုန်သည်တစ်ဦးက ‘ဒီမှာကတော့ကြာဆံသမားတွေလဲဝယ်တယ်၊ လှောင်လက်သမားတွေလဲဝယ်တယ်၊ တောင်သူတွေလဲဈေးလာဖြတ်ကြပြီ၊ ပေါက်ဈေးနဲ့ကတော့အရောင်းအဝယ်ဖြစ်နေတာပဲလို့ ပြောပါတယ်။
ပဲဈေးကွက်မတည်ငြိမ်တဲ့အတွက် ရန်ကုန် ဘုရင့်နောင်ကုန်စည်ဒိုင်၊ မန္တလေးကုန်စည်ဒိုင်၊ ပခုက္ကူကုန်စည်ဒိုင်၊ မြင်းခြံကုန် စည်ဒိုင်တို့ကတော့ ယာယီအရောင်းရပ်နားထားကြပါတယ်။
ခေမဏီ(Kumudra)
No comments:
Post a Comment