Latest News

Saturday, July 15, 2017

မြောင်းမြ (MYAUNG MYA)


မြောင်းမြ သည် မွန်စကား “မောင်မလဲ့”မှ ဆင်းသက်လာလေရာ၊ အဓိပ္ပါယ်အားဖြင့် မြရာမြေဟူ၏။ မြရာပင်များ များပြားစွာပေါက်နေသဖြင့် ထိုသို့ အမည်တွင်၏အဆိုရှိသည် ။

ကိုးကွယ် ယုံကြည်မှု ...

မြို့နယ်အတွင်း ဗုဒ္ဓဘာသာ ကိုးကွယ်ယုံကြည်သူ ၈၈ ရာခိုင်နှုန်း ကျော်ရှိသည်။ ခရစ်ယာန်ဘာသာဝင် များမှာ ၆ ရာခိုင်နှူန်း ရှိသည်။ အစ္စလာမ်ဘာသာကိုးကွယ်ယုံကြည်သူ ၂ ရာခိုင်နှုန်းခန့် ရှိသည်။ ကျန်လူဦးရေမှာ ဟိန္ဒူနှင့် အခြား ဘာသာဝင်များ ဖြစ်ကြသည်။

နေထိုင်သည့် လူမျိုးများ ...

မြောင်းမြမြို့နယ်အတွင်း၌ ကချင် ၊ ကယား ၊ ကရင် ၊ ချင်း ၊ မွန် ၊ ဗမာ ၊ ရခိုင် ၊ ရှမ်း စသော တိုင်းရင်းသား လူမျိုးပေါင်းစုံ နှင့် နိုင်ငံခြားသား အချို့တို့ နေထိုင်လျက်ရှိသည်။ ဗမာလူဦးရေ အများဆုံးဖြစ်ပြီး ဒုတိယ အများဆုံးမှာ ကရင်လူမျိုးများဖြစ်ကြသည်။ တရုတ်လူမျိုးမှာ တတိယ အများဆုံးဖြစ်သည်။

မြို့နှင့်ကျေးလက်နေ ဦးရေ ...

မြောင်းမြမြို့နယ်သည် လယ်ယာစိုက်ပျိုးရေးအတွက် လည်းကောင်း ၊ ကူးသန်ရောင်းဝယ်ရေးအတွက် လည်းကောင်း ၊ ရေမြေသဘာဝ အနေအထား ကောင်းမွန်သော ဒေသ ဖြစ်သောကြောင့် လူနေထူထပ်သော မြို့နယ်ဖြစ်သည်။ မြို့နယ်ဖွဲ့စည်းရာတွင် မြို့မ (၁၀) ရပ်ကွက်နှင့် ကျေးရွာအုပ်စုပေါင်း (၁၁၅) အုပ်စု ပါဝင်သဖြင့် မြို့နေ လူဦးရေနှင့် ကျေးလက်လူဦးရေ ကို ခွဲခြားဖော်ပြထားပါသည်။

မြို့နေလူဦးရေ

မြောင်းမြမြို့မတွင် လွန်ခဲ့သော နှစ်ပေါင်း ၁၂၀ ကျော်က လူဦးရေ တစ်သောင်း ကျော်သာရှိခဲ့သည်။ ယခုအခါတွင် မြို့လူဦးရေ တိုးတက်လာခဲ့သည်မှာ အဓိက စီးပွားရေး လုပ်ငန်းဖြစ်သော လယ်ယာထွက် ကုန်ပစ္စည်းများ ပေါကြွယ်မှု ၊ ရန်ကုန်နှင့်ပုသိမ် သွားလာရာ ရေကြောင်းခရီးလမ်းပေါ်တွင် တည်ရှိမှု နှင့် ပြည်သူပိုင် စက်ရုံ ၊ အလုပ်ရုံများ တိုးချဲ့ တည်ဆောက်လာမှု တို့ကြောင့်ဖြစ်သည်။ ၁၉၈၂ ခုနှစ်တွင် မြို့နေလူဦးရေ သုံးသောင်းကျော် ထိ တိုးတက်လာခဲ့သည်။

ကျေးလက်နေ လူဦးရေ

မြို့နယ်တစ်ခုလုံးရှိ လူဦးရေ ၈၅ ရာခိုင်နှူန်းမှာ ကျေးလက်ဒေသတွင် နေထိုင်ပြီး အများစုမှာ လယ်ယာစိုက်ပျိုး လုပ်ကိုင်ကြသည်။ ၁၉၈၂ ခုနှစ်တွင် ကျေးလက်နေလူဦးရေ နှစ်သိန်း ကျော်ထိ ရှိလာခဲ့သည်။
မြို့အလေ့ အထများ ...

ဘုန်းကြီးပျံ

ဘုန်းကြီးပျံကို မြောင်းမြမြို့တွင် စည်ကားစွာ ပြုလုပ်လေ့ရှိသည်။ ပြဿဒ်ကြီးများပေါ်တွင် တင်ပြီး ဧယာဉ်ကျုးခြင်း၊ ပွဲလမ်းသဘင်များကျင်းပခြင်းများကို ပြုလုပ်ပြီး မီးသင်္ဂြိုဟ်လေ့ရှိကြသည်။ ဒုံးကျည်များပါ ပစ်ဖောက်ပူဇော်လေ့ရှိကြသည်။

မြောင်းမြမြို့ဝါတွင်း သံဃာ့ဒါန ဆွမ်းလောင်းလှူပွဲကြီး

မြောင်းမြမြို့ရှိ သံဃာတော် အရှင်သူမြတ်များသည် ပရိယတ္တိ သာသနာ တော်ကြီးကို ကိုယ်စိတ်နှစ်
ပါးချမ်းသာစွာဖြင့် အားထုတ်နိူင်တော် မူကြစေရန် ရည်မှန်း၍ စေတနာရှင် ဒါယကာ၊ဒါယိကာမများ စုပေါင်းပြီး မြို့ပေါ်ရှိကျောင်းများနှင့် မြောင်းမြမြို့နယ်မှ ကျောင်းများအား ဆွမ်း၊ကွမ်းလှူဒါန်းရေးအဖွဲ့များမှ
၁၉၅၇ ခုနှစ်မှစတင်၍ ယခုတိုင် ၀ါတွင်းသုံးလတွင် နေ့စဉ် နေ့တိုင်း စည်ကား သိုက်မြိုက်စွာ ဆွမ်းလောင်းလှူဒါန်းလျက်ရှိကြသည်။

ဆွမ်းကြီးလောင်းပွဲတော်

ဆွမ်းကြီးလောင်းပွဲတော်ကို ၁၉၃၃ ခုနှစ်မှ စတင်၍ နှစ်စဉ်ကျင်းပပြုလုပ်ခဲ့သည်။စစ်တွင်း ကာလဖြစ်သော ၁၉၄၂ ခုနှစ်နှင့် ၁၉၄၅ ခုနှစ်၊၂-နှစ် မကျင်းပနိူင်ခဲ့ပေ။၁၉၈၂ ခုနှစ်တွင်မြောင်းမြမြို့၌ကျင်း
ပသော ဆွမ်းကြီးလောင်း ပွဲတော်သည် ၄၇ကြိမ် မြောက်ဖြစ်သည်။ထိုပွဲတော်ကို မြောင်းမြမြို့၌ နှစ်စဉ် နစ်ဆန်း
၁ရက်နေ့တွင် စည်ကားစွာကျင်းပကြသည်။ ဆွမ်းကြီးလောင်းဟု ခေါ်ဆိုသော်လည်း ဆွမ်း၊ကွမ်း၊ဆေး၊ဆန်၊ဆီ၊
စာရေးကိရိယာ၊ သင်္ကန်း၊ထီး၊ဖိနပ် စသည့် ပစ္စည်းများနှင့်တကွ “ငွေပဒေသပင်” ကိုပါ လှူဒါန်းကြသည်။နှစ်စဉ်
သိန်းပေါင်းများစွာ လှူဒါန်းသည့် ဆွမ်းကြီးလောင်းပွဲဖြစ်၍ လွန်စွာစည်ကားသိုက်မြိုက်လှသည်။

သက်ကြီးပူဇော်ပွဲ

သက်ကြီးပူဇော်ပွဲများကို ၁၉၅၄ ခုနှစ်မှစတင်၍ သီတာလမ်းမှ “ဆန်းသစ်ဦး” ၁လမ်းမှ “ပွင့်သစ်ဦး”၊ အောင်ဆန်းရပ်ကွက်မှ “ရောင်နီဦး”၊ ၆လမ်းမှ “ပွင့်ဦး” ၊၅/၄ လမ်းနှင့် ဦးဘချိုလမ်းမှ လူငယ်များအဖွဲ့တို့သည်၊မြန်မာနှစ်ဆန်း ၁ရက်နေ့တိုင်း တွင်ကျင်းပခဲ့ကြသည်။

နှစ်ကျိပ်ရှစ်ဆူဘုရားပွဲတော်

၁၉၄၀ ခုနှစ်မှစတင်ပြီး ယနေ့တိုင် ပုညသဟာယ အသင်းမှဦးစီးပြီး “နှစ်ကျိပ်ရှစ်ဆူ” ဘုရားလှည့်လည်ပူဇော်ပွဲကို စည်ကားသိုက်မြိုက်စွာ ကျင်းပလျက်ရှိသည်။

ကဆုန်ညောင်ရေသွန်းပွဲတော်

မြောင်းမြမြို့တွင် နှစ်စဉ်ကဆုန်လပြည့်နေ့၌ ကဆုန်ညောင်ရေသွန်း ပွဲတော်ကို စည်ကားစွာကျင်းပသည်။

ဘုရားပွဲတော်များ

မြို့ဟောင်းရွာရှိ “ရွှေပုံသာ” ဘုရားပွဲတော်ကို ၁၉၃၄ ခုနှစ်မှစတင်၍ စည်ကား သိုက်မြိုက်စွာ ကျင်းပခဲ့သည်။ “ကျိုက်မောင်း” ဘုရားပွဲတော်ကို နှစ်စည် တပေါင်းလပြည့်နေ့တိုင်း ကျင်းပပြီး ဘုရားပွဲတော်နှင့်အတူ သံဃာတော်များအား ဆွမ်းဆန်စိမ်း လောင်းလှူပွဲကိုပါ စည်ကားစွာကျင်းပသည်။
မြောင်းမြမြို့ “စင်္ကြာနန္ဒာ” ဘုရားပွဲတော်ကို နှစ်စဉ်တပို့တွဲလတွင် ကျင်းပလေ့ရှိသည်။

မြို့တွင်တွေ့ရှိနိုင်သော သတ္တဝါများ ...

မြောင်းမြမြို့နယ်အတွင်း တွေ့ရှိသော တောရိုင်း တိရစ္ဆာန်များမှာ ယုန် ၊ ဆတ် ၊ တောကြောင် ၊ တောဝက် ၊လင်းလက် ၊ဖွတ် ၊မျောက် ၊ ဂျီ စသည်တို့ဖြစ်သည်။ တွေ့ရှိရသော ငှက်များမှာ ငုံး ၊ ကြက်တူရွေး ၊ တော်ကြက် ၊ မြေဝပ်တစ်တီတူး ၊ သာလိကာ ၊ချိုး ၊လင်းဝက် ၊လင်းဆွဲ ၊ ပိန်ညှင်း ၊ တင်္ကျီးဘွတ် ၊ ဘွတ်ကုလား ၊စသည်တို့ ဖြစ်သည်။မြောင်းမြမြို့နယ်သည် မြစ်ချောင်းပေါများသည့်အလျောက် ငါးမျိုးစုံ တွေ့ရသည်။ ကကတစ် ၊ငါးဖယ် ၊ ငါးစင်ရိုင်း ၊ ငါးဖောင်ရိုး ၊ ငါးခူ ။ ငါးပူတင်း ။ ငါးပြေမ ၊ ငါးဖီးမ ၊ ကဘီလူး ၊ ငါးမြွေထိုး ၊ ငါးဖျင်းသလက် ၊ ငါးခုံးမ ၊ ငါးပတ် ၊ ငါးကျောက်ဖား ၊ ငါးမြင်း၊ ငါးရံ့ ၊ ငါးတန် စသည်ငါးကြီးငါးငယ်မျိုးစုံတွေ့ရှိရသည်။

မုန်တိုင်းကျရောက်မှု အခြေအနေများ ...

မြောင်းမြမြို့နယ်အပါအဝင် မြစ်ဝကျွန်းပေါ်ဒေသတွင် ကပ္ပလီ ပင်လယ်ပြင်နှင့် ဆက်စပ်လျက်ရှိသော ဘင်္ဂလားပင်လယ်အော် အရှေ့အလယ်ပိုင်းမှ မုန်တိုင်းများ ရံဖန်ရံခါ ဝင်ရောက်လေ့ရှိသည်။ မိုးကြိုရာသီဖြစ်သော ဧပြီလ ၊ မေလနှင့် မိုးလွန်ရာသီ ဖြစ်သော အောက်တိုဘာလ ၊နိုဝင်ဘာလ များတွင် မုန်တိုင်းကျရောက်လေ့ရှိပါသည်။တခါတရံ ဒီဇင်ဘာလနှင့် ဇန်နဝါရီလများတွင် လည်း မုန်းတိုင်းကျရောက်တတ်သည်။

ကပ္ပလီ ပင်လယ်ပြင်ကို ဗဟိုပြု၍ ဖြစ်ပေါ်လာသော မုန်တိုင်းတို့မှာ မုန်တိုင်းသက် မရင့်သေးမီ ကုန်းတွင်းသို့ ဝင်ရောက်လာကာ ပျက်ပြယ်သွားလေးရှိသဖြင့် အပျက်အစီးနည်းသည်။ ဘင်္ဂလားပင်လယ်အော် အလယ်ပိုင်းကို ဗဟိုပြု၍ ဖြစ်ပေါ်လာသော မုန်တိုင်းတို့မှာ အားကောင်းသည့်မုန်တိုင်းများ ဖြစ်သဖြင့် အပျက်အစီးများသည်။ ၁၉၇၅ ခုနှစ် မေလ ၇ ရက်နေ့တွင် ပုသိမ်မြို့ အနီးမှ ဝင်ရောက်တိုက်ခိုက်လာသော မုန်တိုင်းကြောင့် မြောင်းမြမြို့တွင်လည်းအပျက်အစီးရှိသည်ကို တွေ့ရှိရသည်။ထိုမုန်တိုင်းသည် မြောင်းမြမြို့နယ်တွင် ဖြစ်ပေါ်ခဲ့သော မုန်တိုင်းများအနက် အပြင်းထန်ဆုံးနှင့် အပျက်အစီး အများဆုံး မုန်တိုင်းဖြစ်သည်။

လေတိုက်ခက်မှု ...

ဤမြို့နယ်တွင် တခါတရံ မုန်တိုင်းများကြောင့်ဖြစ်ပေါ်လေ့ရှိသော လေပြင်း တိုက်ခတ်မှုမှလွဲ၍ ကျန်အချိန်များတွင် ပြင်းပြင်းထန်ထန် လေတိုက်ခတ်လေ့မရှိပါ။ပုံမှန် တစ်နာရီလျင် ၅ မိုင်မှ ၁၀ မိုင်အတွင်း တိုက်ခတ်လေ့ရှိသည်။ထို့ကြောင့် မြောင်းမြမြို့နယ်သည် ဧရာဝတီတိုင်းတွင် လေဘေးအန္တရယ် အကင်းဆုံးမြို့နယ်ဟု ဆိုနိုင်သည်။ သို့သော် ဘင်္ဂလားပင်လယ်အော်မှ လေပြင်းမုန်တိုင်းသည် ဧရာဝတီတိုင်းတစ်တိုင်းလုံးကို ဖြတ်ကျော်သည့် ကာလမျိုးတွင်မူ အဆောက်အအုံနှင့်သစ်ပင်များ ပြိုလဲ သည်အထိ အပျက်အစီးရှိအောင် တစ်နာရီ (၄၅) မိုင်နှုန်းခန့် အထိ တိုက်ခတ်တတ်သည်ကို တွေ့ရသည်။

မြို့ ရာသီဥတု ...

မြောင်းမြမြို့နယ်သည် မြစ်ဝကျွန်းပေါ်ဒေသ ဖြစ်ရာ ဧရာဝတီတိုင်းအတွင်း၌ တည်ရှိသည့် အလျောက် စွတ်စိုသော ရာသီဥတု ရှိသည်။ အပူချိန် မှာ နွေ ၊ မိုး ၊ ဆောင်း မျှတပြီး မိုးရေချိန် များပြားသော ဒေသဖြစ်သည်။ မိုးရေချိန်သည်မိုးကြိုရာသီတွင် ပျမ်းမျှ ၆ လက်မမှ ၁၆ လက်မ၊ မိုးအလယ်တွင် ပျမ်းမျှ ၄၀ လက်မ မှ ၁၀၀ လက်မရှိပြီး မိုးလွန်ရာသီတွင် မိုးရေချိန်လက်မသည် မိုးကြို ရာသီထက် နည်းပါးသည်။ မြောင်းမြမြို့နယ်တွင် ဇန်နဝါရီလ သည် အအေးပိုသော လဖြစ်၍ ဧပြီလသည် အပူချိန်များသောလဖြစ်သည်။ မြို့နယ်၏ အနိမ့်ဆုံးအပူချိန်မှာ (၆၁ ဒသမ ၇၀) ဖာရင်ဟိုက် ဒီဂရီ ဖြစ်ပြီး အမြင့်ဆုံး အပူချိန်မှာ(၉၉ ဒသမ ၆၈) ဖာရင်ဟိုက် ဒီဂရီ ဖြစ်သည်။

http://behs1mm.weebly.com/

No comments:

Post a Comment

Blog Archive