မုံရွာ ဇူလိုင် ၁
ကာလတန်ဖိုး၁၂၈သိန်းဖိုးခန့်ရှိဘိန်းဖြူနှင့်စိတ်ကြွရူးသွပ်ဆေးပြားများကိုဂဟေဆော်ရာတွင်အသုံးပြုသောပုံးအတွင်းသိုဝှက်ကာဆိုင်ကယ်ဖြင့်သယ်လာသူ၂ဦးကိုဇူလိုင်လ၁ရက်နံနက်၅နာရီကမုံရွာမြို့အောင်ချမ်းသာရပ်ကွက်ဗဟိုလမ်းပေါ်တွင်ဖမ်းဆီးမိကြောင်းစစ်ကိုင်းတိုင်းဒေသကြီးရဲတပ်ဖွဲ့မှုးရုံးတာဝန်ရှိသူထံမှသိရသည်။
စစ်ကိုင်းတိုင်းဒေသကြီးရဲတပ်ဖွဲ့မှုးရုံးတိုင်းမှုခင်းအကူဌာနစုရဲအုပ်ကျော်နိုင်ဦးရဲတပ်ကြပ်သန့်ဇော်တို့သည်သက်သေနှစ်ဦးနှင့်အတူမူးယစ်ဆေးဝါးများသယ်ဆောင်လာကြောင်းသတင်းအရမုံရွာမြို့အောင်ချမ်းသာရပ်ကွက်ဗဟိုလမ်းပေါ်တွင်စောင့်ဆိုင်းခဲ့သည်။
ထိုသို့စောင့်ဆိုင်းနေစဉ်မသင်္ကာဖွယ်ဆိုက်ကယ်၂စီးစီးလာသူကိုရပ်တန့်
စစ်ဆေးရာဆိုင်ကယ်ပေါ်တွင်တင်ဆောင်လာသည့်ဂဟေဆော်ရာတွင်အသုံးပြုသောပုံး၂ပုံးအတွင်းမှတစ်ခွက်လျင်ဘိန်းဖြူမှုန့်၁၀ဂရမ်ခန့်စီပါသောဆပ်ပြာခွက်၃ခွက်ရှင်WYစာတမ်းပါသည့်စိတ်ကြွရူးသွပ်ဆေးပြား၁၉၀၀စုစုပေါင်းကာလတန်ဖိုးကျပ်၁၂၈သိန်းခန့်နှင့်အတူငွေစက္ကူရောရာကျပ်တစ်သိန်းကိုးထောင်တို့အားဖမ်းဆီးရမိခဲ့ကြောင်းသိရသည်။
ထိုသို့ဘိန်းဖြူနှင့်စိတ်ကြွရူးသွပ်ဆေးပြားများကိုသယ်ဆောင်လာသူမုံရွာမြို့အလုံရပ်အောင်သာယာနေမျိုးအောင်နှင့်သပိတ်ကျင်းမြို့နယ်ဝက်သေရွာနေတိုးနိုင်တို့၂ဦးအားရဲအုပ်ကျော်နိုင်ဦးကတရားလိုပြုလုပ်တိုင်ကြား၍မုံရွာမြို့မရဲစခန်းတွင်အမှုဖွင့်အရေးယူစစ်ဆေးဆောင်ရွက်လျက်ရှိကြောင်း သိရသည်။
မျိုးဝင်းထွန်း မုံရွာ(မြန်မာ့အလင်း)
No comments:
Post a Comment