အိန္ဒိယတွင် ပထမဆုံး ဆိုလာစွမ်းအင်ရထား ခုတ်မောင်း
အိန္ဒိယနိုင်ငံရဲ့ ကျယ်ပြောတဲ့ ရထားကွန်ရက်ကို သဘာဝပတ်ဝန်းကျင်နဲ့ ပိုမိုသင့်တော်အောင် ကြိုးစားတဲ့အနေနဲ့ အိန္ဒိယနိုင်ငံဟာ ပထမဆုံးဆိုလာစွမ်းအင်ရထားကို စတင်ခုတ်မောင်းခဲ့ပါတယ်။
မြင်းကောင်ရေ ၁၆၀၀ ရှိတဲ့ ဒီဇယ်လျှပ်စစ် ရထားသစ်တွေကို ရထားတွဲတစ်တွဲမှာ ဆိုလာပြား ၁၆ ပြား တပ်ဆင်ထားတဲ့အပြင် အရန်သင့် အသုံးပြုဖို့ ဘက်ထရီလည်း တပ်ဆင်ထားတယ်လို့ UNTV က ဖော်ပြခဲ့ပါတယ်။
ဒီဇယ်စွမ်းအင်သုံး စက်ခေါင်းတပ်ဆင်ထားတဲ့ ပထမဆုံးရထားကို နယူးဒေလီမြို့ မြို့ပြရထားလမ်းမှာ ခုတ်မောင်းစေခဲ့တာ ဖြစ်ပြီး ကျန်ရထားသစ်တွေကို ဘယ်ရထားလမ်းမှာ ပြေးဆွဲစေမယ်ဆိုတာကို မကြာမီ ဆုံးဖြတ်သွားမယ်လို့ သိရပါတယ်။
ရထားတွဲတွေမှာ တပ်ဆင်ထားတဲ့ ဆိုလာပြားတွေကနေ တစ်နှစ်ကို စွမ်းအင် ၇၂၀၀ ကီလိုဝပ် ရရှိမှာဖြစ်ပြီး အဲဒီစွမ်းအင်ကို ရထားတွဲထဲက မီးချောင်းတွေ၊ ပန်ကာတွေနဲ့ တခြားလျှပ်စစ် စနစ်တွေအတွက် အသုံးပြုသွားမယ်လို့ သိရပါတယ်။
ရိုးရာလေး
Subscribe to:
Post Comments (Atom)
No comments:
Post a Comment