Latest News

Wednesday, July 12, 2017

အကြမ်းဖက်သင်တန်းဖွင့်လှစ်ရန် လူစုဆောင်းသူ ၁ ဦးနှင့် မသင်္ကာသူ ၂ ဦးဖမ်းဆီးရမိ



၂၀၁၇ ဇူလိုင် ၁၂

လုံခြုံရေးတပ်ဖွဲ့ဝင်များသည် ဇူလိုင် ၁၀ ရက် နံနက်ပိုင်းမှစတင်၍ ဘူးသီးတောင်မြို့နယ်ရှိ ကျီးနှုတ် သီးကျေးရွာအတွင်း လှည့်ကင်းဆောင်ရွက်စဉ် ၎င်းကျေးရွာနေ ကာဒေဟူဆောင်း(၅၅)နှစ်သည် အကြမ်း ဖက်အဖွဲ့နှင့် ပတ်သက်နေကြောင်း သတင်းအရ ၎င်း၏နေအိမ်အား ဝင်ရောက်စစ်ဆေးခဲ့သည်။


အိမ်အတွင်း၌ အလျား(၁၂)ပေ၊ အနံ(၁၂)ပေရှိ အစိမ်းရောင် မိုးကာစ(၆)ခုနှင့် အလျား(၁၈)ပေ၊ အနံ (၁၂)ပေရှိ အပြာရောင်မိုးကာစ(၃)ခုတို့ကိုတွေ့ရှိ၍ ကာဒေဟူဆောင်းအား စစ်ဆေးခဲ့ရာ အကြမ်းဖက် သမားများနှင့် ပူးပေါင်း၍ယာယီတဲ ဆောက်လုပ်နေထိုင်ရန် မိုးကာစများဝယ်ယူစုဆောင်းခြင်း၊ အကြမ်းဖက် သင်တန်းဖွင့်လှစ်ရန် လူစုဆောင်းခြင်း၊ အကြမ်းဖက်လုပ်ငန်းများ ပြုလုပ်ရန်အတွက် ဓားဦးချွန်များ ပြုလုပ်ရန် စီစဉ်ခြင်းများပြုလုပ်သူဖြစ်ကြောင်း သိရှိရ၍ တောင်ဘဇာနယ်မြေစခန်း၌ အမှုဖွင့် စစ်ဆေးလျက်ရှိကြောင်း သိရှိရသည်။


ဇူလိုင် ၁၁ရက် နံနက်ပိုင်းတွင် လုံခြုံရေးတပ်ဖွဲ့ဝင်များသည် ရသေ့တောင်မြို့နယ် ချင်းရွာကျေးရွာ အတွင်း လှည့်ကင်းဆောင်ရွက်စဉ် မသင်္ကာသူ မာမောက်နိုရူ (၃၃)နှစ်အားတွေ့ရှိ၍ ညောင်ချောင်းနယ်မြေစခန်း၌ ခေါ်ယူစစ်ဆေးလျက်ရှိကြောင်း သိရသည်။

အလားတူ ဇွန် ၃၀ ရက်က ပြင်ဖြူကျေးရွာနေ မာမတ်အာယာစ် အသတ်ခံရမှုနှင့်ပတ်သက်သည့် မသင်္ကာသူ ၁ ဦး မောင်တောမြို့နယ် ကျီးကန်းပြင်ဈေး၌ ရောက်ရှိနေကြောင်း တိုင်တန်းချက်အရ လုံခြုံရေး တပ်ဖွဲ့ဝင်များသည် ဇူလိုင် ၁၁ ရက် နံနက် ၉ နာရီတွင် သွားရောက်ဖမ်းဆီးရာ မောင်နှမတောင်ရွာနေ ဆွေယော့ဂျူဟတ် ၃၅ နှစ်အား ဖမ်းဆီးရမိခဲ့ပြီး ပြင်ဖြူနယ်မြေရဲစခန်း၌ စစ်ဆေးလျက်ရှိကြောင်း သိရသည်။

(နိုင်ငံတော်အတိုင်ပင်ခံရုံးသတင်းထုတ်ပြန်ရေးကော်မတီ)
https://www.facebook.com/MyanmarSCOInfoCom/

No comments:

Post a Comment

Blog Archive