တိုင်းဒေသကြီးနှင့် ပြည်နယ်ဝန်ကြီးချုပ်များ၏ စွမ်းဆောင်ရည်များကို NLD ပါတီသုံးသပ်နေ
အစိုးရသစ်သက်တမ်းတစ်နှစ်ကျော်ကာလသို့ ရောက်ရှိလာချိန်တွင် တိုင်းဒေသကြီးနှင့် ပြည်နယ်ဝန်ကြီးချုပ်များ၏ စွမ်းဆောင်ရည်များကို သုံးသပ်နေကြောင်း အာဏာရအမျိုးသားဒီမိုကရေစီ အဖွဲ့ချုပ်ပါတီမှ ဗဟိုအလုပ်အမှူဆောင် အဖွဲ့ဝင် ဦးဝင်းထိန်ကပြောကြားသည်။
ဇွန်လ ၂၅ရက်က ရန်ကုန်မြို့၊ ရွှေဂုံတိုင်ရှိ အမျိုးသားဒီမိုကရေစီအဖွဲ့ချုပ်ပါတီ (NLD) ရုံးချုပ်၌ ကျင်းပခဲ့သော ပထမဗဟိုကော်မတီ သတ္တမအကြိမ်မြောက်အစည်းအဝေးအပြီး သတင်းစာ ရှင်းလင်းပွဲတွင် ဦးဝင်းထိန်ကသတင်းမီဒီယာများကို ပြောကြားခြင်းဖြစ်သည်။
ထိုကဲ့သို့အားနည်းချက်၊ အားသာချက်များကို သုံးသပ်ရာမှ တွေ့ရှိချက်များကို ဗဟိုအလုပ်အမှုဆောင်အဖွဲ့သို့တင်ပြဖြစ်ပြီး သတင်းမီဒီယာများကို ပြောကြားမည်မဟုတ်ဟု ၎င်းက ဆိုသည်
" အခု ကျွန်တော်တို့သုံးသပ်နေပြီ။ အဲဒီသုံးသပ်ချက်ဟာကို အပြင်ကိုမပြောဘူး။ အဲဒီကရတဲ့အချက်အလက်တွေကို ဗဟိုအလုပ်အမှူဆောင်ကော်မတီကိုပဲ ပြန်ပြီးတင်ပြမယ်။ တင်ပြပြီးတော့မှ အဲဒီ အားသာချက်၊ အားနည်းချက်တွေကို ပြင်စရာရှိတာ ပြင်မယ်။ပြင်ပြီးတော့မှ၊ ဥပမာဆိုပါတော့ မွန်ပြည်နယ်က ဝန်ကြီးချုပ်ကို အရေးယူလိုက်တယ်။ အရေးယူဖိုဖြစ်နေတာဖြစ်စဉ်က လွန်ခဲ့တဲ့ နှစ်လ သုံးလလောက်ကတည်းကဖြစ်နေပြီ၊ ဦးဥာဏ်ဝင်းတို့ ကျွန်တော် ကိုယ်တိုင် စုံစမ်းတာရှိတယ် ဒါပေမယ့်အဲဒီစုံစမ်းတဲ့အချိန်မှာ ဘယ်သူမှ ပြောလို့မဖြစ်ဘူး၊ ဆုံးဖြတ်ပြီးဆိုတော့မှ သူ့ ကိုဖယ်ပြီး တစ်ခြားပုဂ္ဂိုလ်နဲ့ အစားထိုးတာ။
အလားတူပဲ ကျွန်တော်တို့ အစီရင်ခံစာမှာပါပါတယ်၊ လယ်/ဆည်ဝန်
ကြီးဌာနက ဒုဝန်ကြီးတစ်ယောက်ကိုအရေးယူတဲ့ကိစ္စ သူကိုအရေးမယူခင်ကတည်းက လွန်ခဲ့တဲ့ တစ်လ နှစ်လလောက်ကတည်းက ဖြစ်နေပြီ ကျွန်တော်တို့စုံစမ်းတယ် ဆွေးနွေးတယ်ညှိနှိုင်းတယ် ဘယ်လိုမှ ညှိနှိုင်းလို့မရလို့ ပယ်လိုက်ရတာ၊ အဲလိုလုပ်ဖို့ ဆုံးဖြတ်ချက်တစ်ခုကို ဆုံးဖြတ်ဖို့် အတွက်တာစူတဲ့အခါမှာ ဆုံးဖြတ်တဲ့အချိန်မှာ ခင်ဗျားတို့ကို အသိပေးမယ်၊ မဆုံးဖြတ်ခင်ကိစ္စတော့ အသိမပေးဘူး"ဟု ဦးဝင်းထိန်က ပြောကြားသည်။
ထို့အတူပင် အမျိုးသားဒီမိုကရေစီ အဖွဲ့ချုပ်(NLD) မှ အစိုးရအဖွဲ့ဝင်များနှင့်လွှတ်တော်ကိုယ်စားလှယ်များ၏ စွမ်းဆောင်ရည်ကို သုံးသပ်ရန်လည်း အဖွဲ့တစ်ခုဖွဲ့စည်းထားပြီး တွေ့ရှိချက်များကိုဗဟိုအလုပ်ဆောင်အဖွဲ့သို့ တင်ပြမည်ဖြစ်ကြောင်းနှင့် ပြည်ထောင်အဆင့်ဝန်ကြီး ၊ ဒုဝန်ကြီးများ၏ စွမ်းဆောင်ရည်ကိုမူ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကိုယ်တိုင်သုံးသပ်မည်ဟု ဦးဝင်းထိန်ကပြောကြားသည်။
"ပြည်ထောင်စုအစိုးရကိုတော့ ဒေါ်အောင်ဆန်းစုကြည် သုံးသပ်ပြီးတော့ဆောင်ရွက်မှာ၊ ကျွန်တော်တို့ သုံးသပ်တဲ့ အထဲမှာ မပါဘူး၊ ပြည်ထောင်စု ဝန်ကြီး ဒုဝန်တွေကို ဒေါ်အောင်ဆန်းစုကြည်ကိုယ်တိုင်ပဲ သုံးသပ်ပြီး သူကဆုံးဖြတ်မှာပါ'' ဟု ၎င်းက ပြောသည်။
NLD ပါတီ ပထမဗဟိုကော်မတီသတ္တမအကြိမ်မြောက် အစည်းအဝေးတွင် ပြည်ထောင်စုသဘောတူစာချုပ် အစိတ်အပိုင်း (၁) ကိုထောက်ခံကြောင်းနှင့်အဆင့်ဆင့်သော လိုအပ်သည့် ရေးရာကော်မတီများပြန်လည်ဖွဲ့စည်းမည့် အချက်အပါအဝင် အချက်ပေါင်းခုနှစ်ချက်ကို အစည်းဝေးဆုံးဖြတ်ချက်အဖြစ်ချမှတ်ခဲ့သည်။
အောင်ရဲနောင်
The Ladies News
Subscribe to:
Post Comments (Atom)
No comments:
Post a Comment