ရန်ကုန်တိုင်းဒေသကြီး မင်္ဂလာဒုံစက်မှုဇုန်က Honeys Garment 1 ဂျပန် အထည်ချုပ်စက်ရုံမှာ အလုပ်ထုတ်ခံထားရတဲ့ အလုပ်သမား ၄ဝဝ ကျော်က အလုပ်ပြန်လည်ခန့်အပ်ရေးနဲ့ လုပ်သားအခွင့်အရေးတွေ ရရှိဖို့ဆိုပြီး ဒီကနေ့ ရန်ကုန်မြို့ မြို့တော်ခန်းမရှေ့မှာ ဆန္ဒပြခဲ့ကြပါတယ်။
ဆန္ဒပြရာမှာပါဝင်တဲ့ အလုပ်ထုတ်ခံထားရသူ ကိုနေမျိုးထက်က သူတို့ရဲ့တောင်းဆိုချက်တွေကို အခုလိုပြောပါတယ်။
စက်ရုံမှာ တစ်နာရီကို အထည် ၇၅ ထည်ချုပ်ဖို့ သတ်မှတ်ထားပြီး အဲဒီအထည်အရေအတွက်အပေါ် အလုပ်သမားတွေက ပြန်လည်ညှိနှိုင်းပေးဖို့ ပြောဆိုရာ အလုပ်ရှင်ဖက်က လက်မခံရာကနေစပြီး အလုပ်ရှင် အလုပ်သမားကြား မပြေလည်မှုတွေ စတင်လာတာဖြစ်တယ်လို့ သိရပါတယ်။
ပြီးခဲ့တဲ့မေလကလည်း စက်ရုံအတွင်းမှာ ဆန္ဒပြခဲ့ကြပြီး အလုပ်ရှင်နဲ့ ညှိနှိုင်းဖို့ ပြုလုပ်ရာမှာ မပြေလည်တာကြောင့် ဒီကနေ့ မြို့တော်ခန်းမရှေ့မှာ ဆန္ဒပြကြတာဖြစ်ပါတယ်။ အလုပ်ရှင်နဲ့ အလုပ်သမားကြား ညှိနှိုင်းဖို့ ကြိုးစားသူတွေကိုလည်း အလုပ်ရှင်ဖက်က လက်ခံ တွေ့ဆုံတာ မရှိဘူးလို့ သိရပါတယ်။
ဒီကနေ့ ဆန္ဒပြတဲ့ အလုပ်သမား ၄ဝဝ ကျော်ဟာ ပြီးခဲ့တဲ့ လပိုင်းက အလုပ်ရှင်က ၁၆ ရက်စာ လုပ်အားခပေးပြီးထုတ်ပယ်ရာ သူတို့ဟာ အလုပ်ရှင်ဖက်ကပေးတဲ့ လုပ်အားခမယူထားသူတွေ ဖြစ်တယ်လို့ သိရပါတယ်။
Honeys Garment 1 စက်ရုံဟာ လွန်ခဲ့တဲ့ ၅ နှစ်လောက်ကတည်းက မြန်မာနိုင်ငံမှာ လာရောက်လုပ်ကိုင်တာဖြစ်ပြီး ဘောင်းဘီ၊ အင်္ကျီ၊ ဂျာကင်တွေထုတ်လုပ်တာဖြစ်တယ်လို့ သိရပါတယ်။
Photo: Kaung Htet Kyaw/RFA
No comments:
Post a Comment