လာမည့် ၂၀၁၈-၁၉ ပညာသင်နှစ်ကစ၍ တက္ကသိုလ်ဝင်ခွင့် စနစ်ကို တက္ကသိုလ်လေးခုတွင် စတင်ပြောင်းလဲမည်ဟု အဆင့်မြင့် ပညာဦးစီးဌာန ဒုတိယညွှန်ကြားရေးမှူးချုပ် ဒေါက်တာအောင်အောင် မင်းကပြောသည်။
ဇွန်လ ၂၄ရက်နှင့်၂၅ရက်တို့တွင် ပညာရေးဝန်ကြီးဌာနက ရန်ကုန် တက္ကသိုလ်၌ ကျင်းပသောအဆင့်မြင့်ပညာ နှီးနှောဖလှယ်ပွဲတွင် ၎င်းင်းက ပြောကြားခဲ့သည်။
ရန်ကုန်တက္ကသိုလ်၊ မန္တလေးတက္ကသိုလ်၊ ရန်ကုန်နည်းပညာတက္ကသိုလ် နှင့် မန္တလေးနည်းပညာတက္ကသိုလ်တို့တွင် တက္ကသိုလ်ဝင်ခွင့်ကို တက္ကသိုလ် ဝင်စာမေးပွဲ အမှတ်ဖြင့် မဆုံးဖြတ်ဘဲ တက္ကသိုလ်က သီးခြားဝင်ခွင့်လက်ခံ သည့်စနစ်ကို ကျင့်သုံးမည်ဖြစ် သည်။
‘‘တက္ကသိုလ်အားလုံးတော့ မဟုတ်သေးဘူး။ ရှေ့ပြေးစမ်း သပ်တဲ့အနေနဲ့ တက္ကသိုလ် လေးခုစမယ်။ ဆေးကတ္ကသိုလ်နှစ်ခု လောက်လည်း သူတို့ အဆင်သင့် ဖြစ်ရင်ပါလာနိုင်တယ်’’ ဟု ဒေါက်တာအောင်အောင်မင်းက ပြော သည်။
တက္ကသိုလ်များ၏ဝင်ခွင့် ရွေးချယ်လက်ခံမည့် နည်းလမ်း များသည် တစ်ခုနှင့်တစ်ခုကွာခြား မှုရှိနိုင်ပြီး ယင်းတက္ကသိုလ်များ၏ ပဋိညာဉ်စာတမ်းများကို အသေး စိတ်ထည့်သွင်းရေးဆွဲထားမည် ဟု သိရသည်။
ယခုနှစ်တက္ကသိုလ်ဝင်စာ မေးပွဲအောင်မြင်သူများအနေဖြင့် တက္ကသိုလ်ဝင်ခွင့်ကို တက္ကသိုလ် ဝင်စာမေးပွဲအမှတ်ဖြင့်သာ ရွေး ချယ်ဆုံးဖြတ်မည်ဖြစ်ပြီး ယခုနှစ် တွင် တက္ကသိုလ်ဝင်တန်းတက် ရောက်နေသူ ကျောင်းသားများ သည် စနစ်သစ်ကို စတင်ကြုံတွေ့ ရမည်ဖြစ်သည်။
‘‘အမှတ်နဲ့ဆုံးဖြတ်တဲ့စနစ် က ကလေးတွေရဲ့ အနာဂတ်ကို ပြောင်းသွားနိုင်တာမို့ အားလုံးက သဘောမကျကြတာကြာပြီ။ အခု စပြောင်းမယ်။ အကုန်လုံးကိုတန်း မပြောင်းဘဲ နည်းနည်းချင်းစီ စ မယ်ဆိုတာ သဘောကျပါတယ်’’ ဟု ရတနာပုံတက္ကသိုလ်မှ ကတိ ကဆရာတစ်ဦးကပြောသည်။
တက္ကသိုလ်ဝင်ခွင့်စနစ် ပြောင်းလဲရန် ၂၀၁၅ အဆင့်မြင့် ပညာနှီးနှော ဖလှယ်ပွဲတွင် စတင် ဆွေးနွေးခဲ့သည်။
7Day News
No comments:
Post a Comment