သာသနာရေးဝန်ကြီးကို ဦးဆောင်ကန့်ကွက်ရှုတ်ချသူ ၂ ဦးကိုအမှုဖွင့်
မေလ ၃၁ ရက်နေ့က ကျင်းပပြုလုပ်ခဲ့တဲ့ နေပြည်တော်ကောင်စီအစည်းအဝေးမှာ သာသနာရေးဝန်ကြီးကို ကန့်ကွက်ရှုတ်ချပွဲ ဦးဆောင်သူ ၂ ဦးကို အမှုဖွင့်ဖို့ ဆုံးဖြတ်ခဲ့တယ်လို့ သိရပါတယ်။
နေပြည်တော်မှာရှိတဲ့ ရွှေနံသာရပ်ကွက်မှာ မေလ ၂၀ရက်နေ့က မျိုးချစ်ဆရာတော်တွေနဲ့ လူအင်အား ၂၀၀၀ ခန့်က ကန့်ကွက်ရှုတ်ချပွဲ ပြုလုပ်ခဲ့ကြတာပါ။
အဲဒီပွဲမှာ မကြွေးကြော်ဖို့ ကြိုတင်ညှိနှိုင်းသဘောတူထားတဲ့ စာသားတွေ ကြွေးကြော်ခဲ့တဲ့အတွက် အရေးယူဖို့ ဆုံးဖြတ်ခဲ့တာဖြစ်တယ်လို့ သိရပါတယ်။
``အမှုဖွင့်တာကတော့ မနေ့က ညနေမှာ ရဲမှူးအောင်သန်းကိုယ်တိုင် တရားလိုလုပ်ပြီးဖွင့်တာ။ ပ ၁၂၄/ ၂၀၁၇ ငြိမ်းစုစီးပုဒ်မ ၂၀ နဲ့ဖွင့်တာဖြစ်တယ်။ အခုတော့ရဲမှုးနဲ အမှုစစ် ရဲအုပ်သန်းရွှေတို့ အမှုဖွင့်ခံရသူတွေကို ဖမ်းဆီးဖို့ ရန်ကုန်ကိုသွားနေတယ်။ ငြိမ်းစုစီးဥပဒေအရ အမှုဖွင့်ခံရသူတွေအနေနဲ့ အာမခံယူခွင့်ရှိပေမယ့် နေပြည်တော်ကောင်စီရဲ့ ညွှန်ကြားချက်နဲ့ အမှုဖွင့်တာဖြစ်တဲ့အတွက် အထက်ညွှန်ကြားချက်အပေါ်မှာ မူတည်တယ်´´လို့ ဥတ္တရသီရိမြို့နယ် ရဲတပ်ဖွဲ့မှူးရုံး တာဝန်ခံ ရဲအုပ်သန်းဇော်က DVB သတင်းဌာနရဲ့ သွားရောက်မေးမြန်းမှုကို ပြန်လည်ဖြေဆိုခဲ့ပါတယ်။
ဦးဆောင်သူ ဦးကျော်မျိုးသက် အပါအ၀င် ၂ ဦးကို ပ/၁၂၄/၂၀၁၇ ပုဒ်မ ၂၀၁၆ ခုနှစ် ငြိမ်းချမ်းစွာစုဝေးခွင့်နှင့် ငြိမ်းချမ်းစွာ စည်းတန်းလှည့်လှည်ခြင်းဆိုင်ရာ ဥပဒေပုဒ်မ ၂၀ နဲ့ တောင်ညိုမြို့မရဲစခန်းမှာ မေလ ၃၁ ရက်နေ့ ညနေပိုင်းက အမှုဖွင့်ခဲ့တာဖြစ်ပါတယ်။
သတင်း - အောင်ကိုကိုလတ် ၊ အောင်ဆန်းဦး
DVB TV News
Subscribe to:
Post Comments (Atom)
No comments:
Post a Comment