ရန်ကုန်၊ ဧပြီ ၁၃
စီးပွါးရေးတက္ကသိုလ် (လှိုင်နယ်မြေ) နားမှာ ယနေ့ နေ့လည် ၂နာရီခွဲက သင်္ကြန်လည်ပတ်တဲ့ကားတစ်စီး အရှိန်ပြင်းစွာမောင်းနှင်တဲ့ အတွက် တိမ်းမှောက်ခဲ့တယ်လို့ သိရပါတယ်။
“ကားပေါ်မှာ ပါလာတဲ့ သူတွေ အကုန်လုံးကတော့ အခု ရန်ကုန်ဆေးရုံကြီးမှာ တင်ထားရပါတယ် ” လို့အရေးပေါ်ကူညီကယ်ဆယ်ရေးနဲ့ လူမှုအထောက်အကူပြု ဖွံ့ဖြိုးရေးအသင်းမှ ကိုဇွဲရန်နိုင် က ပြောပါတယ်။
ဖြစ်စဉ်မှာ အင်းယားလမ်းထောင့်နဲ့ စီးပွါးရေးတက္ကသိုလ်(လှိုင်နယ်မြေ) နားမှာ ယာဉ်ကွေ့တာ အရှိန်မထိန်းနိုင်ဘဲ တိမ်းမှောက်ခဲ့တာ ဖြစ်ပါတယ်။
ကားပေါ်မှာ သင်္ကြန်လည်ပတ်သူ ၉ယောက်ပါလာပြီး လူကြီး၎ယောက် ကလေး ၅ယောက်ပါလာတယ်လို့ သိရပါတယ်။ အမျိုးသမီး တစ်ဦးနဲ့ အမျိုးသားတစ်ဦးကတော့ ခေါင်းကွဲဒဏ်ရာရရှိခဲ့ပြီး ကျန်သူတွေကတော့ ပွန်းပဲ့ဒဏ်ရာတွေ ရရှိခဲ့တယ်လို့ သိပါရတယ်။
Photo - ကိုဇွဲရန်နိုင်၊အောင်လေး (kumudra)
No comments:
Post a Comment