တရုတ်ဆက်သွယ်ရေးကုမ္ပဏီကြီးဖြစ်တဲ့ ဟွာဝေးကုမ္ပဏီဟာ မြန်မာနိုင်ငံက ထူးချွန်ကျောင်းသား ၁၀ ဦးကို ရွေးချယ်ပြီး တရုတ်နိုင်ငံရဲ့ ယဉ်ကျေးမှု၊ သတင်းအချက်အလက်နဲ့ ဆက်သွယ်ရေးနည်း ပညာတွေ လေ့လာဖို့ စေလွှတ်တော့မယ်လို့ ဆိုပါတယ်။
မြန်မာကျောင်းသား ၁၀ ဦးကို ရန်ကုန်ကွန်ပြူတာသိပ္ပံတက္ကသိုလ်၊ သံလျင်နည်းပညာ တက္ကသိုလ် တို့ကနေ ရွေးချယ်စေလွှတ်ဖို့ နားလည်မှုစာချွန်လွှာကို နှစ်ဘက်တာဝန်ရှိသူတွေ မနှစ်က လက်မှတ်ရေးထိုးထားတာပါ။
ဟွာဝေးကုမ္ပဏီဟာ အနာဂတ်အတွက် မျိုးစေ့များလို့ အမည်ပေးထားတဲ့ အဲဒီအစီအစဉ်ကို ၂၀၀၈ ခုနှစ်က စတင်အကောင်အထည်ဖော်ခဲ့တာ ဖြစ်ပြီး၊ ကမ္ဘာတဝှမ်း နိုင်ငံပေါင်း ၉၆ နိုင်ငံက ကျောင်းသား ၂၇၀၀ ကျော်ကို တရုတ်နိုင်ငံကို လေ့လာရေး ပို့ဆောင်ခဲ့ပြီး ဖြစ်တယ်လို့လည်း သိရပါတယ်။RFA
No comments:
Post a Comment