ဦးကိုကိုကြီးနှင့်တွေ့ဆုံခြင်း (၂)

ဦးကိုကိုကြီးနှင့်တွေ့ဆုံခြင်း (၂)

‘‘တိုင်းပြည်ဖွံ့ဖြိုးတိုးတက်မှုပိုင်းမှာ ဆွဲတင်နိုင်ရင် တချို့တင်းမာမှုပိုင်းတွေ အထိုက်အလျောက် လျော့ကျသွားနိုင်တယ်’’

နိုင်ငံရေးမျိုးဆက်များ ပါဝင်သည့်ပါတီတစ်ခု မကြာမီပေါ်ထွက်လာတော့မည်ဖြစ်သည်။ သို့ဖြစ်ရာ အမျိုးသားဒီမိုကရေစီအဖွဲ့ချုပ်နှင့် ပြည်ခိုင်ဖြိုး ကြီးစိုးထား သော ပါတီနိုင်ငံရေးတွင် ပြည်သူများအနေဖြင့် နောက်ထပ်ရွေးချယ်စရာ ပါတီသစ်တစ်ခု တိုးလာသည့် အလားအလာလည်း ဖြစ်သည်။ ပါတီသစ်ပေါ်ပေါက်လာရေး  ပြင်ဆင်ကြိုးပမ်းလျက်ရှိသူများထဲတွင် တစ်ဦးအပါအ၀င်ဖြစ်သော ၈၈ မျိုးဆက် ကျောင်းသားခေါင်း ဆောင်တစ်ဦးဖြစ်သည့် ဦးကိုကို ကြီးနှင့် တွေ့ဆုံခြင်း (၁) ကို မတ်လ ၂၉ ရက်ထုတ် 7 Day  New ဂျာနယ်တွင် ဖော်ပြခဲ့ပြီးဖြစ်သည်။ ပါတီသစ်နှင့် တပ်မတော်တို့၏ ဖြစ်ပေါ်လာဖွယ်ဆက်ဆံရေး၊ ပါတီသစ်၏ ဦးစားပေးလုပ်ငန်းတို့အပြင် ဦးကိုကိုကြီး၏ နိုင်ငံရေးအတွေးအမြင်အချို့ကို မေးမြန်းထားသည်များမှ ဆက်လက်ဖော်ပြလိုက်ပါသည်။


မြန်မာ့နိုင်ငံရေးဖြစ်စဉ်မှာ တပ်မတော်က တောက်လျှောက်ပါခဲ့တယ်။ ဦးဆောင်သူ နေရာကနေပါအောင် သူတို့ လုပ်ခဲ့တယ်။ အခုလည်း ဖွဲစည်းပုံအခြေခံ ဥပဒေအရ ဆက်ပါနေဦးမယ်။ ပါတီအနေနဲ့က တပ်မတော်နဲ့ ဆက်ဆံရေး ဘယ်လိုဖြစ်လာမလဲခင်ဗျ။

နိုင်ငံရေးလုပ်တဲ့အခါ ဝေ့ဝိုက်မနေဘဲ တဲ့ပြောရရင်ပါတီ ထောင်ပြီဆိုကတည်းက ၂၀၀၈ ဖွဲ့စည်းပုံအခြေခံဥပဒေကို လက်ခံပြီးတော့မှ တည်ထောင်ရတာပါ။ ကြိုက်တာ၊ မကြိုက်တာနဲ့ မဆိုင်ဘူး။ ကျွန်တော်တို့ မကြိုက်တဲ့ အချက်တွေရှိတယ်။ သို့သော် လက်ရှိနိုင်ငံရေး အခင်းအကျင်းမှာ ၂၀၀၈ ဖွဲ့စည်းပုံကို ထောက်ခံပါတယ်လို့ ကတိက၀တ်ပြုပြီးတော့ ရွေးကောက်ပွဲဝင်ရပြီ။ ဒါကအရေးကြီးတဲ့ သဘောထားဆိုင်ရာ အချက်တစ်ချက်ပဲ။ ကျွန်တော်တို့ အငြင်းပွားကြတာတွေ ရှိတယ်။ ဒီဖွဲ့စည်းပုံ ပြင်ရမယ်။ ဒီဖွဲ့စည်းပုံလက်မခံဘူး။ မကြိုက်ဘူး။ မကြိုက်တာကတော့ သူသူကိုယ်ကိုယ် ကျွန်တော်တို့လည်း ထောင်ကျခံပြီး တော့ကို ညောင်နှစ်ပင်ကို ဆန့် ကျင်ခဲ့တာ။ သို့သော် လက်ရှိအ ခင်းအကျင်းမှာတော့ ဒီဖွဲ့စည်းပုံ အခြေခံ ဥပဒေကို လက်ခံပြီးတော့ ပါတီထောင်မယ်လို့ ရွေးချယ်တာပဲ။ လက်ခံလိုက်ရတဲ့အတွက်ကြောင့် တပ်မတော်ရဲ့နိုင်ငံရေးမှာ ပါဝင်မှုအခန်းကဏ္ဍကို ကျွန်တော်တို့က လက်ရှိ ရှိနေတဲ့ အခြေအနေတစ်ရပ်အဖြစ် လက်ခံလိုက်ရတယ်။ ဒါကတစ်ပိုင်း။ တကယ့်ဒီမိုကရေစီကို ယုံကြည်တဲ့လူတစ်ယောက်အနေနဲ့ အဲဒီကို ရောက်အောင်သွားတဲ့အခါမှာ ကျွန်တော်တို့က နည်းလမ်းတွေ၊ ချဉ်းကပ်ပုံတွေ၊ ဦးစားပေးအစီအစဉ်ရွေးချယ်တာတွေမှာ ပါတီရဲ့လက်တွေ့ဆုံးဖြတ်ချက်တွေ ဖြစ်လာမယ်။

အဲဒီတော့ တပ်မတော်ကမပါဘဲ ဖွဲ့စည်းပုံအခြေခံဥပဒေ ပြင်လို့မရသေးတဲ့အနေအထားမှာ ဒီပေးထားချက်ထဲကနေပဲ ဘယ်လိုအဆင်ပြေအောင် လုပ်ဆောင်သွားမလဲခင်ဗျ။

လက်တွေ့ကျကျပြောရရင် ဒီဖွဲ့စည်းပုံကို မကြိုက်ဘူး။ မကြိုက်တာကတော့ အားလုံးပြောကြတယ်။ နောက်ဆုံးပြောကြဟေ့ဆိုရင် တပ်မတော်ကိုယ်၌က တဖြည်းဖြည်းချင်း ဒါကို ပြုပြင်သွားဖို့ သဘောတူထားတယ်ဆိုတော့ ပြင်ဖို့ကို သဘောထားကွဲနေကြတာ မဟုတ်ဘူး။ ဘယ်အချိန်ပြင်မလဲ၊ ဘယ်လိုပြင်မလဲဆိုတာအပေါ် သဘောထားကွဲလွဲနေကြတာလို့  မြင်တယ်။ တိုင်းရင်းသားတန်းတူညီမျှရေး၊ ဖက်ဒရယ်ထူထောင်ရေးကိစ္စကို ပြောပြီဆိုတာနဲ့ ဒီဖွဲ့စည်းပုံက ပြင်ကိုပြင်ရတော့မှာ။ သက်တမ်းရှည် ပြည်တွင်းစစ်ကို ဖြေရှင်းတော့မယ်ဆိုတာနဲ့ ဒီဖွဲ့စည်းပုံအကျပ်အတည်းက ရောက်လာမှာပဲ။ သို့သော် ကျွန်တော်တို့က ပြင်တဲ့အခါမှာ ဘယ်လိုပြင်မလဲ၊ အချိန်အခါကို ဘယ်လိုရွေးချယ်မလဲ။ ဒါအရေးကြီးတယ်။ အဲဒီတော့ ဖွဲ့စည်းပုံပြင်ဖို့ဆိုရင် (၁) အချက်စစ်တပ်ပါမှ ဖြစ်မယ်။ စစ်တပ်ပါလာအောင် ဘယ်လိုလုပ်မလဲ။ ပါချင်လာအောင် ဆွဲဆောင်နိုင်ရင်ပါမယ်။ မပါရင်မဖြစ်တော့ဘူး။ အကျပ်အတည်း ဖြစ်တော့မယ်။ ခင်ဗျား ပါဝင်ပြီးတော့ မပြင်ရင်တိုင်းပြည်ရဲ့ အကျပ်အတည်းဟာ စစ်တပ်အပါအ၀င် ကျွန်တော်တို့အားလုံး အကျပ်အတည်းဖြစ်တော့မယ်ဆိုတဲ့ အခြေအနေတစ်ခုကို ရောက်လာရင်ပြင်မယ်။ သူကိုယ်တိုင်လိုလိုလားလား ပြင်နိုင်ဖို့ကတော့ သူပါချင်လာအောင်၊ ပြင်ခြင်းအားဖြင့် သူ့အတွက်လည်း အန္တရာယ်မရှိဘူး၊ လုံခြုံမှုကိုလည်း မထိခိုက်ပါဘူးဆိုတာကို ကျွန်တော်တို့က အချက်အလက်တွေနဲ့ ပြနိုင်မယ်ဆိုပါမယ်။ မပြင်လို့မဖြစ်မယ့်အခြေအနေ ရောက်လာရင်ပါမယ်။ ဒါကြောင့် အခြေအနေကို ကျွန်တော်တို့က ဘယ်လိုဖန်တီးမလဲဆိုတဲ့ အပေါ်မှာလည်း မူတည်တယ်။ နောက်တစ်ခုက တပ်မတော်က နိုင်ငံရေးမှာ ပါဝင်တဲ့အ ခန်းကဏ္ဍဟာ ပြည်တွင်းစစ်နဲ့ ဆက်စပ်နေတယ်။ တိုင်းရင်းသားတန်းတူညီမျှရေး၊ ဖက်ဒရယ်ပြည်ထောင်စု တည်ဆောက်ရေးနဲ့ ဆက်စပ်နေတယ်။ ဒါကြောင့် ဒီဟာက သုံးပွင့်ဆိုင်ပြဿနာလို့ မြင်တယ်။ အရပ်ဘက်၊စစ်ဘက်ဆက်ဆံရေးတစ်ခုတည်းကို ပြောနေလို့ မရဘူး။

၂၀၁၅ ရွေးကောက်ပွဲမှာ NLD ကြွေးကြော်မှုဟာ ဖွဲ့စည်းပုံအခြေခံဥပဒေ ပြင်ဆင်ရေးပေါ့နော်။အစိုးရဖွဲ့ပြီးနောက်မှာတော့ ပြည်တွင်းငြိမ်းချမ်းရေးက ရှေ့ရောက်လာတယ်။ ဦးကိုကိုကြီးတို့ ပါတီကလည်း ဘာကို ဦးစားပေး လုပ် မှာပါလဲ။

တစ်ခါတလေကျရင် ကျွန်တော်တို့က ကိုယ့်မှာရှိတဲ့အားသာချက်တွေကို ရှာဖွေဖို့လိုတယ်။ ခုနကပြောတဲ့ စစ်တပ်ကြောင့်တို့၊ ၂၅ ရာခိုင်နှုန်းကြောင့်တို့ ဆိုတာကလည်း အားနည်းချက်ကို မီးမောင်းထိုးပြတာ။ တစ်ဖက်က အားသာချက်တွေကို မိမိရရ အသုံးချဖို့အတွက်ကို ကျွန်တော်တို့က ပြင်ဆင်စေချင်တယ်။ ဥပမာ ကျွန်တော်တို့က သာမန် ဥပဒေတွေ အားလုံးက လွှတ်တော်ထဲမှာ ထက်ဝက်ကျော် မဲနဲ့ ပြင်နိုင်တယ်၊ ဖျက်နိုင်တယ်၊အသစ်ရေးဆွဲနိုင်တယ်။ ဒါဟာ ဧရာမအားသာချက်ကြီးပဲ။ ဖွဲ့စည်းပုံအခြေခံဥပဒေပြင်ဖို့ ကိစ္စလုပ်လို့မရနိုင်သေးပေမယ့် ကျွန်တော်တို့ ပြည်သူတွေနဲ့ ပတ်သက်နေတဲ့ နေ့စဉ်ဖြစ်ပျက်နေတဲ့ ပညာရေး၊ ကျန်းမာရေး၊ လမ်းတံတား၊ ဘဏ်၊ ရင်းနှီးမြှုပ်နှံမှု အစရှိသဖြင့် တော်တော်များများကိစ္စတွေဟာ လွှတ်တော်ထဲမှာ ထက်ဝက်ကျော် မဲနဲ့ ဆောင်ရွက်နိုင်တယ်။ နောက်တစ်ခုက အစိုးရအဖွဲ့ကို ဦးဆောင် ခွင့်ရသွားပြီဆိုရင် ကာကွယ်ရေး၊ ပြည်ထဲရေးနဲ့ နယ်စပ်ရေးကလွဲလုိ့ တခြားဝန်ကြီးဌာနများကို တကယ့်ကို ထိရောက်တဲ့ ယန္တရားဖြစ်လာအောင် စီမံခန့်ခွဲမှုက လုပ်နိုင်ရင် လုပ်နိုင်သလောက်ရမယ်။ အကန့်အသတ်တွေရှိတာတော့ ကျွန်တော်တို့လည်း နားလည်ပါတယ်။

သို့သော် ကိုယ်လုပ်နိုင်ရင် လုပ်နိုင်သလောက်လုပ်လို့ရသေးတဲ့ နယ်ပယ်တွေဟာ သာမန်ပြည်သူတွေရဲ့ နေ့စဉ်ဘ၀အပေါ်မှာ သက်ရောက်မှုအများကြီးရှိတယ်။ အဲဒီလိုလုပ်ခြင်းအားဖြင့် ဒီဘက်က တိုင်းပြည်ဖွံ့ဖြိုးတိုးတက်မှုပိုင်းမှာ ဆွဲတင်နိုင်ရင် တချို့တင်းမာမှုပိုင်း တွေ အထိုက်အလျောက်လျော့ကျသွားနိုင်တယ်။ ဒါကြောင့်မို့လို့ တစ်ဖက်က တင်းမာမှုတွေကို ဖြေရှင်းတဲ့အပိုင်းက တစ်ပိုင်း၊တစ်ဖက်က ကိုယ်လုပ်နိုင်တဲ့ကိုယ့်ရဲ့အားသာချက်တွေကို ဖွံ့ဖြိုးအောင်အားစိုက်တာကတစ်ပိုင်း လုပ်သင့်တယ်လို့မြင်ပါတယ်။

အစိုးရက ဒီမိုကရေစီဖက်ဒရယ် ပြည်ထောင်စုတည်ဆောက်ရေးဆိုပြီး အားသွန်ခွန်စိုက်လုပ်နေ တာရှိတယ်။ ပါတီသစ်အနေနဲ့က လည်း ဒီကိစ္စအပေါ် ဘယ်လို ဆောင်ရွက်သွားဖို့ရှိပါသလဲ။

စပြီး တာထွက်ကတည်းက ကျွန်တော်တို့က ဒီမိုကရေစီဆိုပြီး တောင်းဆိုခဲ့တာ။ ဒီမိုကရေစီဖြစ်ပေါ်ပြောင်းလဲရေးနဲ့ပတ်သက်လို့ ကျွန်တော်တို့ တစိုက်မတ်မတ် လုပ်ကိုလုပ်ရမယ်။ ဆိုတော့ ဒီဟာသည် နိုင်ငံရေးအရ ဖြေရှင်းရ မယ့်ကိစ္စ။ သို့သော် နိုင်ငံရေး၊ စီးပွားရေးဟာ ခွဲလို့မရတဲ့အတွက်ကြောင့် တစ်ဖက်က စီးပွားရေးကို ကျွန်တော်တို့ နိုင်ငံရေးသမားတွေက အာရုံစိုက်ဖို့လိုတယ်။ တစ်ဖက်ကလည်း နိုင်ငံရေးဦးတည်ချက်မပျောက်အောင် သွားဖို့လိုတယ်။

အခုဆို အစိုးရသစ်ကလည်း တစ် နှစ်ပြည့်ခဲ့ပြီ။ တစ်နှစ်ပြည့်အစိုးရအပေါ်မှာ နိုင်ငံရေးသမားတစ်ဦး အနေနဲ့ရော ပြည်သူတစ်ဦးအနေနဲ့ပါ အားနည်းချက်၊အားသာချက်ပေါ့လေ ပြောချင်တာများရှိလား။

ဒါကတော့ အမြင်တွေ အမျိုးမျိုးရှိကြမှာပေါ့။ ဒါပေမဲ့ ကျွန်တော်ကတော့ ပြည်သူတွေရဲ့ အသံကို ဖော်ထုတ်ခွင့်ပေါ့။ မီဒီယာတွေ ရှိမယ်၊ အရပ်ဘက်အဖွဲ့အစည်းတွေရှိမယ်။ သူတို့ဟာ အစိုးရနဲ့ ပြည်သူလူထုကြားမှာ ပေါင်းကူးပေးတာဖြစ်လို့ အဲဒီ အသံတွေကို ပိုပြီးတော့ နားထောင်သင့်တယ်လို့ မြင်တယ်။ တစ်ခါ တလေကျတော့ ကိုယ့်ကို ထောက်ခံသလိုလိုနဲ့ ရည်ရွယ်သည်ဖြစ်စေ၊ မရည်ရွယ် သည်ဖြစ်စေ ချောက်ကျနိုင်တဲ့ ပြဿနာရှိတယ်။ ဘာလုပ်လုပ် ကောင်းပါတယ် မှန်ပါတယ်လို့ ပြောတဲ့ အသံတွေ လွှမ်းမိုးနေရင် တကယ့် အခြေအနေမှန်တွေသိဖို့ ဝေးသွားလိမ့်မယ်လုိ့ မြင်တယ်။ ဒါကြောင့် Public Opinion ဆိုတဲ့ လူထုရဲ့ အမြင်သဘောထားတွေမှာ တချို့ဆိုရင် Silent Voice တွေရှိတယ်။ မပြောချင်လို့ အသံမထွက်တဲ့အသံတွေရှိတယ်။ အဲဒီအသံတွေကိုပါ ကြားနိုင်အောင် အခြေအနေတွေ ဖန်တီးပေးရမယ်။ ကြိုးစားပေးရမယ်။ အဲဒါ ဆိုရင် အစိုးရရဲ့လုပ်ငန်းဆောင်တာတွေလည်း ပိုထိရောက်လာမယ်။ ထက်မြက်လာမယ်လို့မြင်တယ်။

ပြောင်းလဲချိန်တန်ပြီလို့ ကြွေး ကြော်ခဲ့တဲ့အစိုးရက တစ်နှစ်အတွင်းမှာ ဘာတွေပြောင်းလဲခဲ့ပြီလဲလို့ မြင်ပါသလဲခင်ဗျ။

အဂတိလိုက်စားမှုနဲ့ပတ်သက်လို့ ပြောရရင် ဒီအစိုးရလက်ထက်မှာ သိပ်ပြီးတော့ ကြီးကြီးကျယ်ကျယ်မကြားရဘူး။ ဒါလေးကတော့ ကျွန်တော်တို့လည်း ဖြေသာတဲ့အချက်ပေါ့။ ကျန်တဲ့ဟာ တွေကတော့ နေ့စဉ်ဘ၀တွေ၊သာ မန်ပြည်သူတွေအနေနဲ့ ပြောရင်တော့ ကုန်ဈေးနှုန်းတို့၊ လူလတ်တန်းစားဆိုရင် ငွေလဲနှုန်းတို့ အစရှိသဖြင့် တခြားကိစ္စတွေမှာတော့ ညည်းညူကြတာတွေ ကြားလာရတယ်။ ညည်းရင်းညူရင်းနဲ့ပဲ သည်းညည်းခံကြပါတယ်။ သူတို့ မှာလည်း အရင်ခေတ်ကို ပြန်ရောက်သွားမှာကိုတော့ အားလုံးက စိုးရိမ်နေကြတယ်။ အဲဒီစိုးရိမ်စိတ်နဲ့ပဲ ၀ိုင်းပြီးတော့ ဒီအပြောင်းအလဲကို ထောက်ခံနေကြတုန်းပဲလို့ မြင်ပါတယ်။

နောက်တစ်ခုက ဦးကိုကိုကြီးရဲ့ လူနေမှုဘ၀အကြောင်းကို မေးချင်ပါတယ်။ အခုကျောင်းပြန်တက်နေတယ်ကြားတယ်။

ကျွန်တော် ၈၈ အရေးတော်ပုံကြီးမှာပါလာတဲ့အချိန်တုန်းက နောက်ဆုံးနှစ်ပေါ့။ ကျောင်းတွေ ပြန်ဖွင့်တဲ့အချိန်မှာ ကျွန်တော် တရားဝင်ထွက်စာတင်လိုက်တယ်။ ထွက်စာတင်ပြီး မကြာပါဘူး။ တစ်လတောင်မပြည့်ဘူး။ ကျွန်တော် အဖမ်းခံရတယ်။ ကျောင်းနဲ့ တောက်လျှောက် ဝေးသွားတာပေါ့။ ဝေးသွားတော့ အခု ကျွန်တော်ကိုယ်တိုင်လည်း မဲပေးခဲ့တဲ့ အစိုးရလက်ထက်မှာ ကျောင်းပြန်တက်ဖို့ ပြန်လျှောက်တယ်။ ပြန်လျှောက်တော့ သူတို့လည်း အထူး အဆန်းလည်းဖြစ်နေတယ်။ ဆိုတာက ကျွန်တော့်ဘာသာရပ်က စာပေးစာယူလည်းမရှိဘူး။ အရင်ကတော့ စစ်အစိုးရလက်ထက်မှာ ဆေးတက္ကသိုလ်တွေ၊ စက်မှုတက္ကသိုလ်တွေက ကျောင်းပြန်တက်ခွင့် ပေးတယ်။ ဒါကြောင့် တော်တော်များများဆို ဆရာဝန်တွေ၊ အင်ဂျင်နီယာတွေ ပြန်ဖြစ်သွားကြတယ်။ ကျွန်တော့်ကျတော့ က်ေတာက ကျောင်းလည်း ပြန်တက်ခွင့်မပေးဘူး။ စာပေးစာယူမှာလည်း ဒီဘာသာရပ်ကမရှိတော့ ကျွန်တော် လည်း တော်တော်လေးပြောပါတယ်။ တာဝန်ရှိတဲ့သူတွေကို။ နောက်ဆုံးတော့ ဖေဖော်ဝါရီ လောက်ကမှ အကြောင်းပြန်ကြား ချက်ရတယ်။ ပြင်ပကျောင်းသားအဖြစ်နဲ့ ပြန်ပြီးတော့ ဖြေခွင့်ပြု တယ်။

ကျောင်းပြန်တက်ခွင့် ပြု တယ်ဆိုပြီး ဖေဖော်ဝါရီ ၆ ရက်နေ့ စာထွက်တယ်။ ဒါပေမဲ့ စာကကျွန် တော့်ဆီ ဖေဖော်ဝါရီလကုန် လောက်မှရတယ်။ ကျွန်တော် လည်း စာမေးပွဲက ၂၀ ရက်နေ့ ဖြေရမှာဆိုတော့ ဖုတ်ပူမီးတိုက်နဲ့ အိမ်မှာကလေးတွေနဲ့ စာကျက်လို့ မရတော့ တစ်နေရာသွားပြီး စာကျက်ရတယ်။ အဲဒီမှာပဲ တစ်နေကုန်စာကျက်ပြီး ကျောင်းသားပြန်လုပ်နေတာပေါ့။  ရှောရှောရှူရှူ ဖြေနိုင်ခဲ့ပါတယ်။ နိုင်ငံတကာဆက်ဆံရေးဘာသာရပ်ပါ။

ကလေးကလည်း နှစ်ယောက်ရ လာပြီဆိုတော့ ဟိုးအရင်တုန်းက နိုင်ငံရေး လုပ်ခဲ့တဲ့ခံစားမှုနဲ့ မိသားစုဘဝ ပိုင်ဆိုင်ပြီးနောက် ခံစားရတဲ့ ခံစားမှုက ဘာကွာသွားလဲ။

ပြောရရင်တော့ လူပျိူလူ လွတ်ဘဝမှာတော့ အနှောင်အဖွဲ့ မရှိဘူးပေါ့။ စိတ်သွားတိုင်း ကိုယ် ပါတယ်ပေါ့။ ဒါကတော့ အိမ် ထောင်မကျခင်က အားသာချက် ပေါ့။ အိမ်ထောင်ကျပြီးတော့ သားတွေ၊သမီးတွေရလာတော့ နောက် ထပ် အားသာချက် ဘာထပ်ဖြစ် လဲ ဆိုတော့ ငါ့သားသမီးတွေလက် ထက်မှာ ငါတို့ကြုံခဲ့ရတဲ့ အနိဋ္ဌာရုံ တွေ မဖြစ်ရဘူး။ အဲဒါက ကိုယ့် သားသမီးနဲ့ ရွယ်တူဖြစ်တဲ့ မျိုး ဆက်အားလုံးအတွက်ကို ရည် ရွယ်တာ။ အဲဒီတွန်းအားပေါ့။ သက်ရှိထင်ရှားရှိနေသမျှ ကာလ အတောအတွင်းမှာ ငါ့သားသမီး မျိုးဆက်တွေအတွက် အမွေ ကောင်းပေးခဲ့နိုင်ဖို့ အတွက်ကို စွမ်းနိုင်သမျှ ကြိုးစားသွားမယ် ဆိုတဲ့ နောက်ထပ် ခွန်အားတစ်ခု ထပ်ဖြစ်တယ်လို့ ပြောရမှာပေါ့။

တခြားဘာများ ဖြည့်စွက်ပြောချင်တာ ရှိပါသလဲ။

လူတွေနိုင်ငံရေး နိုးကြားလာ တာကို ကျွန်တော်က ကြိုဆိုတယ်။ နောက်တစ်ဆင့်ကတော့ နိုင်ငံရေးကို စိတ်ဝင်တစားလေး နည်းနည်းပိုပြီးတော့ လေ့လာကြဖို့ လိုမယ်လို့ထင်တယ်။ တက်ကြွတဲ့၊ နိုးကြားတဲ့ နိုင်ငံသားတစ်ယောက် ဖြစ်လာဖို့ မျှော်လင့်တာပေါ့။ အခုဟာကတော့ ဖေ့စ်ဘွဘ်ခ်မှာ သူ့ဘက်ကိုယ့်ဘက်ဆိုတာမျိုးတွေနဲ့ အတွေးမပါဘူးပေါ့။ ဒီအဆင့်ကို ကျော်စေချင်ပြီး၊ အကြောင်းအရာအလိုက်၊ ကဏ္ဍအလိုက် ဒီကိစ္စက တော့ သူ့ကို ထောက်ခံသင့်တယ်။ ဒီကိစ္စမှာတော့ သူ့ကိုအကြံပြုသင့်တယ်၊ ဝေဖန်သင့်တယ် အစရှိသ ဖြင့် အချက်အလက်နဲ့ စဉ်းစားတာမျိုးကို ဖြစ်စေချင်တယ်။ အဲဒါမှလည်း တက်ကြွတဲ့ နိုင်ငံသားပေါ့။ အဲဒါမျိုး မျှော်လင့်တယ်။ နောက်တစ်ခုက နိုင်ငံရေးသမားပေါ့။ ပြီးခဲ့တဲ့ လွှတ်တော်သက်တမ်းတုန်းကဆိုရင် လွှတ်တော်ကိုယ်စားလှယ်တွေကို စာရင်းကောက်တော့ အလုပ်အကိုင်ဆိုတဲ့ နေရာမှာ နိုင် ငံရေးသမားလို့ မရေးဘူး။ လွှတ်တော်ထဲ ၀င်ထိုင်နေတာတောင်မှ ကိုယ့်အလုပ်အကိုင်ကို နိုင်ငံရေးသမားလို့ မသိဘူး။ တကယ်တော့ နိုင်ငံရေးသမားကို ပရော်ဖက်ရှင် နယ်ဖြစ်စေချင်တယ်။ တကယ့်ကို နိုင်ငံရေးသမားလုပ်မယ်လို့ ပိုင်း ဖြတ်ပြီးတော့၊ နိုင်ငံရေးသမားဆိုတာ ဘာလဲ၊ ကိုယ်လုပ်ရမယ့် အလုပ်ကဘာလဲဆိုတာကို ဂဃနဏသိပြီး လုပ်တဲ့ နိုင်ငံရေးသမားမျိုး ဖြစ်လာစေချင်တယ်။ ဒါမှကျွန်တော်တို့ ဒီမိုကရေစီအရွေ့က တကယ်ကို အားကောင်းတဲ့၊ခိုင်မာတဲ့ အရွေ့ဖြစ်မယ်လို့ ကျွန်တော်က ယုံကြည်တယ်။ ဒါကြောင့် နိုင်ငံသားတွေကလည်း နိုးကြားတဲ့၊ တက်ကြွတဲ့ နိုင်ငံသားတွေဖြစ် စေချင်တယ်။ နိုင်ငံရေးသမား တွေကလည်း အသေအချာ ပြင် ဆင်ပြီးတော့၊ ပိုင်းဖြတ်ပြီးလုပ်တဲ့ နိုင်ငံရေးသမားတွေ ပေါ်လာစေချင်တယ်။

အခုလိုဖြေကြား ပေးတဲ့အတွက် ကျေးဇူးတင်ပါတယ်။

( 7Day News )