Myanmar Now သတင်းထောက်ချုပ် ကိုဆွေဝင်း ရန်ပြုခံရ
ရန်ကုန်၊ မတ် ၁၄
အင်းဝ အပ်ချုပ်ဆိုင် မိသားစု၏ နှိပ်စက်ခြင်းကိုခံရသည့် အိမ်အကူ မိန်းကလေး နှစ်ဦးအကြောင်းကို ဖော်ထုတ်ခဲ့သူ Myanmar Now သတင်းထောက်ချုပ် ကိုဆွေဝင်းကို ယနေ့ (မတ်လ ၁၄ ရက်) ညနေပိုင်းတွင် လူတစ်စုက မြောင်းမြလမ်းထိပ်တွင် ရန်ပြုတိုက်ခိုက်ရန် ကြံစည်ခဲ့ကြောင်း Myanmar Now အယ်ဒီတာ အဖွဲ့ထံမှ သိရသည်။
“ဒီနေ့ ညနေပိုင်းက လူတစ်စုကနေ ၀ိုင်းလာပြီး ရန်ပြုတာလို့ သိရပါတယ်၊ အခုပဲ ကိုဆွေဝင်းနဲ့ အဆက်အသွယ် ရတယ်၊ ရဲကိုဖုန်းဆက်လိုက်လို့ ရဲရောက်လာတဲ့ အချိန်ကျမှ သူတို့ ထွက်သွားတာ၊ ဘာမှတော့ ဖြစ်မသွားဘူး၊ အခုတော့ ရဲက လုံခြုံရေး တိုးမြှင့်ပေးထားတယ်လို့ သိရတယ်”ဟု Myanmar Now သတင်းဌာန အယ်ဒီတာ ကိုဇာနည်ဝင်းက ပြောကြားသည်။
“မရိုက်ခံရပါဘူး၊ စကား များတာပါ၊ ဘီယာဆိုင်က ထွက်လာတဲ့ သုံးယောက်က မင်းက ဆွေဝင်းလား၊ ဘာလား ဆိုပြီး ရန်စတာလို့ သိရတယ်၊ ရဲတွေ ရောက်တော့မှ ထွက်ပြေးသွားတာ၊ သူတို့ကိုတော့ လိုက်လံ စုံစမ်းနေပါတယ်”ဟု ရန်ကုန်တိုင်းဒေသကြီး ရဲတပ်ဖွဲ့မှ တာဝန်ရှိသူတစ်ဦးက ပြောကြားသည်။
ရန်ပြုခံရမှုနှင့်ပတ်သတ်၍ ကိုဆွေဝင်းက ယခု သတင်း ရေးသားချိန် ည ၁၁ နာရီခွဲတွင် စမ်းချောင်းမြို့မ ရဲစခန်းတွင် အမှုဖွင့် တိုင်ကြားလျက်ရှိပြီး ရဲတပ်ဖွဲ့က ရန်ပြုသူများကို ဖမ်းဆီးရမိရေး ဆောင်ရွက်လျက်ရှိကြောင်း စမ်းချောင်းမြို့နယ် ရဲတပ်ဖွဲ့ထံမှ သိရသည်။
The Voice
Subscribe to:
Post Comments (Atom)
No comments:
Post a Comment