ကိုယ့်အကြောင်းတွေ တွေးပြီး ၀မ်းနည်းမနေပါနဲ့ ။ ကိုယ့်ကို တကယ်ပဲ သတိရရင် ကိုယ် ဖြစ်စေချင်တာတွေ ဖြစ်အောင်လုပ်ပေးပါ ။ ဥပမာ ဆေးလိပ် မသောက်တာမျိုး အရက် ဘီယာ ရှောင် တာမျိုးလေးပေါ့ ။ မရှိတော့တဲ့ ကိုယ့်ကို တမ်းတရင်း အချိန်မဖြုန်းပါနဲ့ ။ ဘ၀မှာ အောင်မြင်တဲ့ လူ တစ်ယောက် ဖြစ်အောင် ကြိုးစားနေထိုင်ပေးပါ ။တစ်ယောက်တည်း ဖြစ်သွားလို့ စိတ်ဓာတ်မကျပါနဲ့ ၊ အားမငယ်ပါနဲ့ ၊ ကိုယ်ရှိနေတုန်းက ပေးခဲ့တဲ့ စိတ်ဓာတ်ခွန်အားတွေက တစ်ခဏတာ အတွက် မဟုတ်ပါဘူး။ တစ်ဘ၀စာပါ။ ဘယ်လို အခြေအနေမျိုးမှာပဲ ဖြစ်ဖြစ် ရိုးသားစွာ နေထိုင်ပါ ။ ရိုးသားမှု အတွက် ထာဝရ ဂုဏ်ယူနေစေချင်တာ ကိုယ့်ရဲ့ဆန္ဒပါ ။
ကိုယ်ချစ်တဲ့သူဟာ မိမိကိုယ်ပိုင်ငွေ မဟုတ်ဘဲ လုပ်ငန်းတာဝန်အရသော်လည်းကောင်း ပုဂ္ဂိုလ်ရေးအရ သော်လည်းကောင်း ခေတ္တခဏ တာဝန်ယူထိန်းသိမ်းပေးထားရတဲ့ တပါးသူရဲ့ ငွေကြေးဥစ္စာအပေါ်မှာ အနည်းငယ်လေးတောင် သာယာစိတ် မ၀င်မိပါစေနဲ့ ။ ငွေနဲ့ ပတ်သတ်ပြီး သိက္ခာမကျပါစေနဲ့ ။ ကတိတစ်ခု ကို လွယ်လွယ်ကူကူ မပေးမိပါစေနဲ့ ။ ထို့အတူပဲ စကားတစ်ခွန်းကို လွယ်လွယ်ကူကူ မပြောပါနဲ့ ။ လူတိုင်းက ကိုယ်မဟုတ်တဲ့အတွက် အခါတိုင်း နားလည်ပေးမှာ မဟုတ်လို့ပါ ။
ဘဝခရီးလမ်း တစ်လျှောက်မှာ ဆုံးရှုံးမှုတွေ အခက်အခဲတွေ ကြုံဆုံလာရတိုင်း လွယ်တကူ အလျှော့ပေးလိုက်ဖို့ မဆုံးဖြတ်ပါနဲ့။ လဲကျနေတဲ့ အခိုက်အတန့်မှာ ထူပေးမယ့်လူ မရှိလို့လည်း စိတ်ဓာတ်မကျပါနဲ့။ မိမိကိုယ်သာ ကိုးကွယ် ရာပါ ။ စိတ်ပျက်အားလျော့နေလို့ ဘာမှဖြစ်မလာပါဘူး။ နာကျင်မှုတွေကို ကြံ့ကြံ့ခံပြီး ဆက်လျှောက်ပါ။ ဖြစ်သင့်တာထက် .... ဖြစ်ချင်တာကို ဦးစားမပေးပါနဲ့ ။ ခုချက်ချင်းထလုပ်ရင်...ပြီးသွားလောက်မယ့်ကိစ္စကို အချိန်မဆွဲပါနဲ့။ နောင်တဆိုတာ အချိန်လွန်မှ ရတတ်တာမျိုးပါ ။ တန်ဖိုးထားသင့်တဲ့အရာတွေဟာ အများသော အားဖြင့် အစားပြန်မရတတ်ပါဘူး ။
ကျန်းမာရေးဂရုစိုက်ပါ ။ မိုးရွာထဲမှာ ထီးမပါဘဲ မသွားပါနဲ့ ။ ထီးကိုင်ရမှာလည်း မပျင်းပါနဲ့ ။ နေမကောင်း ဖြစ်ရင် ဆေးပတ်လည်အောင် မသောက်ချင်လည်းပဲ ကိုယ်ပူညံပူညံ ပြောခဲ့တာတွေ ကို သတိရပြီးသောက်ပေးပါ ။
ရှေ့ဆက်ရမယ့် ဘ၀ခရီးမှာ သင့်တော်ကောင်းမွန်တဲ့ လက်တွဲဖော်တွေ့ခဲ့ရင် အသက်ရှင်လျက် မရှိတော့တဲ့ ကိုယ့်ကို အားနာမနေဘဲ ရွေးချယ်လိုက်ပါ ။ ဘ၀ကို အောင်မြင် ပျော်ရွှင်စွာနဲ့ ဖြတ်သန်းနိုင်တဲ့ လူကောင်းလူတော်လေး အဖြစ်နဲ့ သက်ဆုံးတိုင် နေထိုင်သွားပေးပါ ။
Trend Myanmar
No comments:
Post a Comment